മറവികൊണ്ട് പട്ടിണിയാകേണ്ട; യോനോ എസ്ബിഐ പാസ്വേഡ് റീസെറ്റ് ചെയ്യാനുള്ള വഴിയിതാ

നെറ്റ് ബാങ്കിംഗ്, എഫ്‌ഡി ആരംഭിക്കൽ, ട്രാൻസാക്ഷൻ ഹിസ്‌റ്ററി, ഫ്ലൈറ്റുകൾ, ട്രെയിനുകൾ, ബസുകൾ, ടാക്സികൾ എന്നിവ ബുക്ക് ചെയ്യൽ, ഓൺലൈൻ ഷോപ്പിംഗ്, മെഡിക്കൽ ബില്ലുകൾ അടയ്ക്കൽ എന്നിവയും അതിലേറെയും ഉൾപ്പെടെ വിവിധ സാമ്പത്തിക സേവനങ്ങൾ യോനോ എസ്ബിഐ വാഗ്ദാനം ചെയ്യുന്നു. വെബ്‌സൈറ്റിലൂടെയും ആപ്പിലൂടെയും യോനോ ആക്‌സസ് ചെയ്യാം.

പ്ലേ സ്റ്റോറിൽ നിന്നോ ആപ്പ് സ്റ്റോറിൽ നിന്നോ നിങ്ങളുടെ സ്മാർട്ട്ഫോണിൽ യോനോ ആപ്പ് ഡൗൺലോഡ് ചെയ്യാം. എല്ലാ എസ്ബിഐ ഉപയോക്താക്കൾക്കും അവരുടെ അക്കൗണ്ട് വിശദാംശങ്ങൾ ഉപയോഗിച്ച് യോനോ സജ്ജീകരിക്കാനാകും. രജിസ്‌റ്റർ ചെയ്തുകഴിഞ്ഞാൽ, ആപ്പിലേക്ക് നിങ്ങളുടെ യൂസർനെയിമും പാസ്‌വേഡും ചേർത്ത് നിങ്ങളുടെ അക്കൗണ്ടിലേക്ക് ലോഗിൻ ചെയ്യാം. ഇതോടെ യോനോ നൽകുന്ന വിവിധ സേവനങ്ങൾ ആസ്വദിക്കാൻ നിങ്ങൾക്ക് സാധിക്കും.

എന്നാൽ ഓൺ​ലൈൻ ഇടപാടുകളിൽ സുരക്ഷ ഒരു മുഖ്യ ഘടകമാണ്. അ‌തിനാൽത്തന്നെ യോനോ എസ്ബിഐ ആപ്പിനും ശക്തമായ സുരക്ഷാ സംവിധാനങ്ങൾ എസ്ബിഐ നൽകുന്നുണ്ട്. സുരക്ഷ ഉറപ്പാക്കുന്നതിനായി നിശ്ചിത ഇടവേളകളിൽ യോനോ എസ്ബിഐയുടെ പാസ്വേഡ് ആളുകൾ മാറ്റാറുണ്ട്. അ‌ത് ഏറെ നല്ലതുമാണ്. എന്നാൽ ഇങ്ങനെ മാറ്റുന്നതിനിടയിൽ പലരും തങ്ങളുടെ ഇപ്പോഴത്തെ പാസ്വേഡ് മറന്നുപോകാറുമുണ്ട്. അ‌തോടെ അ‌ക്കൗണ്ടിലേക്ക് കടക്കാനോ ഇടപാടുകൾ നടത്താനോ കഴിയാത്ത സാഹചര്യം ഉണ്ടാകും. ഇത്തരം പ്രതിസന്ധിസമയത്ത് നിങ്ങളുടെ യൂസർനെയിമും പാസ്‌വേഡും വീണ്ടും പ്രവർത്തന സജ്ജമാക്കാനുള്ള നടപടികൾ എന്തൊക്കെയാണെന്ന് നോക്കാം.

