ആൻഡ്രോയിഡ് ഫോണുകളിൽ അൺനോൺ നമ്പേഴ്സ് ബ്ലോക്ക് ചെയ്യുന്നത് എങ്ങനെ?

ഈ ലേഖനത്തിൽ, നിങ്ങളുടെ ആൻഡ്രോയിഡ് ഫോണിൽ ഒരു അൺനോൺ നമ്പർ ബ്ലോക്ക് ചെയ്യാൻ നിങ്ങൾക്ക് സ്വീകരിക്കാവുന്ന ഘട്ടങ്ങൾ ഞങ്ങൾ വിശദമായി വിവരിക്കുന്നുണ്ട്. നിങ്ങളുടെ പക്കൽ ഒരു ഗൂഗിൾ പിക്സൽ ഫോണോ ഗൂഗിൾ ഫോൺ ആപ്പ് ഇൻസ്റ്റാൾ ചെയ്തിട്ടുള്ള ഒരു ഹാൻഡ്‌സെറ്റോ ഉണ്ടെങ്കിൽ അൺനോൺ നമ്പരുകൾ ബ്ലോക്ക് ചെയ്യുന്നതെങ്ങനെയെന്ന് ആദ്യം നോക്കാം. വൺപ്ലസ് നോർഡ് 2 5ജി, നോക്കിയ സ്മാർട്ട്ഫോണുകൾ എന്നിവയിൽ ഗൂഗിൾ ഫോൺ ആപ്പ് മുൻകൂട്ടി ഇൻസ്റ്റാൾ ചെയ്തിട്ടുണ്ട്. ഗൂഗിൾ പ്ലേയിൽ നിന്ന് നിങ്ങളുടെ ആൻഡ്രോയിഡ് ഉപകരണത്തിൽ ഗൂഗിൾ ഫോൺ ആപ്പ് ഡൗൺലോഡ് ചെയ്യാനും യൂസേഴ്സിന് കഴിയും. ഈ ലേഖനത്തിൽ ഒരു സാംസങ് ഫോണിലും ഷവോമി മോഡലിലും അൺനോൺ നമ്പേഴ്സ് തടയുന്നതിനുള്ള വഴികളും നിങ്ങൾക്ക് നൽകിയിട്ടുണ്ട്.

ഗൂഗിൾ ഫോൺ ആപ്പ് ഉപയോഗിച്ച് ആൻഡ്രോയിഡ് ഫോണിൽ അൺനോൺ നമ്പേഴ്സ് എങ്ങനെ ബ്ലോക്ക് ചെയ്യാം

ഗൂഗിൾ ഫോൺ ആപ്പ് ഇൻസ്‌റ്റാൾ ചെയ്‌തിരിക്കുന്ന ആൻഡ്രോയിഡ് ഫോണിൽ അൺനോൺ നമ്പേഴ്സ് ബ്ലോക്ക് ചെയ്യാൻ സ്വീകരിക്കാവുന്ന ഘട്ടങ്ങളെക്കുറിച്ച് അറിയാൻ താഴേക്ക് വായിക്കുക. നിങ്ങൾ സാംസങ് ഫോൺ ഉപയോഗിക്കുന്നവരാണെങ്കിൽ നിങ്ങളുടെ ഫോണിൽ അൺനോൺ നമ്പേഴ്സ് ബ്ലോക്ക് ചെയ്യുന്നതെങ്ങനെയെന്ന് അറിയാൻ താഴേക്ക് സ്ക്രോൾ ചെയ്യുക.

• ഡയലർ സെർച്ച് ബാറിന്റെ മുകളിൽ വലത് വശത്തുള്ള മൂന്ന് ഡോട്ടുകളിൽ (ഹാംബർഗർ ഐക്കൺ) ടാപ്പ് ചെയ്യുക.
• ശേഷം സെറ്റിങ്സ് ഓപ്ഷനിൽ ടാപ്പ് ചെയ്യുക.
• തുടർന്ന് ബ്ലോക്ക്ഡ് നമ്പേഴ്സ് ഓപ്ഷനിൽ ടാപ്പ് ചെയ്യുക.
• ശേഷം അൺനോൺ ഓപ്ഷൻ ഓണാക്കുക.



