പാൻ കാർഡ് ടിപ്സ്: പാൻ കാർഡിലെ പഴയ ഫോട്ടോ മാറ്റാൻ എന്തെളുപ്പം!

പാൻ കാർഡ് വളരെ പ്രധാനപ്പെട്ട ഒരു രേഖയാണെന്ന് നേരത്തെ പറഞ്ഞല്ലോ. ബാങ്കിലടക്കം വലുതും ചെറുതുമായ എല്ലാ സാമ്പത്തിക ഇടപാടുകൾക്കും പാൻ കാർഡ് ആവശ്യമാണ്. ഏതൊരു വ്യക്തിക്കും പാൻ കാർഡ് ഐഡി പ്രൂഫായി ഉപയോഗിക്കാവുന്നതാണ്. വിവാഹം കഴിഞ്ഞ ശേഷം കുടുംബത്തിന്റെ പേരും വിലാസവും മാറ്റണമെങ്കിൽ അതിനും ഇൻകം ടാക്സ് ഡിപ്പാർട്ട്മെന്റ് അനുവാദം നൽകുന്നുണ്ട്. പ്രധാനപ്പെട്ട ചില സാഹചര്യങ്ങളിൽ ഇത് അത്യാവശ്യമായി വരും. അങ്ങനെ പാൻ കാർഡിലെ കുടുംബത്തിന്റെ പേരും വിലാസവും മാറ്റണമെന്നുള്ളവർ താഴേക്ക് വായിക്കുക.

• ആദ്യം എൻഎസിഡിഎലിന്റെ ഓൺലൈൻ സർവീസ് വെബ്സൈറ്റ് സന്ദർശിക്കുക.
• ഇവിടെ നൽകിയിരിക്കുന്ന അപേക്ഷാ ഫോം പൂരിപ്പിക്കുക.
• ആവശ്യമായ എല്ലാ വിവരങ്ങളും നൽകാൻ പ്രത്യേകം ശ്രദ്ധിക്കണം.
• ശേഷം ഫോം സബ്മിറ്റ് ചെയ്യുക.
• ഇതോടെ നിങ്ങളുടെ പേരിന് മുന്നിൽ ഒരു ബോക്സ് കാണാൻ കഴിയും.
• ഈ ബോക്സിൽ നിങ്ങളുടെ പാൻ നമ്പർ നൽകുക.
• ശേഷം ഫോമിൽ നൽകിയിരിക്കുന്ന വിവരങ്ങൾ ഒന്ന് കൂടി പരിശോധിക്കുക.
• സ്ഥിരീകരണത്തിനായി വാലിഡേറ്റ് ഓപ്ഷനിൽ ക്ലിക്ക് ചെയ്യണം.
•  ശേഷം സബ്മിറ്റ് ഓപ്ഷനിൽ ക്ലിക്ക് ചെയ്ത് ആപ്ലിക്കേഷൻ സബ്മിറ്റ് ചെയ്യാം.



ഇത്രയും കഴിഞ്ഞാൽ പണം അടയ്ക്കാം. ഇന്ത്യയ്ക്കകത്ത് നിന്നുള്ള അഡ്രസിൽ നിന്നാണ് ആപ്ലിക്കേഷൻ അയക്കുന്നത് എങ്കിൽ 110 രൂപ അടച്ചാൽ മതിയാകും. രാജ്യത്തിന് പുറത്ത് നിന്നുള്ള ആപ്ലിക്കേഷന് 1,020 രൂപ അടയ്ക്കണം. നെറ്റ് ബാങ്കിങ്, ഡെബിറ്റ്, ക്രെഡിറ്റ് അല്ലെങ്കിൽ ക്യാഷ് കാർഡ് എന്നിവ വഴിയെല്ലാം പാൻ കാർഡ് അപ്ഡേഷൻ ഫീസുകൾ അടയ്ക്കാനാവും. പണം അടച്ച് കഴിഞ്ഞാൽ പാൻ അപേക്ഷാ ഫോം ഡൌൺലോഡ് ചെയ്ത് പൂരിപ്പിക്കാൻ മറക്കരുത്. ശേഷം ഫോം ഡൌൺലോഡ് ചെയ്യണം. ഡൌൺലോഡ് ചെയ്തെടുത്ത ഫോം ഫിൽ ചെയ്യുക, നിങ്ങളുടെ ഫോട്ടോസ് പതിക്കേണ്ട സ്ഥലങ്ങളിൽ അതും ചെയ്യുക. ശേഷം ഈ അപേക്ഷ എൻഎസ്ഡിഎലിന്റെ വിലാസത്തിലേക്ക് അയയ്ക്കാനും മറക്കരുത്. ഒപ്പം അയക്കുന്ന രേഖകൾ സ്വയം സാക്ഷ്യപ്പെടുത്തിയതായിരിക്കണമെന്നും ഓർക്കുക.



അടുത്തിടെ പാൻ കാർഡും ആധാർ കാർഡും തമ്മിൽ ബന്ധിപ്പിക്കുന്നതിനുള്ള കാല പരിധി വീണ്ടും നീട്ടിയിരുന്നു. 2022 മാർച്ച് 31 വരെയാണ് ആധാർ കാർഡ് പാൻ കാർഡുമായി ബന്ധിപ്പിക്കാനുള്ള സമയ പരിധി. സെപ്റ്റംബർ 30 വരെയായിരുന്നു നേരത്തെ ആധാർ കാർഡ് ലിങ്ക് ചെയ്യാൻ സമയം അനുവദിച്ചിരുന്നു. ഈ സമയത്തിനുള്ളിൽ പാനും ആധാറും ലിങ്ക് ചെയ്യാത്തവർ 10,000 രൂപയോളം പിഴയായി നൽകേണ്ടി വരുമെന്നും ആദായ നികുതി വകുപ്പ് അറിയിച്ചിരുന്നു. പ്രഖ്യാപനം വലിയ വിമർശനം ഏറ്റു വാങ്ങിയതിന് പിന്നാലെയാണ് സർക്കാർ നിലപാട് മാറ്റിയത്.



അടുത്ത വർഷം മാർച്ച് 31നകം ആധാർ കാർഡും പാൻ കാർഡും ബന്ധിപ്പിച്ചില്ലെങ്കിൽ എന്ത് സംഭവിക്കുമെന്ന് ചിലർക്കെങ്കിലും ആശങ്കയുണ്ടാകാം. ഇങ്ങനെ ലിങ്ക് ചെയ്തില്ലെങ്കിൽ നിങ്ങളുടെ പാൻ കാർഡ് നിർജീവം ആകാനാണ് സാധ്യത. അതേ പിന്നീട് ആ കാർഡിൽ നിന്നുള്ള സേവനങ്ങൾ ലഭ്യമാകില്ല. ബാങ്ക് അക്കൌണ്ട് തുറക്കുക, സ്കോള‍ർഷിപ്പുകൾ, സർക്കാർ സേവനങ്ങൾ ലഭ്യമാക്കുക ഇതൊന്നും പിന്നീട് സാധ്യമാകില്ല. പാൻ കാർഡ് നിർജീവമായ ശേഷം ഉപയോഗിച്ചാൽ വലിയ നിയമപ്രശ്നങ്ങളിലേക്കും കാര്യങ്ങൾ ചെന്നെത്തും. ഒപ്പം കാലപരിധി അവസാനിച്ചാൽ പിന്നീട് വീണ്ടും ആധാ‍‍ർ - പാൻ ബന്ധപ്പെടുത്തലിന് ഉയ‍‍ർന്ന തുക പിഴയായി നൽകേണ്ടിയും വരും.