വേനല്‍ കാലത്ത് എങ്ങനെ ലാപ്‌ടോപ്പുകളെ സംരക്ഷിക്കാം?

കൂളിങ്ങ് പാഡ് ഉപയോഗിക്കുക

ലാപ്‌ടോപിന്റെ ചൂട് കുറയ്ക്കാന്‍ സാധാരണ നിലയില്‍ ചെയ്യാവുന്ന കാര്യം കൂളിംഗ് പാഡ് ഉപയോഗിക്കുക എന്നതാണ്. ഒരു പരിധിവരെ ചൂട് നിയന്ത്രിക്കാന്‍ കൂളിംഗ് പാഡിന് സാധിക്കും.

തണുപ്പുളളടുത്ത് ലാപ്‌ടോപ്പ് വയ്ക്കുക

യാത്രയിലായാലും വീട്ടിലായാലും കഴിയുന്നത്ര തണുപ്പുള്ളിടത്ത് ലാപ്‌ടോപ് വയ്ക്കുക. ട്രെയിനിലും ബസിലും ഒക്കെ ഉപയോഗിക്കുമ്പോള്‍ വെയില്‍ തട്ടാത്ത ഭാഗത്തിരുന്നു വേണം ലാപ്‌ടോപ് പ്രവര്‍ത്തിപ്പിക്കാന്‍.

പൊടി കേറാതെ നോക്കുക

ഉള്ളില്‍ പൊടി കയറിയാല്‍ അതും ലാപ്‌ടോപ് വേഗത്തില്‍ ചൂടാവാന്‍ കാരണമാകും. അതുകൊണ്ട് കഴിയുന്നതും പൊടികടക്കാതെ സംരക്ഷിക്കണം.

കാറിനുളളില്‍ വയ്ക്കരുത്‌

പലരും യാത്രയ്ക്കിടയില്‍ ലാപ്‌ടോപ് കാറിനുള്ളില്‍ വച്ച് ലോക് ചെയ്ത് പുറത്തുപോകാറുണ്ട്. ഇത് ഒരിക്കലും പാടില്ല. അടച്ചിട്ട കാറില്‍ വലിയ തോതില്‍ ചൂട് ഉണ്ടാവും. ഇത് ലാപ്‌ടോപിനേയും ബാധിക്കും.

പ്രോസസറിന്റെ പ്രവര്‍ത്തനത്തെ ബാധിക്കുകം

റാമിന്റെ സ്‌പേസ് കുറയുന്നത് പ്രൊസസറിന്റെ പ്രവര്‍ത്തനത്തെ ബാധിക്കും. ലാപ്‌ടോപ് ചൂടാവുന്നതിന് ഇത് കാരണമാകും. അതുകൊണ്ടുതന്നെ ഒരിക്കലും ഉപയോഗിച്ചിട്ടില്ലാത്തതും അത്യാവശ്യമില്ലാത്തതുമായ സോഫ്റ്റ്‌വെയറുകള്‍ അണ്‍ ഇന്‍സ്റ്റാള്‍ ചെയ്യുന്നത് നല്ലതാണ്.