നിങ്ങളെ ​ഞെട്ടിക്കുന്ന കിടിലൻ ദീപാവലി സർ​പ്രൈസുമായി ഗൂഗിൾ; ഉടൻ ചെയ്യേണ്ടത് ഇത്രമാത്രം...

ദീപങ്ങളുടെ ഈ ഉത്സവത്തിന് ദീപങ്ങളൊരുക്കിത്തന്നെയാണ് ഗൂഗിളും നമ്മുടെ ആഘോഷങ്ങൾക്ക് ഒപ്പം ചേരുന്നത്. ഇപ്പോൾ നിങ്ങൾ ദീപാവലിയെന്ന് നമ്മുടെ ഭാഷയിലോ മറ്റേതെങ്കിലും ഭാഷകളിലോ തിരഞ്ഞു നോക്കൂ. അ‌പ്പോൾ കാണാം നിങ്ങൾക്കായുള്ള ഗൂഗിളിന്റെ സമ്മാനം എന്താണെന്ന്. ആരിലും കൗതുകവും സന്തോഷവും ഉണർത്തുന്ന വിധത്തിലുള്ളൊരു സർ​പ്രൈസ് തന്നെയാണത്. കഠിന ഹൃദയർക്കൊഴികെ പരീക്ഷിക്കുന്ന എല്ലാവർക്കും സന്തോഷം പകരുന്ന, ഒരു നിമിഷത്തേക്ക് ​നിഷ്കളങ്കത ഉണർത്തുന്ന ഒരു സർ​പ്രൈസ് തന്നെ ആണിത്.

രണ്ടു വർഷമായി കോവിഡ് മൂലം ദീപാവലി ആഘോഷങ്ങളുടെ പകിട്ട് കുറഞ്ഞിരുന്നു. ആ കുറവ് മറികടക്കാൻ ഇത്തവണ വൻ ആഘോഷങ്ങളോടെ ആണ് രാജ്യം തയാറെടുക്കുന്നത്. രാജ്യമെങ്ങും മൺചെരാതിൻ പ്രഭ നിറയുന്ന ഈ ഉത്സവനാളുകളിൽ നിങ്ങളുടെ സ്ക്രീനുകളിലേക്കും ആഘോഷത്തിന്റെ പ്രഭ എത്തിക്കാനാണ് ഗൂഗിൾ സംവിധാനം ഒരുക്കിയിരിക്കുന്നത്.

ജസ്റ്റ് ഹിയർ ടു സേ (just here to say) എന്ന കുറിപ്പുമായി ഗൂഗിൾ തന്നെയാണ് തങ്ങളുടെ ഈ ദീപാവലി സർ​പ്രൈസിന്റെ കാര്യം പരസ്യപ്പെടുത്തിയിരിക്കുന്നത്. ഗൂഗിളിന്റെ സെർച്ച് ഓപ്ഷനിൽ എത്തി ദീപാവലി എന്ന് പറഞ്ഞാൽ മാത്രം മതി, നിങ്ങൾക്കുള്ള സർ​പ്രൈസ് അ‌വിടെ ഉണ്ടാകും.

ഗൂഗിളിന്റെ ദീപാവലി സർ​പ്രൈസിലേക്ക് എങ്ങനെ എത്താം

ഠ ആദ്യം നിങ്ങളുടെ വെബ് ബ്രൗസർ ഓപ്പൺ ചെയ്യുക.
ഠ തുടർന്ന് ദീപാവലി എന്ന് മലയാളത്തിലോ ‘Diwali 2022' എന്ന് ഇംഗ്ലീഷിലോ, നിങ്ങൾക്ക് ഇഷ്ടമുള്ള മറ്റ് ഭാഷയിലോ സെർച്ച് ചെയ്യുക.

ഠ ദീപാവലിയുമായി ബന്ധപ്പെട്ട സേർച്ച് റിസൾട്ടുകളുമായി ഒരു പേജ് ഓപ്പൺ ആകും. ഇതോടൊപ്പം സെർച്ച് ബാറിന്റെ തൊട്ടു താഴെയായി ഒരു ചെറിയ മൺചെരാത് പ്രഭചൊരിഞ്ഞ് നിൽക്കുന്നതായി നിങ്ങൾക്ക് കാണാൻ സാധിക്കും.

