വാട്സാപ്പ് ചാറ്റുകൾ നഷ്ടപ്പെടാതെ ഫോൺ നമ്പർ മാറ്റാം, ചെയ്യേണ്ടത് ഇത്രമാത്രം

നമ്പർ മാറി പുതിയ അക്കൌണ്ട് ആരംഭിക്കുമ്പോൾ വാട്സ്ആപ്പിലുള്ള മെസേജുകൾ നഷ്ടപ്പെടാറുണ്ട്. എന്നാൽ ചെയ്ഞ്ച് നമ്പർ ഫീച്ചറിലൂടെ വാട്സാപ്പ് സന്ദേശങ്ങൾ നഷ്ടപ്പെടാതെ തന്നെ ഫോൺ നമ്പർ മാറ്റാൻ സാധിക്കും. ഓട്ടോമാറ്റിക്ക് ആയി തന്നെ നമ്പർ മാറിയ കാര്യം കോൺടാക്ട് ലിസ്റ്റിൽ ഉള്ളവരെ ഇത് അറിയിക്കുകയും ചെയ്യും. ഈ ഫീച്ചർ എങ്ങനെ ഉപയോഗിക്കാം എന്നത് നമ്മുക്ക് ഘട്ടം ഘട്ടമായി നോക്കാം.

കൂടുതൽ വായിക്കുക: ജിയോ നെറ്റ് വർക്കിലേക്ക് പോർട്ട് ചെയ്യണോ; അറിയാം ഇക്കാര്യങ്ങൾ

ചാറ്റുകൾ നഷ്ടപ്പെടുത്താതെ മൊബൈൽ നമ്പർ മാറ്റുന്ന വിധം

പുതിയ നമ്പറിൽ ഉള്ള സിം കാർഡ് ഫോണിൽ ഇട്ടതിന് ശേഷം മേസേജ് അയക്കാനും സ്വീകരിക്കാനും പുതിയ സിം കാർഡിന് കഴിയുന്നുണ്ടെന്ന് ഉറപ്പാക്കണം. പഴയ ഫോൺ നമ്പർ തന്നെയാണ് ഇപ്പോഴും വാട്സാപ്പിൽ രജിസ്റ്റർ ചെയ്തിരിക്കുന്നത് എന്നും ഉറപ്പാക്കേണ്ടതുണ്ട്. വാട്സാപ്പിലെ സെറ്റിംഗ്സിലെ നിങ്ങളുടെ പ്രൊഫൈലിൽ ക്ലിക്ക് ചെയ്താൽ രജിസ്റ്റർ ചെയ്തിരിക്കുന്ന നമ്പർ ഏതാണെന്ന് അറിയാൻ കഴിയും. ഇത്രയും കാര്യങ്ങൾ ചെയ്ത് കഴിഞ്ഞാൽ താഴെ പറയുന്ന രീതികൾ പ്രകാരം നമ്പർ മാറ്റാൻ ആകും.

1) നിങ്ങളുടെ വാട്സാപ്പ് തുറക്കുക

2) ഐഫോൺ ഉപയോഗിക്കുന്നവർക്ക് നേരെ Settings ലേക്ക് പോകാം. ആൻഡ്രോയിഡ് ഫോണാണ് എങ്കിൽ മുകളി കാണുന്ന മൂന്ന് ഡോട്ടിൽ ക്ലിക്ക് ചെയ്താൽ Settings കാണാവുന്നതാണ്

3) തുടർന്ന് Account എന്ന ഓപ്ക്ഷനിൽ ക്ലിക്ക് ചെയ്യ്ത് ശേഷം Change Number ക്ലിക്ക് ചെയ്യുക

4) തുർന്നു ഓപ്പണാകുന്ന പേജിൽ പുതിയ നമ്പറിൽ നിന്ന് കോളുകളോ മെസേജുകളോ സ്വീകരിക്കാൻ കഴിയുമോ എന്ന ചോദ്യം പ്രത്യക്ഷമാകും . ഇത് കൺഫേം ചെയ്ത ശേഷം Next ബട്ടൺ അമർത്തുക.

കൂടുതൽ വായിക്കുക: ഡിലീറ്റ് ചെയ്ത വാട്സ്ആപ്പ് മെസേജുകൾ കാണാനും വഴിയുണ്ട്; ചെയ്യേണ്ടത് ഇത്രമാത്രം

5)പുതിയതും പഴയതും ആയ നമ്പർ ആതാത് ഇടങ്ങളിൽ ടൈപ്പ് ചെയ്യുക

6) Next എന്ന് ക്ലിക്ക് ചെയ്ത് അവസാന നടപടിക്രമങ്ങളിലേക്ക് കടക്കാം

7) നമ്പർ മാറ്റത്തെക്കുറിച്ച് നിങ്ങളുടെ കോൺടാക്ട് ലിസ്റ്റിൽ ഉള്ളവരെ അറിയിക്കണോ എന്ന് വാട്സാപ്പ് ചോദിക്കും. എല്ലാ കോൺടാക്ടുകളും, ചാറ്റു കളിലുള്ള കോൺടാക്ടുകൾ, തെരഞ്ഞെടുക്കുന്ന കോൺടാക്ടുകൾ എന്നിങ്ങനെയുള്ള ഓപ്ക്ഷനുകളും ഉണ്ടായിരിക്കും.എന്നാൽ നമ്പർ മാറ്റത്തെ കുറിച്ച് അംഗങ്ങളായ ഗ്രൂപ്പുകളിൽ ഓട്ടോമാറ്റിക്കായി തന്നെ വാട്സാപ്പ് അറിയിക്കും.

8)ഉചിതമായത് സെലക്ട് ചെയ്ത് Done എന്നതിൽ ക്ലിക്ക് ചെയ്യുക

9)അധികം വൈകാതെ തന്നെ ഒരു ആറ് അക്ക കോഡ് എസ്എംഎസ് മുഖേനയോ ഫോൺ മുഖേനയോ നിങ്ങളിൽ എത്തുന്നതോടെയാണ് നടപടി ക്രമം പൂർണ്ണമാവുക.

രജിസട്രേഷൻ പൂർത്തിയാൽ പഴയ ചാറ്റുകൾ നഷ്ടപ്പെടാതെ തന്നെ നിങ്ങൾക്ക് വാട്സാപ്പ് ഉപയോഗിക്കാം. അതേ സമയം നമ്പറിനൊപ്പം ഫോണും മാറ്റുകയാണെങ്കിൽ ഗൂഗിൾ ഡ്രൈവിലോ ഐ ക്ലൗഡിലോ ചാറ്റുകൾ ബാക്ക് അപ്പ് ചെയ്യേണ്ടതുണ്ട്. ഈ ബാക്ക് അപ്പ് റീസ്റ്റോർ ചെയ്താൽ പുതിയ ഫോണിലും പഴയ ചാറ്റുകൾ ലഭ്യമാകും

കൂടുതൽ വായിക്കുക: ഐ‌പി‌എൽ ലൈവ് എങ്ങനെ സൌജന്യമായി ഓൺ‌ലൈനിൽ കാണാം