കമോൺട്ര മോനെ...! റെഡ്മി പാഡ് പ്രോ 5ജിയോടൊപ്പം കിടിലൻ അക്‌സെസ്സറികളും ഇന്ത്യയിൽ ലോഞ്ച് ചെയ്തു

ഷവോമിയുടെ പുതിയ ടാബ്‌ലെറ്റ് റെഡ്മി പാഡ് പ്രോ 5ജി (Redmi Pad Pro 5G) ഇന്ന് ഇന്ത്യയിൽ ലോഞ്ച് ചെയ്തു. 10000mAh ബാറ്ററി ലൈഫിൻ്റെ കരുത്തുറ്റ ബാറ്ററിയുള്ള വലിയ ഡിസ്‌പ്ലേയാണ് ഈ ഉപകരണത്തിൻ്റെ സവിശേഷത. വൈഫൈയും സെല്ലുലാർ കണക്റ്റിവിറ്റിയും ഉള്ള ആദ്യത്തെ ടാബ്‌ലെറ്റുകളിൽ ഒന്നാണിത് എന്നതാണ് ഇവിടെ പ്രധാന ഹൈലൈറ്റ്. റെഡ്മി പാഡ് എസ്ഇ 4ജി (Redmi Pad SE 4G) സമാന സവിശേഷതകളുള്ള ഒരേയൊരു ഉപകരണമാണ്. അതും ഇന്ന് ഇന്ത്യയിൽ പുറത്തിറങ്ങുന്നു. ടാബ്‌ലെറ്റിനൊപ്പം റെഡ്മി പാഡ് പ്രോ കീബോർഡ്, കവർ, റെഡ്മി സ്മാർട്ട് പെൻ തുടങ്ങിയ അതിൻ്റെ ആക്‌സസറികളും പുറത്തിറക്കിയിട്ടുണ്ട്.

റെഡ്മി പാഡ് പ്രോ 5ജിയുടെ വിലയും ലഭ്യതയും: റെഡ്മി പാഡ് പ്രോ രണ്ട് വേരിയൻ്റിലാണ് പുറത്തിറക്കിയിരിക്കുന്നത്.വൈഫൈ കണക്റ്റിവിറ്റിയും 5 ജിയും, വൈഫൈ കണക്റ്റിവിറ്റിയും. റെഡ്മി പാഡ് പ്രോ 21,999 രൂപയ്ക്ക് ലഭ്യമാണ്. റെഡ്മി പാഡ് പ്രോ 5ജിക്ക് രണ്ട് വേരിയൻ്റുകൾ ഉണ്ടാകും. 8 ജിബി+128 ജിബി വേരിയൻ്റ് 24,999 രൂപയ്ക്കും 8 ജിബി +256 ജിബി 26,999 രൂപയ്ക്കും ഇന്ത്യയിൽ ലഭ്യമാണ്.

ഹോം വെബ്‌സൈറ്റിലും റീട്ടെയിൽ സ്റ്റോറുകളിലും എല്ലാ ഇ-കൊമേഴ്‌സ് വെബ്‌സൈറ്റുകളിലും ഉപകരണങ്ങൾ ലഭ്യമാകും. ഓഗസ്റ്റ് 2ന് ഉച്ചയ്ക്ക് 12 മണി മുതൽ വിൽപ്പന സജീവമാകും. റെഡ്മി പാഡ് പ്രോ 5ജി ഗ്രാഫൈറ്റ് ഗ്രേ, ക്വിക്ക് സിൽവർ നിറങ്ങളിലും റെഡ്മി പാഡ് പ്രോ ഗ്രാഫൈറ്റ് ഗ്രേ, മിസ്റ്റ് ബ്ലൂ എന്നീ നിറങ്ങളിലും ലഭ്യമാണ്.

ഏതാനും ബാങ്ക് ഓഫറുകളും കമ്പനി നൽകും. ഐസിഐസിഐ ബാങ്ക്, എച്ച്ഡിഎഫ്സി ബാങ്ക് കാർഡുകളിൽ ഉപയോക്താക്കൾക്ക് 2,000 രൂപ കിഴിവ് ലഭിക്കും. റെഡ്മി പാഡ് പ്രോ കീബോർഡ്, കവർ, റെഡ്മി സ്മാർട്ട് പെൻ എന്നിവയും 2024 ഓഗസ്റ്റ് 2ന് ഉച്ചയ്ക്ക് 12 മണിക്ക് ശേഷം വിൽപ്പനയ്‌ക്കെത്തും.

