ആൻഡ്രോയിഡ് ഫോണിൽ നിങ്ങൾക്ക് അധികം അറിയാത്ത ഉപകാരപ്രദമായ 5 സൗകര്യങ്ങൾ

നിങ്ങളുടെ വീട്ടിൽ എത്തുമ്പോൾ ഫോൺ തനിയെ ലോക്ക് മാറുന്നത്

ആൻഡ്രോയിഡിന്റെ സ്മാർട്ട് ലോക്ക് സെറ്റിങ്സിൽ പെട്ട ഒരു സവിശേഷത ആണിത്. ഇത് പ്രകാരം നിങ്ങൾ ഒരു സ്ഥലം, അത് വീടാവട്ടെ, അതുപോലെ നിങ്ങൾ സുരക്ഷിതമായ ഒരു സ്ഥലമാവട്ടെ, അവിടെ നിങ്ങൾക്ക് ഫോണിന് ലോക്ക് വേണ്ട എന്ന തോന്നൽ ഉണ്ടെങ്കിൽ ഈ സൗകര്യം ഉപയോഗിക്കാം. അവിടെയെത്തുമ്പോൾ ഫോൺ സ്ഥലം തിരിച്ചറിഞ്ഞു ലോക്ക് മാറിക്കൊള്ളും. ഇതിന് ജിപിഎസ് ഓൺ ആയിരിക്കണം എന്നത് നിർബന്ധമാണ് .

നിങ്ങളുമായി ബന്ധപ്പെട്ട പരസ്യങ്ങൾ ഒഴിവാക്കുന്നത്

നമ്മളുടെ ഗൂഗിൾ ഉപയോഗവും സെർച്ച്, വീഡിയോ, വെബ്സൈറ്റുകൾ തുടങ്ങി ഗൂഗിളുമായി അക്കൗണ്ട് വഴി നടത്തുന്ന ഓരോന്നും അടിസ്ഥാനമാക്കിയാണ് നമുക്കുള്ള പരസ്യങ്ങൾ ലഭിക്കുക. ഉദാഹരണമായി ഒന്നോ രണ്ടോ ദിവസം നിങ്ങൾ ഏതെങ്കിലും ഒരു പേഴ്സണൽ ലോൺ ആസ്പദമാക്കി ഗൂഗിളിൽ സെർച്ച് ചെയ്യുകയും അത്തരം സൈറ്റുകളിൽ കയറുകയുമെല്ലാം ചെയ്തു എന്നിരിക്കട്ടെ, പിന്നീട് നിങ്ങൾക്ക് പരസ്യങ്ങളായി വരിക അത്തരത്തിലുള്ള കമ്പനികളുടെയും സർവീസുകളുടെയും ആയിരിക്കും. ഇത് ചിലപ്പോൾ അരോചകമായി തോന്നിയേക്കും. ഇത് മാറ്റാനായി Settings -> Google -> Ads -> Enable ‘Opt out of Ads Personalization തിരഞ്ഞെടുക്കുക.

ഒരാളുടെ നമ്പർ സേവ് ചെയ്യാതെ തന്നെ അയാൾക്ക് എങ്ങനെ വാട്സാപ്പ് മെസ്സേജ് അയക്കാം?

ഹൃദയമിടിപ്പറിയാൻ ഒരു ആപ്പ്

നിങ്ങളുടെ ഹൃദയമിടിപ്പറിയാൻ ഒരു ആപ്പ്. പ്ളേസ്റ്റോറിൽ ഇത്തരത്തിൽ ഒരുപിടി ആപ്പുകൾ ലഭ്യമാണ്. അതിൽ ഇൻസ്റ്റന്റ് ഹാർട്ട് റേറ്റ് നല്ലൊരു ആപ്പ് ആണ്. ഇൻസ്റ്റാൾ ചെയ്ത ശേഷം ആപ്പ് തുറന്ന് നിങ്ങളുടെ ചൂണ്ടുവിരൽ ഉപയോഗിച്ച് ഹൃദയമിടിപ്പ് അറിയാം.

ഗസ്റ്റ് മോഡ് സൗകര്യം

പലരും ശ്രദ്ധിക്കാത്ത ഒരു ആൻഡ്രോയിഡ് സൗകര്യം ആണിത്. വിൻഡോസിലെ യൂസർ സെറ്റിങ്‌സുകളോട് സമാനമായ ഒരു സവിശേഷത. നിങ്ങളുടെ ഫോൺ ആരെങ്കിലും തൽക്കാലത്തേക്ക് ഉപയോഗിക്കാനോ മറ്റോ വാങ്ങുമ്പോൾ ഈ ഗസ്റ്റ് മോഡ് ഓൺ ചെയ്യാം. ഇതിലൂടെ അവർക്ക് നമ്മുടെ സ്വകാര്യ ഡാറ്റ ഒന്നും തന്നെ ലഭിക്കുകയില്ല.

How to upload a photo to Facebook without losing quality? - GIZBOT MALAYALAM

കളർ ഇൻവെർഷൻ

ഈ സൗകര്യമൊക്കെ ആൻഡ്രോയിഡിൽ വന്നിട്ട് കാലമേറെ ആയി എങ്കിലും പലപ്പോഴും ഇത്തരം സൗകര്യങ്ങൾ നമ്മിൽ പലരും ഉപയോഗിച്ച് കാണാറില്ല. രാത്രിയിലൊക്കെ തുടർച്ചയായി ഫോണിലേക്ക് നോക്കിയിരിക്കുമ്പോൾ കണ്ണിന് തകരാർ സംഭവിക്കാതിരിക്കാൻ നൈറ്റ് മോഡ്, റീഡിങ് മോഡ് എന്നിങ്ങനെയെല്ലാം മാറ്റാൻ പറ്റുന്ന സൗകര്യങ്ങൾ ഓരോ ഫോണിന്റെയും സെറ്റിങ്ങ്സുകളുടെ അടിസ്ഥാനത്തിൽ ഉണ്ടാവും. പൊതുവെ കളർ ഇൻവെർഷൻ എന്ന പേരിലാണ് ഇത് അറിയപ്പെടുന്നത്.

എങ്ങനെ ആന്‍ഡ്രോയിഡ് ഫോണ്‍ വേഗത്തില്‍ ചാര്‍ജ്ജു ചെയ്യാം?