ഇന്ത്യയിൽ ക്രൗഡ് ഫണ്ടിംഗ് വഴി ഷവോമിയുടെ പുതിയ എംഐ പവർ ബാങ്ക് ഹൈപ്പർസോണിക് ലഭ്യമാണ്

ഷവോമി എംഐ പവർബാങ്ക് ഹൈപ്പർസോണിക് സവിശേഷതകൾ

20,000 എംഎഎച്ച് ബാറ്ററിയുള്ള ഷവോമി എംഐപവർബാങ്ക് ഹൈപ്പർസോണിക്കിൽ രണ്ട് യുഎസ്ബി-എ പോർട്ടുകളും ഒരു യുഎസ്ബി ടൈപ്പ്-സി പോർട്ടും ഉണ്ട്. മൂന്ന് പോർട്ടുകളിൽ നിന്നും പവർ ഔട്ട്പുട്ട് ചെയ്യാൻ ഈ ഡിവൈസിന് കഴിയും, അതേസമയം യുഎസ്ബി ടൈപ്പ്-സി പോർട്ട് ഉപയോഗിച്ച് മാത്രമേ ചാർജ് ചെയ്യാൻ സാധിക്കുകയുള്ളു. ഷവോമി എംഐ പവർബാങ്ക് ഹൈപ്പർസോണിക്കിനെ ഒരു മികച്ച പവർ ബാങ്കാക്കി മാറ്റുന്ന ചില ഫീച്ചറുകളുണ്ട്.

ഫാസ്റ്റ് ചാർജിംഗ് സപ്പോർട്ട് ചെയ്യുന്ന നിരവധി പവർ ബാങ്കുകളുണ്ടെങ്കിലും അവയൊന്നും ഷവോമി എംഐ പവർബാങ്ക് ഹൈപ്പർസോണിക് ഉൽ‌പാദനവുമായി അടുക്കുന്നില്ല. ഈ പവർ ബാങ്കിന് 50W വരെ സ്മാർട്ട്‌ഫോണുകൾ ചാർജ് ചെയ്യാൻ കഴിയും, കൂടാതെ 45W ൻറെ ലാപ്‌ടോപ്പുകളും ചാർജ് ചെയ്യുവാൻ കഴിയും, ഇത് ചില ഫാസ്റ്റ് ചാർജറുകളെ പോലും പ്രവർത്തനമികവിൽ കടത്തിവെട്ടുന്നു. മാത്രമല്ല, പവർ ബാങ്ക് തന്നെ 45W ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു. എന്നാൽ, ഈ സവിശേഷത ലഭിക്കുന്നതിനായി ഒരാൾ നിർദ്ദിഷ്ട ഫാസ്റ്റ് ചാർജർ വാങ്ങേണ്ടി വരും. പ്ലാസ്റ്റിക് ബോഡിയും മാറ്റ് ബ്ലാക്ക് എക്സ്റ്റീരിയറുമുള്ള കമ്പനിയിൽ നിന്ന് ഇതിനകം നിലവിലുള്ള പവർ ബാങ്കുകൾക്ക് സമാനമാണ് ഷവോമി എംഐ പവർബാങ്ക് ഹൈപ്പർസോണിക്.

ഷവോമി എംഐ പവർബാങ്ക് ഹൈപ്പർസോണിക്കിൻറെ വിലയും, ലഭ്യതയും

ജൂലൈ 30 മുതൽ എംഐ ക്രോഡ്ഫണ്ടിംഗ് പ്ലാറ്റ്ഫോം വഴി പ്രീ-ഓർഡറിനായി ഷവോമി എംഐ പവർബാങ്ക് ഹൈപ്പർസോണിക് ലഭ്യമാകും. ആദ്യം തന്നെ ഈ ഉൽപ്പന്നം വിലപേശൽ വഴി വിലയ്ക്ക് വാങ്ങാം. കാമ്പെയ്‌ൻ വിജയകരമാവുകയാണെങ്കിൽ കമ്പനി ഷവോമി എംഐ പവർബാങ്ക് ഹൈപ്പർസോണിക് ഒരു സാധാരണ ഉൽ‌പ്പന്നമായി വരും മാസങ്ങളിൽ അല്പം ഉയർന്ന വിലയ്ക്ക് വിപണിയിൽ പുറത്തിറക്കും. എംഐ ബൂസ്റ്റ് പ്രോ പവർ ബാങ്കിൻറെ വില താരതമ്യപ്പെടുത്തുമ്പോൾ ഷവോമി എംഐ പവർബാങ്ക് ഹൈപ്പർസോണിക്ക് 3,000 രൂപയിൽ താഴെ വില പ്രതീക്ഷിക്കുന്നു. നേരത്തേ ഇത് വാങ്ങുന്നതിനായി തീരുമാനിച്ചവർ ഇതിൻറെ യഥാർത്ഥ വിതരണത്തിനായി ഒരു മാസമോ അതിൽ കൂടുതലോ കാത്തിരിക്കേണ്ടി വരും.