ഷോക്ക് റെസിസ്റ്റൻസുള്ള ഡബ്ല്യുഡി മൈ പാസ്‌പോർട്ട് എസ്എസ്ഡി ഇന്ത്യയിൽ അവതരിപ്പിച്ചു: വില, സവിശേഷതകൾ

വെസ്റ്റേൺ ഡിജിറ്റൽ മൈ പാസ്‌പോർട്ട് എസ്എസ്ഡി: വില, ലഭ്യത

വെസ്റ്റേൺ ഡിജിറ്റൽ നൽകുന്ന പുതിയ മൈ പാസ്‌പോർട്ട് എസ്എസ്ഡി 500 ജിബി, 1 ടിബി, 2 ടിബി കപ്പാസിറ്റിയിൽ ലഭ്യമാണ്. ഗ്രേ, ബ്ലൂ, ഗോൾഡ് എന്നിവയുൾപ്പെടെ നിരവധി നിറങ്ങളിൽ ഈ ഡിവൈസ് വിപണിയിൽ വരുന്നു. ഇത് നിലവിൽ ആമസോണിൽ നിന്നും വാങ്ങാൻ ലഭ്യമാണ്. ഇപ്പോൾ നടക്കുന്ന ആമസോൺ ഗ്രേറ്റ് ഇന്ത്യ ഫെസ്റ്റിവലിന്റെ ഭാഗമായി കുറഞ്ഞ വിലയ്ക്ക് ഇത് വിപണനം ചെയ്യുന്നു. ഈ കാലയളവിൽ, ഒക്ടോബർ 30 വരെ മൈ പാസ്‌പോർട്ട് എസ്എസ്ഡി 500 ജിബി ബേസ് വേരിയന്റിന് 6,999 രൂപയും, 1 ടിബി വേരിയന്റിന് 12,999 രൂപയും, 2 ടിബി വേരിയന്റിന് 24,999 രൂപയുമാണ് വില വരുന്നത്.

നവംബർ 13 മുതൽ മൈ പാസ്‌പോർട്ട് എസ്എസ്ഡി റീട്ടെയിൽ ഷോപ്പുകളിലും ലഭ്യമാണ്. 500 ജിബി വേരിയന്റിന് 8,999 രൂപയും, 1 ടിബി വേരിയൻറ് 15,999 രൂപയും, 2 ടിബി വേരിയന്റിന് 28,999 രൂപയുമാണ് വില വരുന്നത്. മൈ പാസ്‌പോർട്ട് എസ്എസ്ഡിക്ക് അഞ്ച് വർഷത്തെ ലിമിറ്റഡ് വാറണ്ടിയും വരുന്നു.

വെസ്റ്റേൺ ഡിജിറ്റൽ മൈ പാസ്‌പോർട്ട് എസ്എസ്ഡി: സവിശേഷതകൾ

വെസ്റ്റേൺ ഡിജിറ്റലിന്റെ പുതിയ മൈ പാസ്‌പോർട്ട് എസ്എസ്ഡി 1050 എംബിബിഎസ്‌ വരെ തുടർച്ചയായ റീഡ് സ്പീഡും 1000 എംബിബിഎസ്‌ വരെ തുടർച്ചയായ റൈറ്റ് സ്‌പീഡും നൽകുന്നു. പാസ്‌വേഡ് പ്രവർത്തനക്ഷമമാക്കിയ 256-ബിറ്റ് എഇഎസ് ഹാർഡ്‌വെയർ എൻക്രിപ്ഷൻ ഇതിന് ഉണ്ട്. കണ്ടെന്റ് പരിരക്ഷിക്കാൻ ഇത് സഹായിക്കുന്നു. ഇന്നുവരെയുള്ള ഏറ്റവും വേഗതയേറിയ മൈ പാസ്‌പോർട്ട് ഡ്രൈവ് ഇതാണെന്ന് വെസ്റ്റേൺ ഡിജിറ്റൽ വ്യക്തമാക്കി.

യുഎസ്ബി ടൈപ്പ്-സി കേബിളും യുഎസ്ബി ടൈപ്പ്-എ അഡാപ്റ്ററും വരുന്ന യുഎസ്ബി 3.2 ജെൻ -2 സാങ്കേതികവിദ്യയാണ് ഇതിന്. പുതിയ പാസ്‌പോർട്ട് എസ്എസ്ഡി ഔട്ട്-ഓഫ്-ബോക്‌സ് ആയി ഉപയോഗിക്കാൻ സജ്ജമാണ്. ഇത് മാകോസ് (v10.13 ഉം അതിന് മുകളിലുള്ളതും) വിൻഡോസ് (v8.1 ഉം അതിന് മുകളിലുള്ളതും) എന്നിവയുമായി പൊരുത്തപ്പെടുന്നു. ഇതിന് മോടിയുള്ള ലോഹ രൂപകൽപ്പനയും, പോർട്ടബിൾ ഡിസൈനും വരുന്നു. കമ്പനി പറയുന്നതനുസരിച്ച്, മുൻ എഡിഷനെ അപേക്ഷിച്ച് സ്രഷ്‌ടാക്കൾക്ക് ഈ ഡിവൈസിന്റെ ഡ്യൂവൽ സ്പീഡിൽ കണ്ടെന്റ് നീക്കാനും എഡിറ്റുചെയ്യാനും കഴിയും.