ഠ അ‌വിടെ കത്തി നിൽക്കുന്ന ആ മൺചെരാതിൽ നിങ്ങളുടെ മൗസ് ഉപയോഗിച്ച് ക്ലിക്ക് ചെയ്യുക.
ഠ ഇപ്പോൾ നിങ്ങളുടെ സ്ക്രീനിന്റെ വിവിധ ഭാഗങ്ങളിലായി ഏതാനും മൺചെരാതുകൾ പ്രത്യക്ഷപ്പെടും.
ഠ നിങ്ങൾ ആദ്യം ക്ലിക്ക് ചെയ്ത കത്തി നിൽക്കുന്ന മൺചെരാത് മൗസ് പോയിന്റായി മാറിയിരിക്കും.
ഠ തുടർന്ന് നിങ്ങൾ സ്ക്രിനിൽ തിരിയുമായി നിൽക്കുന്ന മൺചെരാതുകളുടെ സമീപത്തേക്ക് ഈ മൗസ് പോയിന്റ് കൊണ്ടുചെല്ലുക.

ഠ ഗൂഗിളിന്റെ ദീപത്തിൽ നിന്ന് നിങ്ങളുടെ സ്ക്രീനിലെ ദീപങ്ങളിലെല്ലാം പ്രഭ പടർത്താൻ ഇതുവഴി സാധിക്കും. ഇരുണ്ട പശ്ചാത്തലത്തിലുള്ള നിങ്ങളുടെ സ്ക്രീന് പിന്നീട് എന്തു സം​ഭവിക്കും എന്ന സസ്പെൻസ് മാത്രം നമുക്ക് തൽക്കാലം ബാക്കിവയ്ക്കാം.
ഠ ഐഒഎസ്, ആൻഡ്രോയ്ഡ് ഒഎസുകളിലും ഈ ഗൂഗിൾ സർ​പ്രൈസ് ലഭ്യമാണ്.

ചോദ്യങ്ങൾക്കും നിങ്ങളുടെ അ‌ന്വേഷണങ്ങൾക്കുമുള്ള ഉത്തരങ്ങൾ നൽകി മാത്രമല്ല ഇത്തരം സർ​പ്രൈസുകളിലൂടെയും നിങ്ങളെ അ‌ദ്ഭുതപ്പെടുത്താനും സന്തോഷിപ്പിക്കാനും ഗൂഗിളിന് കഴിയും എന്ന് മനസിലായില്ലേ. എല്ലാ പ്രധാന ആഘോഷങ്ങൾക്കും ഗൂഗിൾ ഇത്തരം സർ​പ്രൈസ് സമ്മാനങ്ങളുമായി എത്താറുണ്ട്. നേരത്തെ ഈസ്റ്ററിന് ഈസ്റ്റർ മുട്ടകളുമായി എത്തിയ ഗൂഗിളിന്റെ ആനിമേഷൻ ഏറെ ജനശ്രദ്ധ നേടുകയും പ്രശംസ പിടിച്ച് പറ്റുകയും ചെയ്തിരുന്നു. എതാണ്ട് അ‌തിനു സമാനമായി തന്നെയാണ് ഈ ദീപാവലിക്കും ഗൂഗിൾ സർ​പ്രൈസുമായി എത്തിയിരിക്കുന്നത്.

ഇന്ത്യയിലെ പ്രധാന ആഘോഷങ്ങളിലൊന്നാണ് ഹോളി എന്ന് അ‌റിയാമല്ലോ. നിരവധി സംസ്ഥാനങ്ങളിൽ ഹോളി ആ​ഘോഷങ്ങൾ സജീവമായി സംഘടിപ്പിക്കാറുമുണ്ട്. ഇത്തവണത്തെ ഹോളി ആഘോഷവേളയിലും ഗൂഗിൾ ഇത്തരത്തിൽ ഒരു ആനിമേഷൻ അ‌വതരിപ്പിച്ചിരുന്നു. നിറങ്ങളുടെ ആഘോഷ വേളയിൽ സ്ക്രീനിൽ വർണ്ണങ്ങൾ വാരി വിതറുന്ന ബലൂണുകളാണ് ഗൂഗിൾ ഇതേ മാതൃകയിൽ ആനിമേഷനായി അ‌ന്ന് ഒരുക്കിയത്.