നിങ്ങളുടെ സ്മാർട്ട്ഫോൺ ബാറ്ററി ഊറ്റുന്ന ആപ്ലിക്കേഷനുകൾ ഏതൊക്കെയാണ്‌?

ഏറ്റവും ഉപയോഗപ്രദമായ ആപ്പുകൾ കൂടുതൽ ബാറ്ററി ഉപയോഗിക്കുന്നു!

നിങ്ങൾക്ക് ഏറ്റവും ഉപയോഗപ്രദമായതോ, നിങ്ങൾ ഏറ്റവും കൂടുതൽ ഉപയോഗിക്കുന്നതോ ആയ ആപ്പുകളാകാം ഏറ്റവും കൂടുതൽ ബാറ്ററി ചാർജ് ഉപയോഗിക്കുന്നതും. ഇവ നിങ്ങളുടെ ഫോണിന്റെ പ്രവർത്തനക്ഷമതയെ ബാധിച്ചില്ലെങ്കിൽ കൂടി, ഇവയുടെ അമിതമായ ബാറ്ററി ഉപയോഗം പ്രശ്നവിഷയമാണ്.

സെറ്റിങ്ങ്സ് → പവർ മാനേജ്മെന്റ്

ആൻഡ്രോയ്ഡ് ഫോണിലെ സെറ്റിങ്ങ്സ് മെനുവിൽ നിന്ന് ഏതൊക്കെ ആപ്പുകളാണ് കൂടുതൽ ബാറ്ററി ഉപയോഗിക്കുന്നത് എന്നറിയാൻ സാധിക്കും. ഇതിനായി ചെയ്യേണ്ടത് :-

സെറ്റിങ്ങ്സ് → പവർ മാനേജ്മെന്റ്/ബാറ്ററി ഇതിൽ നിന്ന് ആപ്പുകളും അവയുടെ ഉപയോഗവും അറിയാൻ സാധിക്കുന്നു.

ചില ആപ്ലിക്കേഷനുകൾ പ്രവർത്തിപ്പിക്കുന്നത് നിർത്തുക:

ഏതൊക്കെ ആപ്പുകളാണ് കൂടുതൽ ബാറ്ററി ഉപയോഗിക്കുന്നത് എന്നറിഞ്ഞുകഴിഞ്ഞാൽ, അവ എന്ത് ചെയ്യണം എന്ന് തീരുമാനിക്കുക. ആ ആപ്പ് തിരഞ്ഞെടുത്ത് അതിന്റെ ഡാറ്റ ഡിലീറ്റ് ചെയ്യുകയോ, കാഷേ നീക്കം ചെയ്യുകയോ ചെയ്യാവുന്നതാണ്.

എന്നാൽ ഏറ്റവും നല്ല വഴി ആ പ്രത്യേക ആപ്പ് ‘ ഫോഴ്സ് സ്റ്റോപ്പ്' ചെയ്യുക എന്നതാണ്. എന്നിട്ട് ആപ്പ് വീണ്ടും തുറക്കുക. ശേഷം, അതേ ആപ്പ് എത്രത്തോളം ബാറ്ററി ഉപയോഗിക്കുന്നുണ്ട് എന്ന് പരിശോധിക്കുക.

ആപ്പുകൾ അല്ല കാരണമെങ്കിൽ, സ്ക്രീൻ ബ്രൈറ്റ്നസ് കുറയ്ക്കുക:

ബാറ്ററി ചാർജ് വേഗം തീരുന്നതിന്റെ കാരണം എല്ലായെപ്പോഴും ആപ്പുകൾ തന്നെ ആവണമെന്നില്ല. ചിലപ്പോൾ, ഫോണിന്റെ മറ്റു ചില പ്രവർത്തനങ്ങൾ മൂലമായിരിക്കാം. ചിലപ്പോൾ സ്ക്രീനിന്റെ പ്രവർത്തനം മൂലമാകാം. അങ്ങിനെയെങ്കിൽ സ്ക്രീനിന്റെ തെളിച്ചം അഥവാ ബ്രൈറ്റ്നസ് കുറയ്ക്കുക.