സംഭവം 4ജി ഒക്കെ തന്നെ, എന്നിട്ടും സ്പീഡ് കുറവാണെങ്കിൽ ഇതൊന്ന് ചെയ്തുനോക്കൂ..

1 . Network settings പരിശോധിക്കുക

ഫോൺ സെറ്റിങ്സിൽ മൊബൈൽ നെറ്റവർക്ക് സെറ്റിങ്സിലുള്ള ഓരോ ഓപ്ഷനുകളും ശരിയായ രീതിയിൽ തന്നെയാണോ സെറ്റ് ചെയ്തു വെച്ചിരിക്കുന്നത് എന്ന കാര്യം പരിശോധിക്കുക. ഫോണിൽ 3ജി ഒൺലി, 3ജി/ 4ജി, 4ജി ഒൺലി എന്നിങ്ങനെ നിരവധി ഓപ്ഷനുകൾ ഉണ്ടാവും. ഇതിൽ നിങ്ങളുടെ സ്ഥലത്തെ നെറ്റവർക്ക് പരിധി അനുസരിച്ഛ് അനുയോജ്യമായവ കൊടുക്കുക.

2. App cache ക്ലിയർ ചെയ്യുക

നമ്മുടെ ഫോണിലുള്ള പല ആപ്പുകളും സർവീസുകളും ചെറിയ രീതിയിലുള്ള caches ഉണ്ടാക്കാറുണ്ട്. ഇവ നമ്മൾ ഒഴിവാക്കാത്ത കാലത്തോളം കൂടിക്കൊണ്ടിരിക്കും. ഇത് പരിധിയിലും അധികമാകുമ്പോൾ നമ്മുടെ ഫോണിന്റെ സ്പീഡിനെയും അതേസമയം തന്നെ ഇന്റർനെറ്റിന്റെ വേഗതയേയും വരെ ബാധിക്കും.അതുകൊണ്ട് ഏതെങ്കിലും ഒരു തേർഡ് പാർട്ടി ആപ്പിന്റെ സഹായത്തോടെയോ അതല്ലെങ്കിൽ ഫോണിൽ തന്നെയുള്ള clear cashes സെറ്റിംഗ്സ് ഉപയോഗിച്ചോ ഇവ ഇടയ്ക്കിടെ നീക്കം ചെയ്യുക.

3. ആവശ്യമില്ലാത്ത ആപ്പുകളും വിഡ്ജറ്റുകളും അൺഇൻസ്റ്റാൾ ചെയ്യുക

പല ആപ്പുകളും സർവീസുകളും എന്തിനു വിഡ്ജറ്റുകൾ വരെ വലിയ തോതിലുള്ള ഇന്റർനെറ്റ് ഡാറ്റ നമ്മൾ അറിഞ്ഞുകൊണ്ടും അറിയാതെ പശ്ചാത്തലത്തിലായും എടുത്തുകൊണ്ടിരിക്കും. ഇവ ഉപയോഗിക്കുന്ന നെറ്റ് കൂടെ ഒഴിവാക്കിക്കിട്ടിയാൽ നെറ്റ് വേഗത ഒന്നുകൂടെ വർദ്ധിപ്പിക്കാം. ഇവ ആവശ്യമില്ലെങ്കിൽ അൺഇൻസ്റ്റാൾ ചെയ്യുകയോ താത്കാലികമായി മാറ്റിവെക്കുകയോ ചെയ്യാം.

4. ഒരു Ad Blocker ഇൻസ്റ്റാൾ ചെയ്യുക

പരസ്യങ്ങൾ ഫോണിൽ നിന്നും നീക്കം ചെയ്യാനുള്ള ഇത്തരം ആപ്പുകൾ സുലഭമാണ്. അതുപയോഗിച്ച് പരസ്യങ്ങൾ തടയുകയും അതിലൂടെ വരുന്ന ഇന്റർനെറ്റ് ഉപയോഗം ഇല്ലാതാക്കുകയും ചെയ്യാം. എന്നാൽ ഇത് പലരും തെറ്റായ രീതിയിൽ ചെയ്യാറുള്ള ഒരു ഓപ്ഷൻ ആണ്. Ad Blocker ആയി വരുന്ന നിരവധി ആപ്പുകളിൽ പലതും വേണ്ടത്ര നിലവാരം പുലർത്താത്തവയാണ് എന്ന് മാത്രമല്ല, ഇത്തരം പല അപ്പുകളിൽ തന്നെ നിരവധി പരസ്യങ്ങളും മറ്റും ഉണ്ടാവാറുമുണ്ട്. അതിനാൽ മികച്ചൊരു Ad Blocker തന്നെ ഇൻസ്റ്റാൾ ചെയ്യുക.