എക്സ്ബോക്സ് സീരീസ് എക്‌സ്, സീരീസ് എസ് പ്രീ-ഓർഡറുകൾ ഇന്ത്യയിൽ ആരംഭിച്ചു: വില, ലോഞ്ച് തീയതി

നവംബർ 10 ന് എക്സ്ബോക്സ് സീരീസ് എസ്, സീരീസ് എക്സ് എന്നിവ വിപണിയിൽ എത്തുമെന്ന് റിപ്പോർട്ടുകൾ കാണിക്കുന്നു. ഈ പുതിയ ഗെയിമിങ് കൺസോളുകൾ ഹാർഡ്‌വെയർ അപ്‌ഗ്രേഡുകളും പുതിയ സോഫ്റ്റ്വെയർ സവിശേഷതകളും കൊണ്ടുവരുന്നു. യുഎസ്, യുകെ, കൂടാതെ മറ്റ് ഏതാനും രാജ്യങ്ങളിലെ ഉപഭോക്താക്കൾക്ക് എക്സ്ബോക്സ് ഓൾ-ആക്സസ് പ്രോഗ്രാം ഉപയോഗിച്ച് ഇത് വാങ്ങാൻ കഴിയും. പക്ഷെ, ഇന്ത്യൻ ഉപഭോക്താക്കൾക്ക് എക്സ്ബോക്സ് ഓൾ-ആക്സസിലേക്ക് ആക്സസ് ലഭിക്കാത്തതിനാൽ കൺസോൾ പൂർണ്ണമായും വാങ്ങേണ്ടിവരും.

മൈക്രോസോഫ്റ്റ് ഈ വർഷം പുതിയ എക്സ്ബോക്സ് കൺസോളുകൾ ഉപയോക്താക്കൾക്ക് താങ്ങാവുന്ന വിലയ്ക്കായി ലഭിച്ചേക്കും. 512 ജിബി സ്റ്റോറേജുള്ള സിംഗിൾ വേരിയന്റിന് എൻട്രി ലെവൽ എക്സ്ബോക്സ് സീരീസ് എസിന് ഇന്ത്യയിൽ 34,990 രൂപയാണ് വില വരുന്നത്. എല്ലാ പ്രോഡക്റ്റുകളും വരുന്ന ഫ്രന്റ്സീലൈൻ സിരീസ് എക്‌സിന് 49,990 രൂപ വിലയുണ്ട്. രണ്ട് കൺസോളുകളും ഒരു എക്സ്ബോക്സ് വയർലെസ് കൺട്രോളറുമായി ജോടിയാക്കുന്നു. ഈ ഗാഡ്‌ജറ്റിന് ഇപ്പോൾ ഒരു പുതിയ ഷെറിങ് ബട്ടൺ വരുന്നു. സീരീസ് എസ് ഒരൊറ്റ വെളുത്ത നിറത്തിലാണ് വരുന്നത്, എന്നാൽ, സീരീസ് എക്‌സിന് ഒരു ബ്ലാക്ക് കളർ വേരിയന്റ് മാത്രമേ ലഭിക്കൂകയുള്ളു.

ഇന്ത്യയിലെ ആദ്യകാല പ്രീ-ഓർഡറുകൾക്കൊപ്പം സോണിയുടെ പ്ലേസ്റ്റേഷൻ 5 നെക്കാൾ മൈക്രോസോഫ്റ്റിന് മുൻ‌തൂക്കം ലഭിക്കുന്നു. സോണി പി‌എസ് 5, പി‌എസ് 5 ഓൾ ഡിജിറ്റൽ എന്നിവയുടെ വില കഴിഞ്ഞ ആഴ്ച പ്രഖ്യാപിച്ചിരുന്നു. എന്നിരുന്നാലും, ഇന്ത്യയിൽ ഇതിന് എന്ത് വില വരുമെന്ന കാര്യം ഇതുവരെ പ്രഖ്യാപിച്ചിട്ടില്ല. യു‌എസിൽ വരുന്ന വിലകൾ‌ക്കനുസരിച്ച്, പി‌എസ് 5 ബ്ലൂ-റേ എഡിഷന് എക്സ്ബോക്സ് സീരീസ് എക്സിനു തുല്യമായ ഒരു വില വന്നേക്കാമെന്നാണ്.

എക്സ്ബോക്സ് സീരീസ് എസ്: സവിശേഷതകൾ

എക്സ്ബോക്സ് സീരീസ് എസ് ഉയർന്ന വിലയുള്ള ഗെയിമിംഗ് സവിശേഷതകൾ 34,990 രൂപയ്ക്ക് വാഗ്ദാനം ചെയ്യുന്നു. ഈ വിലയിൽ ഇത്രയും മികച്ച സവിശേഷതകൾ മറ്റൊരു പിസിക്കും നൽകാൻ കഴിയില്ല. സീരീസ് എസ് 2 കെ ഗെയിമിംഗ് വരെ ഇതിൽ പ്ലേയ് ചെയ്യുവാൻ സാധിക്കുമെന്ന് പറയുന്നു. കൂടാതെ, 1080p യിൽ 120 എഫ്പി‌എസ് ഗെയിമിംഗ് പോലും നിങ്ങൾക്ക് കളിക്കുവാൻ കഴിയും. ഹാർഡ്‌വെയർ റേ-ട്രെയ്‌സിംഗിനെ പിന്തുണയ്‌ക്കുന്ന ഇത് ഇപ്പോഴും ഉയർന്ന നിലവാരത്തിലുള്ള ഗെയിമിംഗ് പിസികളിലേക്കും ലാപ്‌ടോപ്പുകളിലേക്കും പരിമിതപ്പെടുത്തിയിരിക്കുന്നു. സീരീസ് എസിന് ക്വിക്ക് റീസ്റ്റാർട്ടും കൂടുതൽ ചെലവേറിയ സീരീസ് എക്‌സിൽ നിന്ന് വേഗത്തിൽ ലോഡുചെയ്യുന്ന സമയവും ലഭിക്കുന്നു. ലോഡിംഗ് സമയം വർദ്ധിപ്പിക്കുന്നതിന് മൈക്രോസോഫ്റ്റ് ഒരു കസ്‌റ്റം എസ്എസ്ഡി സ്റ്റോറേജ് ഉപയോഗിക്കുന്നു.