ഇന്റര്‍നെറ്റില്ലാതെ എങ്ങനെ ജിമെയില്‍ ആക്‌സസ് ചെയ്യാനാകും?

Posted By: Staff

ഇന്റര്‍നെറ്റില്ലാതെ എങ്ങനെ ജിമെയില്‍ ആക്‌സസ് ചെയ്യാനാകും?

ഇന്റര്‍നെറ്റ് ഇല്ലാതെയും ജിമെയില്‍ ആക്‌സസ് ചെയ്യാനാകും. അതിനാണ് ജിമെയില്‍ എന്ന സൗജന്യ ക്രോം വെബ് ആപ്ലിക്കേഷന്‍. ഈ ആപ്ലിക്കേഷന്റെ സഹായത്തോടെ നിങ്ങള്‍ക്ക് എവിടെ വെച്ചും ലാപ്‌ടോപിലൂടെ ഇന്റര്‍നെറ്റ് കണക്ഷനില്ലാതെ മെയില്‍ ആക്‌സസ് ചെയ്യാന്‍ സാധിക്കും. മെയില്‍ വായിക്കാനും പ്രതികരിക്കാനും മെയില്‍ സെര്‍ച്ച് ചെയ്യാനുമാണ് ഈ ആപ്ലിക്കേഷനിലൂടെ സാധിക്കുക. ഗൂഗിള്‍ ക്രോം വെബ് ബ്രൗസറിലാണ് ഈ പ്ലഗ് ഇന്‍ ആപ്ലിക്കേഷന്‍ ഇപ്പോള്‍ ലഭിക്കുക. അതിനാല്‍ ആദ്യം ക്രോം ബ്രൗസര്‍ സിസ്റ്റത്തില്‍ ഉണ്ടായിരിക്കണം.

  • ക്രോം വെബ്‌സ്‌റ്റോറില്‍ പോയി ജിമെയില്‍ ഓഫ്‌ലൈന്‍ ആപ്ലിക്കേഷന്‍ ഡൗണ്‍ലോഡ് ചെയ്യുക
 
  • ഇന്‍സ്റ്റാള്‍ ചെയ്ത് കഴിഞ്ഞാല്‍ നിങ്ങളുടെ ഗൂഗിള്‍ ക്രോം ആപ്ലിക്കേഷന്‍ പേജില്‍ ഓഫ്‌ലൈന്‍ ജിമെയില്‍ ആപ്ലിക്കേഷന്‍ കാണാനാകും.
  • പിന്നീട് ഈ ആപ്ലിക്കേഷന്‍ ഓപണ്‍ ചെയ്യുക.
 
  • ഓപണ്‍ ചെയ്യുമ്പോള്‍ ഓഫ്‌ലൈന്‍ മെയില്‍ സ്റ്റോറേജ് ആക്‌സസ് ചെയ്യാനുള്ള അനുമതി ഈ ആപ്ലിക്കേഷന്‍ ആവശ്യപ്പെടും. അതിന് അനുമതി നല്‍കിയാല്‍ നിങ്ങളുടെ ഇന്‍ബോക്‌സ് ഡാറ്റ നിങ്ങളുപയോഗിക്കുന്ന കമ്പ്യൂട്ടറില്‍ സ്റ്റോറാകും. അതിനാല്‍ സൈബര്‍ കഫേകളില്‍ നിന്നോ, പൊതു കമ്പ്യൂട്ടറുകളില്‍ നിന്നോ ഇതിന് അനുമതി നല്‍കാതിരിക്കുക.
 
  •  അടുത്ത തവണ നിങ്ങള്‍ ഓഫ്‌ലൈന്‍ ആകുമ്പോള്‍ ഈ ആപ്ലിക്കേഷന്‍ ആക്‌സസ് ചെയ്ത് മെയില്‍ ക്രിയേറ്റ് ചെയ്യാം, ഡ്രാഫ്റ്റ് ചെയ്യാം, മെയില്‍ വായിക്കാം അങ്ങനെ എന്തും ചെയ്യാം. പിന്നീട് ഇന്റര്‍നെറ്റുമായി കണക്റ്റാകുമ്പോള്‍ ഓഫ്‌ലൈനില്‍ ക്രിയേറ്റ് ചെയ്ത മെസേജ് സെന്റ് ആകും.

ഇനി ഈ ആപ്ലിക്കേഷന്‍ ഇന്‍സ്റ്റാള്‍ ചെയ്ത ശേഷം അത് ഡിലീറ്റ് ചെയ്യണം എന്നുണ്ടെങ്കില്‍ chrome://settings/cookies എന്ന് ക്രോം അഡ്രസ്ബാറില്‍ ടൈപ്പ്ചെയ്ത ശേഷം എന്റര്‍ ചെയ്യുക. കുക്കീസില്‍ നിന്ന് mail.google.comല്‍ എത്തി അതില്‍ കാണുന്ന x ചിഹ്നത്തില്‍ ക്ലിക് ചെയ്യാം. അതോടെ ഈ ആപ്ലിക്കേഷന്‍ ഡിലീറ്റാകും.

Please Wait while comments are loading...

Social Counting