ആൻഡ്രോയിഡിലെ "അൺനോൺ" എന്ന പദം നിങ്ങളുടെ കോൺടാക്റ്റുകളിൽ സേവ് ചെയ്യാത്ത നമ്പറുകളെ ഉദ്ദേശിച്ചുള്ളതല്ല എന്നത് ശ്രദ്ധിക്കേണ്ടതാണ്. ഇത് ഐഫോണിൽ നിന്ന് വ്യത്യസ്‌തമാണെന്നും മനസിലാക്കുക. ആൻഡ്രോയിഡിൽ അൺനോൺ എന്ന പദം കൊണ്ട് അർഥമാക്കുന്നത്, നിങ്ങളുടെ കോളർ ഐഡിയിൽ 'പ്രൈവറ്റ്' അല്ലെങ്കിൽ 'അൺനോൺ' എന്നിങ്ങനെ കാണിക്കുന്ന കോളുകളെയാണ്.



സാംസങിന്റെ ആൻഡ്രോയിഡ് ഡിവൈസിൽ അൺനോൺ നമ്പേഴ്സ് എങ്ങനെ ബ്ലോക്ക് ചെയ്യാം

സാംസങ് ആൻഡ്രോയിഡ് ഫോണിൽ അൺനോൺ നമ്പേഴ്സ് ബ്ലോക്ക് ചെയ്യാൻ നിങ്ങൾക്ക് സ്വീകരിക്കാവുന്ന കാര്യങ്ങൾ മനസിലാക്കാൻ താഴേക്ക് വായിക്കുക.

 

• ആദ്യം ഫോൺ ആപ്പ് തുറക്കുക.
• തുടർന്ന് ത്രീ ഡോട്ട് മെനുവിൽ (ഹാംബർഗർ ഐക്കൺ) ടാപ്പ് ചെയ്യുക.
• തുടർന്ന് സെറ്റിങ്സ് തിരഞ്ഞെടുക്കുക.
• ഇപ്പോൾ, ബ്ലോക്ക് നമ്പേഴ്സ് ഓപ്ഷനിൽ ടാപ്പ് ചെയ്യുക.
• ബ്ലോക്ക് ഹിഡ്ഡൺ നമ്പേഴ്സ്/ അൺനോൺ നമ്പേഴ്സ് എന്ന ഓപ്ഷനിൽ അമർത്തുക.



ഷവോമി ഫോണുകളിൽ അൺനോൺ നമ്പേഴ്സ് എങ്ങനെ ബ്ലോക്ക് ചെയ്യാം

ഷവോമി പുറത്തിറക്കുന്ന ആൻഡ്രോയിഡ് ഫോണുകളിൽ അൺനോൺ നമ്പേഴ്സ് ബ്ലോക്ക് ചെയ്യാൻ ചുവടെയുള്ള ഘട്ടങ്ങൾ പാലിക്കുക. ഘട്ടങ്ങൾ വിശദീകരിക്കുന്നത് എംഐയുഐ 12.5 അടിസ്ഥാനമാക്കിയുള്ള ഒരു ഡിവൈസ് അടിസ്ഥാനമാക്കിയാണ്. എന്നിരുന്നാലും, നിങ്ങളുടെ ഡിവൈസിൽ മറ്റൊരു എംഐയുഐ വേർഷൻ ആണെങ്കിൽ ചില മാറ്റങ്ങൾ ഉണ്ടാകാനും സാധ്യതയുണ്ട്.



• ആദ്യം നിങ്ങളുടെ ഫോൺ തുറക്കുക.
  സെർച്ച് ബാറിൽ നിന്ന് ത്രീ ഡോട്ട് ബട്ടൺ (ഹാംബർഗർ ഐക്കൺ) ടാപ്പ് ചെയ്യുക.
• മെനുവിൽ നിന്ന് സെറ്റിങ്സ് തിരഞ്ഞെടുക്കുക.
• ഇപ്പോൾ, അൺനോൺ കോളർമാരിൽ നിന്നുള്ള എല്ലാ കോളുകളും തടയാൻ അൺനോൺ ഓപ്ഷൻ ടാപ്പ് ചെയ്യുക.

ഡിഫോൾട്ട് ഓപ്ഷനുകൾക്ക് പുറമേ, നിങ്ങളുടെ ആൻഡ്രോയിഡ് ഫോണിലെ അൺനോൺ നമ്പേഴ്സ് ബ്ലോക്ക് ചെയ്യാൻ സഹായിക്കുന്ന ട്രൂകോളർ ഉൾപ്പെടെയുള്ള നിരവധി തേർഡ് പാർട്ടി ആപ്പുകളും ലഭ്യമാണ്.