റെഡ്മി പാഡ് പ്രോ ആക്‌സസറികളുടെ വിലകൾ നോക്കാം. റെഡ്മി സ്മാർട്ട് പെൻ 3999 രൂപക്കാണ് ഇന്ത്യയിൽ വിൽപ്പന നടക്കുന്നത്. റെഡ്മി പാഡ് പ്രോ കവറിന് 1499 രൂപയും റെഡ്മി പാഡ് പ്രോ കീബോർഡിന് 3999 രൂപയുമാണ് വില. ഇവയ്ക്ക് മറ്റേതെങ്കിലും ഓഫറുകൾ വിൽപ്പന സമയത്ത് ഉണ്ടാകുമോ എന്ന് കണ്ടറിയേണ്ടതുണ്ട്.

റെഡ്മി പാഡ് പ്രോ 5ജിയുടെ പ്രധാന സവിശേഷതകൾ: റെഡ്മി പാഡ് പ്രോ 5G 120Hz റിഫ്രഷ് റേറ്റിനുള്ള പിന്തുണയുള്ള 12.1 ഇഞ്ച് ഡിസ്‌പ്ലേയാണ് അവതരിപ്പിക്കുന്നത്. ഇതിന് 600 നിറ്റ്സ് പീക്ക് ബ്രൈറ്റ്നസ്സ് ഉണ്ട്. കൂടാതെ ടിയുവി റെയിൻലാൻഡ് ലോ ബ്ലൂ ലൈറ്റ് സർട്ടിഫൈഡ് ആണ്.

ഗോറില്ല ഗ്ലാസ് 3 സംരക്ഷണത്തോടെയാണ് ഡിസ്‌പ്ലേ നിർമ്മിച്ചിരിക്കുന്നത്. റെഡ്മി പാഡ് പ്രോ 5ജിയിൽ സ്‌നാപ്ഡ്രാഗൺ 7s Gen 2 ചിപ്‌സെറ്റ് സജ്ജീകരിച്ചിരിക്കുന്നു. ഒപ്പം 8 ജിബി വരെ റാമും 256 ജിബി സ്റ്റോറേജും 1.5 ടിബി വരെ വികസിപ്പിക്കാവുന്നതുമാണ്. 8 എംപി ബാക്ക് ക്യാമറ, 8 എംപി ഫ്രണ്ട് ക്യാമറ, ഡോൾബി അറ്റ്‌മോസ് പിന്തുണയുള്ള ക്വാഡ് സ്പീക്കറുകൾ എന്നിവ ശക്തമായ മൾട്ടിമീഡിയ അനുഭവം ഉറപ്പ് നൽകുന്നു.

ആൻഡ്രോയിഡ് 14 അടിസ്ഥാനമാക്കിയുള്ള ഷവോമി HyperOSലാണ് ഇത് പ്രവർത്തിക്കുന്നത്. കണക്റ്റിവിറ്റിക്കായി, ഓപ്ഷണൽ 5ജി പിന്തുണ, Wi-Fi 6, GPS, ബ്ലൂടൂത്ത് v5.2 എന്നിവയുണ്ട്. 5G സെല്ലുലാർ കണക്റ്റിവിറ്റി സവിശേഷത ഉപകരണത്തിൻ്റെ ഹൈലൈറ്റ് ആണ്. 33W വയർഡ് ചാർജിംഗ് പിന്തുണയുള്ള 10,000mAh ബാറ്ററിയാണ് ടാബ്‌ലെറ്റിൽ ഉള്ളത്. ഇത് 12 മണിക്കൂർ വരെ വീഡിയോ പ്ലേബാക്ക് ടൈം പ്രവർത്തിക്കുമെന്ന് കമ്പനി അവകാശപ്പെടുന്നു.

വരാനിരിക്കുന്ന റെഡ്മി പാഡ് പ്രോയിൽ റെഡ്മി ഉപകരണങ്ങൾ തമ്മിലുള്ള പരസ്പരബന്ധം ശക്തമാകും. ഷവോമി HyperOS, പുതിയ വരാനിരിക്കുന്ന ടാബ്‌ലെറ്റിലേക്ക് ഷെയർഡ് ക്ലിപ്പ്ബോർഡ്, നെറ്റ്‌വർക്ക് സമന്വയം, ഐഫോൺ പോലുള്ള ഫോൺ മിററിംഗ് എന്നിവ കൊണ്ടുവരും. ആക്‌സസറികളെ സംബന്ധിച്ചിടത്തോളം, ഇത് റെഡ്മി പാഡ് പ്രോ കീബോർഡിനെയും 4096-ലെവൽ പ്രഷർ സെൻസിറ്റിവിറ്റിയും 240Hz ടച്ച് സാംപ്ലിംഗ് റേറ്റും ഉള്ള റെഡ്മി സ്മാർട്ട് പെനിനെയും പിന്തുണയ്ക്കുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.