നിരവധി ഹെൽത്ത് ഫീച്ചറുകളുമായി ഷവോമി എംഐ ബാൻഡ് 6 അവതരിപ്പിച്ചു

വൺപ്ലസ് ബാൻഡ്, റിയൽമി ബാൻഡ് എന്നിവയാണ് എംഐ ബാൻഡ് 6 ൻറെ ചില ബദലുകൾ. എംഐ ബാൻഡ് 6 പോലുള്ളവ ഏറ്റെടുക്കാൻ ഈ വർഷം കമ്പനി പുതിയ ഫിറ്റ്നസ് ബാൻഡുകൾ ഇന്ത്യയിൽ കൊണ്ടുവരുമെന്ന് റിയൽമി അടുത്തിടെ സ്ഥിരീകരിച്ചു. കറുപ്പ്, നീല, ഓറഞ്ച്, മഞ്ഞ, ഒലിവ്, ഐവറി എന്നിവയുൾപ്പെടെ ആറ് പുതിയ നിറങ്ങളിൽ എംഐ ബാൻഡ് 6 വരുന്നു. താൽപ്പര്യമുള്ളവർക്ക് ഓഗസ്റ്റ് 30 മുതൽ ഇന്ത്യയിൽ എംഐ ബാൻഡ് 6 വാങ്ങാം. ഫിറ്റ്നസ് ബാൻഡ് ഓർഡർ ചെയ്യുന്നതിനായി ഉപഭോക്താക്കൾക്ക് ആമസോൺ.ഇൻ, എംഐ.കോം തുടങ്ങിയ ഓൺലൈൻ വെബ്സൈറ്റുകളിലേക്ക് പോകാം അല്ലെങ്കിൽ അടുത്തുള്ള എംഐ സ്റ്റോർ സന്ദർശിക്കുക.

എംഐ ബാൻഡ് 6 ൻറെ മികച്ച സവിശേഷതകൾ

എംഐ ബാൻഡ് 6 കഴിഞ്ഞ കുറച്ച് മാസങ്ങളായി ചൈനയിൽ ലഭ്യമാണ്, അതേ മോഡൽ ഇന്ന് രാജ്യത്ത് എത്തുന്നു. എംഐ ബാൻഡ് 6 നിലവിലുള്ള എംഐ ബാൻഡ് 5 ന് ശേഷം കഴിഞ്ഞ വർഷം ഇന്ത്യയിൽ അവതരിപ്പിക്കുകയും നിലവിൽ 2,499 രൂപയ്ക്ക് വിൽക്കുകയും ചെയ്യുന്നു. പുതിയതായി അവതരിപ്പിച്ച എംഐ ഫിറ്റ്നസ് ബാൻഡിൻറെ പ്രധാന സവിശേഷതകളും പ്രത്യകതകളും നമുക്ക് ഇവിടെ വിശദമായി പരിശോധിക്കാം.

എംഐ ബാൻഡ് 6 വലുതും തിളക്കമുള്ളതുമായ ഡിസ്പ്ലേയുമായി വരുന്നു. ഇത് ഒരു ഫുൾ സ്ക്രീൻ 1.56 ഇഞ്ച് അമോലെഡ് ഡിസ്പ്ലേയാണ്, കൂടാതെ എംഐ ഫിറ്റ് ആപ്പ് ഉപയോഗിച്ച് ഉപയോക്താക്കൾക്ക് 60+ ബിൽറ്റ്-ഇൻ ബാൻഡ് ഡിസ്പ്ലേ ഓപ്ഷനുകളിൽ നിന്ന് ഡിസ്പ്ലേകൾ തിരഞ്ഞെടുക്കാനാകും. കറുപ്പ്, നീല, ഓറഞ്ച്, മഞ്ഞ, ഒലിവ്, ഐവറി തുടങ്ങി ആറ് വ്യത്യസ്ത നിറങ്ങളിൽ എംഐ ബാൻഡ് വിപണിയിൽ വരുന്നു. കോവിഡ്-19 വ്യാപിക്കുന്ന ഈ സമയത്ത് ഉണ്ടായിരിക്കേണ്ട സുപ്രധാനമായ നിരവധി ആരോഗ്യ സവിശേഷതകളും എംഐ ബാൻഡ് 6ൽ ഉണ്ട്. എംഐ ബാൻഡ് 6 ൻറെ ചില പ്രധാന ആരോഗ്യ സവിശേഷതകളിൽ SpO2 ട്രാക്കിംഗ് അല്ലെങ്കിൽ ബ്ലഡ് ഓക്സിജൻ മോണിറ്ററിങ്, സ്ലീപ് ട്രാക്കിംഗ്, റെസ്പിറേറ്റർ ട്രാക്കിംഗ്, ഹാർട്ട്റേറ്റ് മോണിറ്ററിങ്, സ്ട്രെസ് മോണിറ്ററിംഗ്, ശ്വസന വ്യായാമം, ഫെമയിൽ ഹെൽത്ത് ട്രാക്കിംഗ് എന്നിവയും ഉൾപ്പെടുന്നു.

ഈ ഫിറ്റ്നസ് ബാൻഡിൽ ബാസ്ക്കറ്റ്ബോൾ, ബോക്സിംഗ്, നടത്തം, ഓട്ടം, എച്ച്ഐഐടി, കോർ പരിശീലനം, സുംബ, പൈലേറ്റ്സ്, ബാഡ്മിന്റൺ തുടങ്ങി നിരവധി വ്യത്യസ്ത ഫിറ്റ്നസ് മോഡുകൾ എന്നിവ ലഭ്യമാണ്. മുൻ തലമുറ എംഐ ബാൻഡുകളിൽ നിന്നുള്ള സൂചനകൾ നോക്കിയാൽ ഈ എംഐ ബാൻഡ് 6 50 മീറ്റർ വാട്ടർ റെസിസ്റ്റസുമായി വരുന്നു. ഓട്ടോമാറ്റിക് സ്ട്രോക്ക് റെക്കഗ്നിഷനുമുണ്ട് ഈ പുതിയ സ്മാർട്ട്ബാൻഡിൽ. മുൻ തലമുറ എംഐ ബാൻഡ് എഡിഷനുകൾക്ക് സമാനമായി ഈ പുതിയ എംഐ ബാൻഡ് 6 മാഗ്നറ്റിക് ചാർജിംഗ് സപ്പോർട്ടുമായി വരുന്നു. ഈ ഫിറ്റ്നസ് ബാൻഡ് കൂടുതലായി ഉപയോഗിക്കുമ്പോൾ 5 ദിവസം വരെ ബാറ്ററി ലൈഫ്, സാധാരണ മോഡിൽ 14 ദിവസം വരെയും നിലനിൽക്കുമെന്ന് കമ്പനി അവകാശപ്പെടുന്നു. ബാൻഡ് പവർ-സേവിംഗ് മോഡിലാണെങ്കിൽ ഇത് 19 ദിവസം വരെ നിലനിൽക്കുമെന്നും പറയുന്നു.