ജിടിഎ 5 ഗെയിമിന്റെ പ്രീമിയം പതിപ്പ് സൌജന്യമായി നേടാൻ അവസരം

ഫോർട്ട്‌നൈറ്റ് ഗെയിമിന്റെ ലോഞ്ച് കഴിഞ്ഞതോടെ വലിയ ജനപ്രീതി ലഭിച്ച ഗെയിം സ്റ്റോർ ആണ് എപ്പിക് ഗെയിംസ് സ്റ്റോർ. ജിടിഎ 5 സൌജന്യമായി ലഭ്യമാക്കിയതോടെ അവരുടെ പ്ലാറ്റ്ഫോമിൽ വലിയ ട്രാഫിക്കാണ് അനുഭവപ്പെടുന്നത്. ഫ്രീ വേർഷൻ സ്വന്തമാക്കാൻ സ്റ്റോറിലേക്ക് ആളുകൾ ഇടിച്ച് കയറിയതോടെ എപ്പിക് ഗെയിംസ് സ്റ്റോർ പലപ്പോഴും ക്രാഷ് ആകുകയും ചെയ്യുന്നുണ്ട്.

ജിടിഎ 5 വേർഷൻ സൌജന്യമായി കിട്ടുന്നത് തന്നെ വലിയ കാര്യമെന്ന് കരുതുന്ന ഗെയിമേഴ്സ് നമ്മുക്കിടയിൽ ഉണ്ട്. കമ്പനി പ്രീമിയം പതിപ്പാണ് സൌജന്യമായി നൽകുന്നത് എന്നത് ആരാധകരെ കൂടുതൽ ആവേശഭരിതരാക്കുന്നു. ജിടിഎ ഓൺലൈൻ, മൾട്ടിപ്ലെയർ ഗെയിമിങ് എക്സ്പീരിയൻസിനായി ക്രിമിനൽ എന്റർപ്രൈസ് സ്റ്റാർട്ടർ പാക്ക് എന്നിവയും സ്പെഷ്യൽ എഡിഷനിൽ ഇപ്പോൾ ലഭ്യമാക്കിയിട്ടുണ്ട്.

നേരത്തെ പറഞ്ഞത് പോലെ ജിടിഎ 5 ഗെയിം ഫ്രീയായി സ്വന്തമാക്കാൻ വലിയ തള്ളിക്കയറ്റമാണ് എപ്പിക് സ്റ്റോറിൽ ഉണ്ടാകുന്നത്. എന്നാൽ ആരാധകർ ശ്രദ്ധിക്കേണ്ട കാര്യം ജിടിഎ 5 പ്രീമിയം എഡിഷൻ എക്കാലത്തും സൌജന്യമായി ലഭിക്കില്ല എന്നതാണ്. മെയ് 21 വരെ മാത്രമാണ് ഇങ്ങനെ ഫ്രീ വേർഷൻ ഡൌൺലോഡ് ചെയ്യാൻ കഴിയുകയുള്ളൂ. അതായത് ഇനി മണിക്കൂറുകൾ മാത്രം. സമയപരിധിക്ക് മുമ്പ് ജിടിഎ 5 ഗെയിം എങ്ങനെ സൌജന്യമായി ഡൌൺലോഡ് ചെയ്യാം എന്നറിയാൻ തുടർന്ന് വായിക്കുക.

• എപ്പിക് ഗെയിംസ് വെബ്‌സൈറ്റിലെ ജിടിഎ 5 പേജിലേക്ക് പോകുക.
• 'ഗെറ്റ്' ഓപ്ഷനിൽ ടാപ്പ് ചെയ്യുക.
• നിങ്ങളുടെ എപ്പിക് ഗെയിംസ് അക്കൗണ്ട് ഉപയോഗിച്ച് സൈൻ ഇൻ ചെയ്യുക. അക്കൌണ്ട് ഇല്ലാത്തവർ പുതിയതായി അക്കൌണ്ട് സൃഷ്ടിക്കണം.
• ടു ഫാക്ടർ ഓതന്റിക്കേഷൻ എനേബിൾ ചെയ്യാൻ പ്രോംപ്റ്റ് ലഭ്യമാകും. ഗെയിം സൌജന്യമായി ലഭ്യമാകാൻ ടൂ ഫാക്ടർ ഓതന്റിക്കേഷൻ എനേബിൾ ചെയ്യുക.



• തുടർന്ന് പ്ലേസ് ഓർഡർ ഓപ്ഷനിൽ ടാപ്പ് ചെയ്യുക. ഗെയിം നിങ്ങളുടെ ലൈബ്രററിയിലേക്ക് ആഡ് ആകും.
• തുടർന്ന് കമ്പനി വെബ്സൈറ്റിൽ പോയി എപ്പിക് ഗെയിംസ് ലോഞ്ചർ ഡൗൺലോഡ് ചെയ്ത് ഇൻസ്റ്റാൾ ചെയ്യുക.
• നേരത്തെ നിങ്ങൾ ഉപയോഗിച്ച അതേ അക്കൌണ്ട് വഴി സൈൻ ഇൻ ചെയ്യുക.
• 'ലൈബ്രറി'യിലേക്ക് പോയി ജിടിഎ 5 ലേബലിന് താഴെയുള്ള ഇൻസ്റ്റാളിൽ ടാപ്പ് ചെയ്യുക.
• ഗെയിം ഇൻസ്റ്റാൾ ചെയ്യാൻ ആഗ്രഹിക്കുന്ന പാത്ത് സെലക്റ്റ് ചെയ്യുക.



ഇത്രയും കഴിഞ്ഞാൽ ജിടിഎ 5 ഗെയിം നിങ്ങളുടെ ഡിവൈസിലേക്ക് ഡൌൺലോഡ് ആകും. ഗെയിം ഡൌൺലോഡ് ചെയ്യാൻ പോകുന്നതിന് മുമ്പ് യൂസേഴ്സ് ശ്രദ്ധിക്കേണ്ട പ്രധാന കാര്യങ്ങളിൽ ഒന്നുണ്ട്. ജിടിഎ 5 ഏകദേശം 95 ജിബിയോളം സൈസ് വരും. ഗെയിം ഡൌൺലോഡ് ചെയ്യുന്നതിന് മുമ്പ് ഏറ്റവും കുറഞ്ഞത് ഇത്രയെങ്കിലും സ്റ്റോറേജ് നിങ്ങളുടെ സിസ്റ്റത്തിൽ ഉണ്ടെന്ന് ഉറപ്പ് വരുത്തേണ്ടതുണ്ട്.



ജിടിഎ 5 ഗെയിം വളരെ ജനപ്രിയമാണ് എന്ന് നേരത്തെ പറഞ്ഞല്ലോ. ലോകമെമ്പാടുമുള്ള ആയിരക്കണക്കിന് ഉപയോക്താക്കൾ ഈ ആകർഷകമായ ഓഫർ നേടാൻ ശ്രമിക്കുന്നു. അതിനാൽ തന്നെ നിങ്ങൾ ഗെയിം ഡൌൺലോഡ് ചെയ്യാൻ ശ്രമിക്കുമ്പോൾ പ്രശ്നങ്ങൾ നേരിടാം. എപ്പിക് ഗെയിം സ്റ്റോർ ഇടയ്ക്കിടെ ക്രാഷ് ആവാനും സാധ്യതയുണ്ട്. ഡൌൺലോഡ് സ്പീഡ് കുറയുന്നതിനും ഇത് കാരണം ആകാം.