നമ്മളിതിൽ ഇല്ല..മാറിനിന്ന് കണ്ടാൽ മതി! പാഡ് 3 ചൈനയിൽ അവതരിപ്പിച്ച് വിവോ

വിവോ ചൈനയിൽ പുതിയ ആൻഡ്രോയിഡ് ടാബ്‌ലെറ്റ് ലോഞ്ച് ചെയ്തു. വിവോ പാഡ് 3 പ്രോയുടെ തൊട്ട് പിന്നാലെ ആണ് ഈ പുതിയ പാഡ് 3 ആൻഡ്രോയിഡ് ടാബ്‌ലെറ്റ് എത്തുന്നത്. സ്‌നാപ്ഡ്രാഗൺ 8 ജെൻ 3 ചിപ്‌സെറ്റിൻ്റെ സംയോജനത്തിലൂടെ സമാനമായ മുൻനിര അനുഭവം നൽകാനാണ് ലക്ഷ്യമിടുന്നത്. സ്‌നാപ്ഡ്രാഗൺ ചിപ്പിന് പുറമെ, സൂപ്പർ-സ്മൂത്ത് ഡിസ്‌പ്ലേ, ഫാസ്റ്റ് ചാർജിംഗ് പിന്തുണയുള്ള വലിയ ബാറ്ററി, 3D VC കൂളിംഗ്, ശക്തമായ ആറ്-സ്പീക്കർ സിസ്റ്റം എന്നിവയും വിവോ പാഡ് 3 സവിശേഷതകളാണ്. വിവോ പാഡ് 3നെ കുറിച്ച് നിങ്ങൾ അറിയേണ്ടതെല്ലാം ഇതാ!

വിവോ പാഡ് 3യുടെ വില: ചൈനയിലെ വിവോ പാഡ് 3യുടെ അടിസ്ഥാന 8 ജിബി/128 ജിബി മോഡലിന് CNY 2,499 (ഏകദേശം 28,700 രൂപ) മുതൽ ആരംഭിക്കുന്നു. 8 ജിബി/256 ജിബി മോഡലിന് CNY 2,799 (ഏകദേശം 32,150 രൂപ) ആണ്, 12 ജിബി/256 ജിബി CNY 3,099 (ഏകദേശം 35,600 രൂപ), 12 ജിബി/512 ജിബി CNY 3,399 (ഏകദേശം 39,050 രൂപ) എന്നിങ്ങനെ ആണ് വില.

വിവോ പാഡ് 3 സ്പ്രിംഗ് ടൈഡ് ബ്ലൂ, തിൻ പർപ്പിൾ, കോൾഡ് സ്റ്റാർ ഗ്രേ കളർ ഓപ്ഷനുകളിൽ ലഭ്യമാണ്. ചൈനയ്ക്ക് പുറത്ത് വിവോ പാഡ് 3യുടെ ലഭ്യതയെ കുറിച്ച് ഇപ്പോൾ ഒരു വിവരവും കമ്പനി പുറത്ത് വിട്ടിട്ടില്ല. അതിനായി കുറിച്ച് കൂടെ കാത്തിരിക്കേണ്ടതുണ്ട്.

വിവോ പാഡ് 3 സ്പെസിഫിക്കേഷനുകൾ: വിവോ പാഡ് 3 ന് 12.1 ഇഞ്ച് 2.8 കെ എൽസിഡി സ്‌ക്രീനും 7:5 ആസ്പെക്ട് റേഷ്യോയും 600 നിറ്റ്‌സ് പീക്ക് ബ്രൈറ്റ്നസ്സും ഉണ്ട്. പാനലിന് 144Hz റീഫ്രഷ് റേറ്റ്, 240Hz ടച്ച് സാമ്പിൾ റേറ്റ്, HDR10 പിന്തുണ എന്നിവയുണ്ട്. ഡിസ്പ്ലേ TÜV റെയിൻലാൻഡ് ലോ ബ്ലൂ ലൈറ്റ് സർട്ടിഫൈഡ് ആണ്. ആറ് സ്പീക്കർ സംവിധാനമാണ് വിവോ പാഡ് 3യിൽ ഉൾപ്പെടുത്തിയിരിക്കുന്നത്.

12 ജിബി വരെ LPDDR5x റാമുമായി ജോടിയാക്കിയ സ്നാപ്ഡ്രാഗൺ 8s Gen 3 ചിപ്‌സെറ്റാണ് വിവോ പാഡ് 3 നൽകുന്നത്. ടാബ്‌ലെറ്റിൽ 512 ജിബി വരെ UFS 4.0 സ്റ്റോറേജ് (128 ജിബി വേരിയൻ്റിൽ UFS 3.1) ഉണ്ട്. വിവോ പാഡ് 3 44W വയർഡ് ഫാസ്റ്റ് ചാർജിംഗ് സപ്പോർട്ട് ഉള്ള 10,000 mAh ബാറ്ററി പായ്ക്ക് ചെയ്യുന്നു.

27500 mm² ഉപരിതല വിസ്തീർണ്ണമുള്ള 3D VC കൂളിംഗ് സിസ്റ്റം പാഡ് 3ൽ ഉണ്ട്. ഒപ്റ്റിക്‌സിനായി, വിവോ പാഡ് 3യിൽ 8 എംപി ബാക്ക് ക്യാമറയും 1080 പിക്സൽ വീഡിയോ റെക്കോർഡിംഗിനെ മാത്രം സപ്പോർട്ട് ചെയുന്ന 5 എംപി ഫ്രണ്ട് ക്യാമറയും ഉൾപ്പെടുന്നു.

വിവോയുടെ ചൈനയിൽ ലോഞ്ച് ആയ പുതിയ പാഡ് 3 ആൻഡ്രോയിഡ് 14 അടിസ്ഥാനമാക്കിയുള്ള ഒറിജിൻ ഒഎസ് 4 പ്രവർത്തിക്കുന്നു. കണക്റ്റിവിറ്റി ഓപ്ഷനുകളിൽ 4ജി, 5ജി, വൈഫൈ (Wi-Fi) 6, യുഎസ്ബി ടൈപ്പ്-സി പോർട്ട്, ബ്ലൂടൂത്ത് 5.4 എന്നിവയും മറ്റും ഉൾപ്പെടുന്നു. ഇതുവരെ മറ്റ് വിപണിയിൽ വരുന്നതിനെ കുറിച്ച് കമ്പനി വിവരങ്ങൾ ഒന്നും പുറത്ത് വിടാത്തതുകൊണ്ട് ആഗോള ലോഞ്ചിനായി ഇനിയും കാത്തിരിക്കേണ്ടത് ഉണ്ട്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.