ഫേസ് ബുക്കില്‍ ഷെയേര്‍ഡ് ഫോട്ടോ ആല്‍ബം എങ്ങനെ ഉണ്ടാക്കാം

Create Album

ഫേസ് ബുക്കില്‍ ലോഗ് ഇന്‍ ചെയ്തശേഷം പേജിന്റെ ഇടതുവശത്തു കാണുന്ന ഫോട്ടോസ് എന്ന ടാബില്‍ ക്ലിക് ചെയ്യുക. നിങ്ങളുടെ അതുവരെ പോസ്റ്റ്് ചെയ്ത ആല്‍ബങ്ങള്‍ തെളിഞ്ഞുവരും. മുകള്‍ ഭാഗത്തായി ക്രിയേറ്റ് ആല്‍ബം എന്നു കാണാം. അതില്‍ ക്ലിക് ചെയ്യുക.

Post Photos

തുടര്‍ന്ന് നിങ്ങള്‍ക്ക് ആവശ്യമുള്ള ഫോട്ടോ അപ്‌ലോഡ് ചെയ്യുക. ആല്‍ബം സംബന്ധിച്ച വിവരങ്ങള്‍ ഏഴുതാനുള്ള സ്ഥലത്ത് വേണമെങ്കില്‍ എന്തെങ്കിലും എഴുതാം. ഇനി പോസ്റ്റ്് ഫോട്ടോസ് എന്നത് ക്ലിക് ചെയ്യുക.

Make Shared Album

ഇപ്പോള്‍ തുറന്നു വരുന്ന പേജില്‍ ഇടതുവശത്ത് മുകള്‍ ഭാഗത്തായി മേക് ഷെയേര്‍ഡ് ആല്‍ബം എന്നു കാണാം. അതില്‍ ക്ലിക് ചെയ്യുക. നിങ്ങള്‍ക്ക് ആവശ്യമുള്ള ഫേസ് ബുക്ക് സുഹൃത്തുക്കളെ (പരമാവധി 50 പേര്‍) അതില്‍ 'കോണ്‍ട്രിബ്യൂട്ടേഴ്‌സ്' ആയി ചേര്‍ക്കാം. ഈ 50 പേര്‍ക്കും ആല്‍ബത്തില്‍ ഫോട്ടോ പങ്കുവയ്ക്കാന്‍ കഴിയും.

Privacy Settings

ഇനി ആല്‍ബത്തിന്റെ പ്രൈവസി സെറ്റിംഗ്‌സില്‍ മാറ്റം വരുത്തണം. സെറ്റിംഗ്‌സില്‍, പബ്ലിക്, ഫ്രണ്ടസ് ഓഫ് കോണ്‍ട്രിബ്യൂട്ടേഴ്‌സ്, കോണ്‍ട്രിബ്യൂട്ടേഴ്‌സ് ഓണ്‍ലി എന്നിങ്ങനെ മൂന്ന് വിഭാഗങ്ങള്‍ കാണാം. അതില്‍ ആവശ്യമുള്ളത് തെരഞ്ഞെടുക്കാം.

Deselect the blue check box

അതിനു തൊട്ടു മുകളിലായി കോണ്‍ട്രിബ്യൂട്ടേഴ്‌സ് കാന്‍ ആഡ് ദെയര്‍ ഫ്രണ്ട്‌സ് ആസ് കോണ്‍ട്രിബ്യൂട്ടേഴ്‌സ് എന്ന് കാണാം. അതിലെ ടിക് മാര്‍ക്ക് ഒഴിവാക്കിയാല്‍ നിങ്ങള്‍ക്കും നിങ്ങള്‍ തെരഞ്ഞെടുത്ത വ്യക്തികള്‍ക്കും മാത്രമെ ഫോട്ടോ പോസ്റ്റ് ചെയ്യാന്‍ കഴിയു.

Edit

പിന്നീടെപ്പോഴെങ്കിലും നിങ്ങള്‍ക്ക് ഷെയേഡ് ആല്‍ബത്തില്‍ മാറ്റം വരുത്തണമെങ്കില്‍ ആല്‍ബം തുറന്ന ശേഷം അതിലെ എഡിറ്റ് എന്ന ബട്ടന്‍ ക്ലിക് ചെയ്താല്‍ മതി.