കമ്പ്യൂട്ടറില്‍ നഷ്ടപ്പെട്ട ഫയലുകള്‍ കണ്ടെത്താനായി ഇതാ നാലു മാര്‍ഗ്ഗങ്ങള്‍..!

അടുത്തിടെ സംഭരിച്ച ഫയലുകള്‍ കണ്ടെത്താന്‍

മൈക്രോ സോഫ്റ്റ് വേഡ് അല്ലെങ്കില്‍ എക്‌സല്‍ ഫയലുകള്‍ കണ്ടെത്താന്‍ വേണ്ടിയാണ് ഈ മാര്‍ഗ്ഗം ഉപയോഗിക്കുന്നത്. ഇത്തരം സന്ദര്‍ഭങ്ങളില്‍ നിങ്ങള്‍ ഏതു ഫോള്‍ഡറിലാണ് ഫയലുകള്‍ സംരക്ഷിച്ചതെന്ന് അറിവുണ്ടാകില്ല. എന്നാല്‍ വേഗത്തില്‍ ആ ഫയല്‍ കണ്ടെത്തുന്നതിന് ആപ്ലിക്കേഷന്‍ തുറന്ന് അടുത്തിടെയുളള ഫയലുകളുടെ ലിസ്റ്റ് തുറക്കുക. നിങ്ങള്‍ MS ആപ്ലിക്കേഷന്‍ തുറക്കുമ്പോള്‍ തന്നെ സമീപകാലത്തു തുറന്ന ഫയലുകളുടെ ലിസ്റ്റ് തുറന്നു വരും. അല്ലെങ്കില്‍ File> Open> Recent Documents എന്നു ചെയ്താലും മതി.

ഭാഗീക ഫയല്‍ നെയിം ഉപയോഗിച്ച് വിന്‍ഡോസില്‍ തിരയുക

കുറച്ചു ദിവസങ്ങള്‍ക്കോ മാസങ്ങള്‍ക്കോ മുമ്പ് സംരക്ഷിച്ച ഫയലുകള്‍ കണ്ടെത്താനായി ഫയല്‍ നെയിമിന്റെ ആദ്യത്തെ അക്ഷരം ഉപയോഗിച്ചും തിരയാം. അങ്ങനെ നിങ്ങള്‍ നേരെ വിന്‍ഡോസില്‍ പോയി ആ അക്ഷരം ടൈപ്പ് ചെയ്തതിനു ശേഷം 'Search' ഓപ്ഷനില്‍ അമര്‍ത്തുക. മിക്ക സമയത്തും അങ്ങനെ ഈ ഫയല്‍ നിങ്ങള്‍ക്കു കണ്ടെത്താം.

Extension ടൈപ്പിന്റെ സഹായത്തോടെ കണ്ടെത്താം

ഫയല്‍ വിപുലീകരണത്തില്‍ (File extension) ടൈപ്പ് ചെയ്യുന്നതിലൂടേയും നിങ്ങള്‍ക്ക് കാണാതായ ഫയലുകള്‍ കണ്ടെത്താം. ഉദാഹരണത്തിന്: നിങ്ങളുടെ ഫയല്‍ ഒരു MS വേഡ് ഡോക്യുമെന്റ് ആണെങ്കില്‍, '.doc' അല്ലെങ്കില്‍ '.docx' എന്ന് ഫയല്‍ എക്‌പ്ലോററിലെ സര്‍ച്ച് ബാറില്‍ ടൈപ്പ് ചെയ്ത് എന്റര്‍ അമര്‍ത്തുക. ഇനി എക്‌സല്‍ ഫയല്‍ ആണെങ്കില്‍ '.xls' ഉപയോഗിച്ച് തിരയാം.

കൊര്‍ടാന ഉപയോഗിച്ച് ഫയല്‍ കണ്ടെത്താം

സര്‍ച്ചു ചെയ്യുന്നതിന് ഏറ്റവും നല്ലൊരു മാര്‍ഗ്ഗമായി കൊര്‍ടാനയും ഉപയോഗിക്കാം. ടാസ്‌ക്ബാറിലെ കൊര്‍ടാന ഐക്കണില്‍ ക്ലിക്ക് ചെയ്ത് ഡോക്യുമെന്റുകള്‍ തിരയാം. അങ്ങനെ ക്ലിക്ക് ചെയ്യുമ്പോള്‍ 'Pick up where you left' എന്നതിന്റെ കീഴിലായി സമീപകാലത്ത് പ്രവര്‍ത്തിച്ച ഫയലുകളുടെ ഒരു ലിസ്റ്റ് കാണാം. അതായത് നിങ്ങള്‍ ഏറ്റവും അടുത്ത് സേവ് ചെയ്ത ഫയലുകള്‍ ഇവിടെ കാണാം എന്ന് അര്‍ത്ഥം. അല്ലെങ്കില്‍ 'Search for'ന്റെ കീഴിലായി കാണുന്ന 'Doccuments'ല്‍ ക്ലിക്ക് ചെയ്ത് ഫയല്‍ നെയിമില്‍ ടൈപ്പ് ചെയ്യുക.