എസ്ബിഐ യൂസർനെയിം റീസെറ്റ് ചെയ്യാനുള്ള വഴി

ഠ ആദ്യം https://www.onlinesbi.com എന്ന വെബ്സൈറ്റ് സന്ദർശിക്കുക
ഠ തുടർന്ന് ലോഗിൻ പേജ് ഓപ്പൺ ചെയ്യുക
ഠ ലോഗിൻ ഐ‍ഡി തിരികെ ലഭിക്കുകയാണ് വേണ്ടതെങ്കിൽ Forgot Username എന്ന ലിങ്കിൽ ക്ലിക്ക് ചെയ്യുക
ഠ ഇപ്പോൾ പുതിയ ഒരു പേജിൽ ലാൻഡ് ചെയ്യും.
ഠ ഇവിടെ നിങ്ങളുടെ പാസ്ബുക്കിൽ നൽകിയിട്ടുള്ള സിഐഎഫ് നമ്പർ നൽകുക

ഠ രാജ്യം തിരഞ്ഞെടുക്കുക
ഠ രജിസ്റ്റർ ചെയ്ത മൊബൈൽ നമ്പർ, മറ്റ് വിശദാംശങ്ങൾ എന്നിവ നൽകുക
ഠ ക്യാപ്‌ച കോഡ് കൃത്യമായി നൽകുക
ഠ സബ്മിറ്റ് ബട്ടണിൽ ക്ലിക്ക് ചെയ്യുക
ഠ നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ ഇപ്പോൾ ഒരു ഒടിപി ലഭിക്കും
ഠ ഒടിപി നൽകി CONFIRM ബട്ടണിൽ ക്ലിക്ക് ചെയ്യുക
ഠ രജിസ്റ്റർ ചെയ്ത മൊബൈൽ നമ്പറിലേക്ക് ഇപ്പോൾ യൂസർ നെയിം ലഭിക്കും.

എസ്ബിഐ പാസ്‌വേഡ് റീസെറ്റ് ചെയ്യാനുള്ള വഴി

ഠ എസ്‌ബിഐ സൈറ്റ് ഓപ്പൺ ചെയ്ത് forget password ബട്ടണിൽ ക്ലിക്ക് ചെയ്യുക
ഠ അ‌ടുത്ത ഘട്ടത്തിൽ നിങ്ങളുടെ യൂസർ നെയിം, അക്കൗണ്ട് നമ്പർ, രജിസ്റ്റർ ചെയ്ത മൊബൈൽ നമ്പർ, ജനനത്തീയതി തുടങ്ങിയ വിശദാംശങ്ങൾ നൽകേണ്ടതുണ്ട്.
ഠ തുടർന്ന് ക്യാപ്‌ച കോഡ് നൽകി സബ്മിറ്റ് എന്നതിൽ ക്ലിക്ക് ചെയ്യുക.

ഠ നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ എത്തിയ ഒടിപി നൽകി സ്ഥിരീകരിക്കുക
ഠ പാസ്‌വേഡ് റീസെറ്റ് ചെയ്യാൻ മൂന്ന് ഓപ്ഷനുകൾ നൽകിയിട്ടുണ്ടാകും. Using ATM Card Details, Using Profile Password, Without ATM Profile Password തുടങ്ങിയ 3 ഓപ്ഷനുകളാണ് അ‌വ. ഈ ലിസ്റ്റിൽ നിന്ന് ഒരെണ്ണം നിങ്ങൾക്ക് തിരഞ്ഞെടുക്കാം.
ഠ തുടർന്ന് അനുയോജ്യമായ ഓപ്ഷൻ തിരഞ്ഞെടുത്ത് 'സബ്മിറ്റ്' ബട്ടൺ ക്ലിക്ക് ചെയ്യുക
ഠ ശേഷം ഫോണിലെത്തുന്ന ഒടിപി ഉപയോഗിച്ച് പാസ്വേഡ് റീസെറ്റ് ചെയ്യുക.