ചെന്ന് കേറിക്കൊടുക്കരുത്; സൈബർ അ‌റ്റാക്കുകളിൽനിന്ന് രക്ഷനേടാനുള്ള വഴികൾ ഇതാ...

ഇത്തരത്തിൽ ലോകം ഇന്റർനെറ്റിനകത്ത് ആയപ്പോൾ ഉള്ളിൽ എത്തിപ്പെട്ടവരിൽ പാവങ്ങളും കൊള്ളക്കാരും ഉണ്ടായിരുന്നു എന്നു പറയാം. പണ ഇടപാടുകളുടെയും ഇന്റർനെറ്റിന്റെ സഹായത്തോ​ടെയുള്ള ട്രാൻസാക്ഷനുകളിലൂടെയും കോടികൾ ​കൈമാറ്റം ചെയ്യപ്പെടുന്നു. ഇന്റർനെറ്റിന്റെ അ‌ദൃശ്യ ലോകത്ത് എത്തിപ്പെട്ടവരിൽ കൊള്ളക്കാരും ഉണ്ടായിരുന്നു എന്ന് ഇതിനോടകം നടന്നിട്ടുള്ള, ഇപ്പോഴും നടന്നുകൊണ്ടിരിക്കുന്ന തട്ടിപ്പുകൾ വ്യക്തമാക്കിയിട്ടുണ്ട്.

പാവങ്ങളായാലും കാശുള്ള ആളുകളായാലും ഇന്റ​ർനെറ്റി​ന്റെ വമ്പൻ ചതിക്കുഴികളെപ്പറ്റികാര്യമായ ധാരണ ഉണ്ടാകില്ല എന്നും പൊതുവെ നാട്ടിൽ കാണുന്ന ​സൈബർ ക്രൈം പരിശോധിച്ചാൽ മനസിലാകും. ചിലർ പ്രൊഫഷണലായി ഹാക്കിങ് നടത്തി കോടികൾ കൊയ്യുമ്പോൾ മറ്റു ചിലർ തങ്ങളാൽ ആകും വിധം അ‌ല്ലറ ചില്ലറ തട്ടിപ്പുകളും ബ്ലാക്ക്മെയിലിങ്ങും ഒക്കെയായി സജീവമായി തുടരുന്നു.

ഒരിക്കൽഉണ്ടായ അ‌നുഭവത്തിൽനിന്ന് പാഠം പഠിക്കാത്തവരാണ് ചിലർ എന്നു പറയാറുണ്ട്. ​സൈബർ സുരക്ഷാ ഭീഷണികളെക്കുറിച്ച് സർക്കാർ നൽകുന്ന മുന്നറിയിപ്പ് നിർദേശങ്ങൾക്ക് കാര്യമായ പരിഗണന നമ്മുടെ ആളുകൾ ​കൊടുക്കാറുണ്ടോ എന്നത് സംശയമാണ്. ഇല്ല എന്നു പറഞ്ഞാലും തെറ്റില്ല. കാരണം ആവർത്തിച്ച് റിപ്പോർട്ട് ചെയ്യപ്പെട്ടിട്ടും ഒരേ തരത്തിലുള്ള സ​സൈബർ ​ക്രൈമുകൾ തുടരുന്നുമുണ്ട്.

ലിങ്കുകൾ വഴിയും വ്യാജ സമ്മാന വാഗ്ദാനങ്ങൾ നൽകിയും ഒക്കെയാണ് കൂടുതലായും തട്ടിപ്പുകൾ നടക്കുന്നത്. ഉപഭോക്താക്കളിൽനിന്ന് ഒടിപി അ‌ടക്കം രഹസ്യമായി ​കൈക്കലാക്കി വൻ മോഷണം നടത്തുന്ന സംഘങ്ങളും നമുക്കിടയിൽ സജീവമാണ്. ഇവയിൽനിന്ന് രക്ഷനേടണമെങ്കിൽ ആളുകൾ ​സൈബർ ലോകത്തെ ചതിക്കുഴികളെപ്പറ്റി ബോധവാന്മാരാകുകയാണ് വേണ്ടത്. സർക്കാർ ആവർത്തിച്ച് മുന്നറിയിപ്പുകൾ നൽകിയിട്ടും ആളുകളിലേക്ക് കാര്യമായി എത്താത്തതും ആളുകൾ ഇത് കാര്യമായി എടുക്കാത്തതുമാണ് തട്ടിപ്പുകൾ വർധിക്കാൻ ഇടയാക്കുന്നത്.

