കൊവിഡ് ബൂസ്റ്റർ ഡോസുകൾ കിട്ടാനുള്ള എളുപ്പവഴികൾ

കോവിൻ വഴി ബൂസ്റ്റർ ഷോട്ട് അപ്പോയിന്റ്‌മെന്റുകൾ ബുക്ക് ചെയ്യാം

ഘട്ടം 1 : ഇതിനായി ആദ്യം രജിസ്റ്റർ ചെയ്ത മൊബൈൽ നമ്പർ എന്റർ ചെയ്യുക.
ഘട്ടം 2 : ബൂസ്റ്റർ ഡോസിന് യോഗ്യത നേടുന്നതിന്, നിങ്ങൾ ഇതിനകം തന്നെ ആദ്യത്തെയും രണ്ടാമത്തെയും വാക്സിൻ ഡോസുകൾ എടുത്തിരിക്കണം.
ഘട്ടം 3 : നിങ്ങൾ രണ്ട് ഡോസുകളും എടുത്തിട്ടുണ്ടെങ്കിൽ, സർട്ടിഫിക്കറ്റുകൾ, വാക്സിനേഷൻ തീയതി, ബൂസ്റ്റർ ഡോസ് തീയതി എന്നീ വിവരങ്ങൾ എല്ലാം കോവിൻ പോർട്ടലിൽ കാണാൻ കഴിയും.

ഘട്ടം 4 : രണ്ടാമത്തെ ഡോസ് കഴിഞ്ഞ് 9 മാസത്തിന് ശേഷം ഒരാൾക്ക് ബൂസ്റ്റർ ഷോട്ട് എടുക്കാം എന്നത് ശ്രദ്ധിക്കണം.
ഘട്ടം 5 : നിങ്ങൾക്ക് പോർട്ടൽ ബൂസ്റ്റർ / മുൻകരുതൽ ഡോസ് എടുക്കാൻ സാധിക്കുന്ന ദിവസവും കോവിൻ പോർട്ടലിൽ കാണാൻ കഴിയും.
ഘട്ടം 6 : നിങ്ങൾ ഒരു ബൂസ്റ്റർ ഷോട്ടിന് യോഗ്യനാണെങ്കിൽ, ഓപ്ഷന് അടുത്തുള്ള ഷെഡ്യൂൾ ഓപ്ഷനിൽ ക്ലിക്ക് ചെയ്യുക.

ഘട്ടം 7 : ബൂസ്റ്റർ ഡോസുകൾ എടുക്കുന്നതിനായി പിൻ കോഡോ നിങ്ങൾ താമസിക്കുന്ന ജില്ലയുടെ പേരോ നൽകേണ്ടതുണ്ട്.
ഘട്ടം 8 : നിങ്ങളുടെ പ്രദേശത്തെ വാക്സിനേഷൻ കേന്ദ്രങ്ങൾ മനസിലാക്കാൻ വേണ്ടിയാണിത്.
ഘട്ടം 9 : ബൂസ്റ്റർ ഷോട്ടുകൾ ലഭ്യമാകുന്ന വാക്സിനേഷൻ കേന്ദ്രങ്ങൾ ഏതൊക്കെയാണെന്ന് കോവിൻ പോർട്ടലിൽ കാണാൻ കഴിയും.
ഘട്ടം 10 : ഒരു അപ്പോയിന്റ്മെന്റ് ബുക്ക് ചെയ്യാൻ, തീയതിയും സമയവും സെലക്റ്റ് ചെയ്ത് പേയ്മെന്റ് നടത്തുക.

പേടിഎം ആപ്പ് വഴി ബൂസ്റ്റർ ഷോട്ട് അപ്പോയിന്റ്‌മെന്റുകൾ ബുക്ക് ചെയ്യാം

ഘട്ടം 1 : ഇതിനായി ആദ്യം നിങ്ങളുടെ ഡിവൈസിലെ പേടിഎം ആപ്പ് ഓപ്പൺ ചെയ്യുക.
ഘട്ടം 2 : പേടിഎം ആപ്പിലെ കോവിഡ് വാക്സിൻ സ്ലോട്ട് ഫൈൻഡർ ഫീച്ചറിലേക്ക് പോകുക.
ഘട്ടം 3 : നിങ്ങളുടെ ഏജ് ഗ്രൂപ്പും തുടർന്ന് ഡോസും സെലക്റ്റ് ചെയ്യുക.
ഘട്ടം 4 : ഈ രണ്ട് ഓപ്ഷനുകളും ടിക്ക് ചെയ്ത് ബുക്ക് നൗ എന്ന ഓപ്ഷനിൽ ടാപ്പ് ചെയ്യണം.

ഘട്ടം 5 : നിങ്ങളുടെ രജിസ്റ്റർ ചെയ്ത മൊബൈൽ നമ്പറും എന്റർ ചെയ്യണം.
ഘട്ടം 6 : ഫൈൻഡറിൽ ആശുപത്രിയുടെ പേര് ഉപയോഗിച്ച് വാക്സിനേഷൻ സെന്റർ സെർച്ച് ചെയ്യാൻ ആകും.
ഘട്ടം 7 : പിൻകോഡ് നൽകിയും വാക്സിനേഷൻ സെന്റർ സെർച്ച് ചെയ്യാൻ കഴിയും.
ഘട്ടം 8 : അവസാനമായി, അപ്പോയിന്റ്മെന്റ് ബുക്ക് ചെയ്യുന്നതിന് നിങ്ങൾ തീയതിയും സമയവും സെലക്റ്റ് ചെയ്ത് പണം അടയ്ക്കേണ്ടതുണ്ട്.

രാജ്യത്ത് ഇത് വരെ 1,94,27,16,543 വാക്സിൻ ഡോസുകൾ വിതരണം ചെയ്തിട്ടുണ്ട്. 83 കോടിയിലധികം പൌരന്മാരും ( ജനസംഖ്യയുടെ 60 ശതമാനത്തിനും മുകളിൽ ) രണ്ട് ഡോസ് വാക്സിൻ സ്വീകരിച്ചിട്ടുണ്ട്. കുട്ടികൾക്കുള്ള വാക്സിനേഷനും മുതിർന്നവർക്കുള്ള ബൂസ്റ്റർ ഡോസ് വാക്സിനേഷനും രാജ്യത്ത് പുരോഗമിക്കുകയാണ്. നിലവിൽ 26,976 കൊവിഡ് രോഗികളാണ് രാജ്യത്ത് ഉള്ളത്. ദിനംപ്രതിയെന്നോണമാണ് കേസുകൾ കൂടി വരുന്നതും.