എങ്ങനെ ഫോണിലെ ബുദ്ധിമുട്ടിക്കുന്ന പരസ്യങ്ങൾ എന്നന്നേക്കുമായി ഒഴിവാക്കാം??

ഫോൺ റൂട്ട് ചെയ്യേണ്ടതില്ല!

നിങ്ങള്‍ ഒരു നോണ്‍-റൂട്ട് ആഡ് ബ്ലോക്കര്‍ ആണ് തിരയുന്നതെങ്കില്‍, ഡവലപ്പര്‍ Julian Klode യുടെ മികച്ച ഒരു ആപ്പ് ഇവിടെ പരിചയപ്പെടുത്തുകയാണ്. ഇത് NetGuard, AdGuard തുടങ്ങിയ മറ്റ് ഇതര ആപ്ലിക്കേഷനുകള്‍ക്ക് സമാനമായ വിധത്തില്‍ ആന്‍ഡ്രോയിഡിന്റെ VPN സിസ്റ്റത്തെ ഉപയോഗിക്കുന്നു. ഈ പ്രക്രിയയിലൂടെ ബാറ്ററി ലൈഫ് ലാഭിക്കാന്‍ കഴിയും.

ചെയ്യേണ്ടത് എന്ത്?

ഇത് തികച്ചും സൗജന്യവും അതു പോലെ ഓപ്പണ്‍ സോഴ്‌സുമാണ്. അതിനാല്‍ നോണ്‍-റൂട്ട് പരസ്യ ബ്ലോക്കര്‍ മികച്ച ഒരു ഓപ്ഷൻ തന്നെയാണ്. ഇതിനായി നിങ്ങള്‍ക്കു വേണ്ടത് ആന്‍ഡ്രോയിഡ് 5.0 ലോലിപോപ്പ് അല്ലെങ്കില്‍ അതിനു മുകളിലുളളത്, കൂടാതെ Unknown Sources പ്രാപ്തമാക്കേണ്ടതുണ്ട്. ഇത് എങ്ങനെ ഇന്‍സ്‌റ്റോള്‍ ചെയ്യാമെന്നു നോക്കാം.

സ്‌റ്റെപ്പ് 1

റൂട്ട് ചെയ്യാത്ത ആന്‍ഡ്രോയിഡ് ഉപകരണങ്ങളിലെ എല്ലാ പരസ്യങ്ങളും ബാറ്ററി നഷ്ടപ്പെടാതെ തന്നെ DNS66 ബ്ലോക്ക് ചെയ്യുന്നതാണ്. F-Droid Repository എന്ന സൈറ്റില്‍ നിന്നും ഇത് സൗജന്യമായി ലഭിക്കും. F-Droid Repository എന്ന പേജ് തുറന്നതിനു ശേഷം, ആ പേജിലെ പാക്കേജസ് വിഭാഗത്തിലേക്ക് സ്‌ക്രോള്‍ ചെയ്യുക, തുടര്‍ന്ന് 'download apk' എന്ന ലിങ്കില്‍ ടാപ്പ് ചെയ്യുക. APK ലോഞ്ച് ചെയ്യാനായി Download complete notification ല്‍ ടാപ്പ് ചെയ്യുക. തുടര്‍ന്ന് ആവശ്യപ്പെടുമ്പോള്‍ 'Install' അമര്‍ത്തുക.

സ്‌റ്റെപ്പ് 2

ഇനി ആരംഭിക്കുന്നതിന് ആദ്യം സ്‌ക്രീനിന്റെ ചുവടെയുളള ഡൊമെയ്ന്‍ ഫില്‍റ്ററുകള്‍ ടാബിലേക്ക് പോകുക. അവിടെ നിന്നും നിങ്ങള്‍ ആഡ്-ബ്ലോക്കിംഗ് ഹോസ്റ്റ് ഫയലും തിരഞ്ഞെടുക്കുക. ഇത് DNS66 നിങ്ങള്‍ക്കായി ബ്ലോക്ക് ചെയ്യുന്ന പരസ്യ സെര്‍വറുകളുടെ ഒരു ലിസ്റ്റാണ്. എന്‍ട്രിയുടെ ഇടതു വശത്ത് ചുവന്ന ഡോട്ട് ടാപ്പ് ചെയ്യുന്നതിലൂടെ നിങ്ങള്‍ക്ക് 'Addway hosts file' തിരഞ്ഞെടുക്കാം. വിജയകരമായി ഇത് നിങ്ങള്‍ തിരഞ്ഞെടുത്തു കഴിഞ്ഞാല്‍ അതിനു സമീപത്തുളള ഡോട്ട് പച്ചയായി കാണാം.

സ്റ്റെപ്പ് 3

അടുത്തതായി ചുവടെ കാണുന്ന മെനുവില്‍ നിന്നും Start/ Stop ടാബിലേക്ക് പോകുക. തുടര്‍ന്ന് സ്‌ക്രീനിന്റെ മുകളില്‍ കാണുന്ന Refresh icon ല്‍ ടാപ്പു ചെയ്യുക. ടാപ്പ് ചെയ്തു കഴിഞ്ഞാല്‍ ഹോസ്റ്റ് ഫയല്‍ ഡൗണ്‍ലോഡ് ചെയ്യുന്നു എന്ന നോട്ടിഫിക്കേഷന്‍ കാണും. VPN-ad-blocking സേവനം ഇനേബിള്‍ ചെയ്യാനായി സ്‌ക്രീനിന്റെ മദ്ധ്യത്തില്‍ കാണുന്ന പവര്‍ ഐക്കണില്‍ ദീര്‍ഘനേരം അമര്‍ത്തിപ്പിടിക്കുക. ഇതിനകം തന്നെ നിങ്ങള്‍ ഡൗണ്‍ലോഡ് ചെയ്തു കഴിഞ്ഞാല്‍ പോപ്അപ്പില്‍ 'OK' അമര്‍ത്തുക.

സ്‌റ്റെപ്പ് 4

DNS66 VPN സേവനം ഉപയോഗിച്ച് നിങ്ങളുടെ ബ്രൗസറിലും അതു പോലെ തന്നെ മറ്റു ആപ്ലിക്കേഷനുകളിലും പരസ്യങ്ങള്‍ ബ്ലോക്ക് ചെയ്തു കഴിഞ്ഞിരിക്കുന്നു. സേവനം സജീവമാണ് എന്ന് സൂചിപ്പിക്കുന്നതിന് ഒരു ചെറിയ കീ ഐക്കണ്‍ നിങ്ങളുടെ സ്റ്റാറ്റസ് ബാറില്‍ കാണിക്കും.