ആ​രോ കബളിപ്പിക്കപ്പെട്ട് പണം കൊണ്ടു കളഞ്ഞു, തങ്ങളെ പറ്റിക്കാൻ ആർക്കും കഴിയില്ല, തങ്ങൾ സുരക്ഷിതരാണ് എന്ന തോന്നലുള്ള ആളുകളാണ് പലപ്പോഴും മുൻകരുതലുകളിൽനിന്ന് പിന്തിരിഞ്ഞ് നിൽക്കുകയും ഭാവിയിൽ കബളിപ്പിക്കപ്പെടുകയും ചെയ്യുന്നത്. അ‌തിനാൽ എപ്പോഴും ​സൈബർ സുരക്ഷയെപ്പറ്റി ബോധവാന്മാരാകുകയും സർക്കാരുകൾ നൽകുന്ന നിർദേശങ്ങൾ പാലിക്കുകയുമാണ് വേണ്ടത്.

• ഹാനികരമായ ആപ്പുകൾ അ‌ംഗീകൃതമല്ലാത്ത സ്രോതസുകളിൽ നിന്ന് ഡൗൺലോഡ് ചെയ്യുന്നത് പരമാവധി ഒഴിവാക്കുക. ആപ്പുകൾ ഡൗൺലോഡ് ചെയ്യാൻ പ്ലേ സ്റ്റോർ, ആപ്പ് സ്റ്റോർ തുടങ്ങിയവ മാത്രം ഉപയോഗിക്കുക.
•  ആപ്പ് ഡൗൺലോഡ് ചെയ്യുമ്പോൾ, എപ്പോഴും ആപ്പ് അനുമതികൾ( permissions) പരിശോധിച്ച് പ്രസക്തമായ അനുമതികൾ മാത്രം നൽകുക.

 



ഠ അ‌ംഗീകൃത പ്ലേ സ്റ്റോറിൽ നിന്നാണ് ആപ്പുകൾ ഡൗൺലോഡ് ചെയ്യുന്നത് എങ്കിൽപ്പോലും ഡൗൺലോഡിന് മുമ്പ് എത്ര ഡൗൺലോഡ് മുമ്പ് നടന്നിട്ടുണ്ട്, ആപ്പുകൾ സംബന്ധിച്ച് ആളുകൾ നൽകിയിരിക്കുന്ന റിവ്യൂ (അ‌ഭിപ്രായങ്ങൾ), കമന്റുകൾ, 'അ‌ഡീഷനൽ ഇൻഫർമേഷൻ' സെക്ഷൻ എന്നിവ പരിശോധിക്കുക,
ഠ വിശ്വസനീയമല്ലാത്ത ഉറവിടങ്ങളിൽ നിന്നുള്ള ആപ്പുകളുടെ ചെക്ക്ബോക്സ് പരിശോധിക്കാതിരിക്കുക



• ഠ ആൻഡ്രോയിഡ് അ‌പ്ഡേറ്റുകൾ പുതിയത് വരുന്നതനുസരിച്ച് കൃത്യമായി അ‌പ്ഡേറ്റ് ചെയ്യുക.
•  വിശ്വസനീയമല്ലാത്ത വെബ്‌സൈറ്റുകൾ സന്ദർശിക്കുകയോ, അ‌ജ്ഞാത ഇ-മെയിലുകളിൽ നിന്നുള്ള ലിങ്കുകൾ തുറക്കുകയോ ചെയ്യാതിരിക്കുക.
•  വെബ്സൈറ്റ് ഡൊമെയ്ൻ വ്യക്തമായി സൂചിപ്പിക്കുന്ന URL-കളിൽ മാത്രം ക്ലിക്ക് ചെയ്യാൻ ശ്രദ്ധിക്കുക.
•  ആന്റി​വൈറസ് ഇൻസ്റ്റാൾ ചെയ്യുകയും കൃത്യമായി അ‌പ്ഡേറ്റുകൾ ഉറപ്പാക്കുകയും ചെയ്യുക.


•  സുരക്ഷിതമായ ബ്രൗസിങ്ങിനായി മുൻ കരുതലുകൾ സ്വീകരിക്കുക. ആന്റി​വൈറസിലെ ഫിൽറ്റെറിങ് ടൂൾസ്, ഫയർവാൾ, ഫിൽറ്ററിങ് സെർവീസുകൾ തുടങ്ങിയവ ഉറപ്പായും ഉപയോഗപ്പെടുത്തുക.
•  bit.ly, tinyurl എന്നിങ്ങനെയുള്ള ചെറിയ യുആർഎല്ലുകളെ കുറിച്ച് അറിഞ്ഞിരിക്കുക. വെബ്സൈറ്റ് ഡൊമെയ്ൻ സൂചിപ്പിക്കുന്ന URL-കളിൽ മാത്രം ക്ലിക്ക് ചെയ്യുക.
•  അപ്ഡേറ്റ് ചെയ്ത ആന്റിവൈറസും ആന്റിസ്പൈവെയർ സോഫ്റ്റ്വെയറും മാത്രം ഇൻസ്റ്റാൾ ചെയ്യുക.