WhatsApp Avatars | അവതാറുകളാകാൻ താത്പര്യമുണ്ടോ..? വാട്സ്ആപ്പിന്റെ ഈ അടിപൊളി ഫീച്ചർ ഉപയോഗിക്കാം

വാട്സ്ആപ്പ് അവതാർ തയ്യാറാക്കുന്നത് എങ്ങനെ?

വാട്സ്ആപ്പ് അവതാർ സജ്ജമാക്കുന്നതിന് മുമ്പ് ആപ്പിന്റെ ഏറ്റവും പുതിയ വേർഷനിലേക്ക് അപ്ഡേറ്റ് ചെയ്തിട്ടുണ്ടെന്ന് ഉറപ്പ് വരുത്തണം. ഐഫോൺ യൂസേഴ്സിന് ആപ്പ് സ്റ്റോറിൽ നിന്നും ആൻഡ്രോയിഡ് യൂസേഴ്സിന് ഗൂഗിൾ പ്ലേ സ്റ്റോറിൽ നിന്നും ഇത് ചെയ്യാവുന്നതാണ്. വാട്സ്ആപ്പ് അപ്ഡേറ്റ് ചെയ്ത് കഴിഞ്ഞെങ്കിൽ എങ്ങനെയാണ് വാട്സ്ആപ്പ് അവതാറുകൾ തയ്യാറാക്കുന്നതെന്ന് നോക്കാം.

• ആദ്യം നിങ്ങളുടെ ഫോണിൽ വാട്സ്ആപ്പ് ഓപ്പൺ ചെയ്യുക
• തുടർന്ന് ഹോം സ്ക്രീനിന്റെ മുകളിൽ വലത് വശത്തായി കാണുന്ന ത്രീ-ഡോട്ട് മെനുവിൽ (ഹാംബർഗർ ഐക്കൺ) ടാപ്പ് ചെയ്യുക
• ഓപ്പൺ ആകുന്ന ഓപ്ഷനുകളിൽ സെറ്റിങ്സ് ഓപ്ഷനിൽ ടാപ്പ് ചെയ്യുക
• ശേഷം അടുത്ത പേജിൽ നിന്നും അവതാർസ് ഓപ്ഷൻ സെലക്റ്റ് ചെയ്യണം



ആദ്യമായി ഈ ഓപ്ഷൻ ആക്സസ് ചെയ്യുന്നവർ അവതാർ ക്രിയേഷൻ പ്രോസസിലൂടെ കടന്ന് പോകണം. മിക്കവാറും എല്ലാവരും ആദ്യമായി ഈ ഫീച്ചർ ആക്സസ് ചെയ്യുന്നവർ ആയിരിക്കും. അതിനാൽ തന്നെ പ്രോസസസും സമാനമായിരിക്കും. എങ്ങനെയാണ് വാട്സ്ആപ്പ് അവതാർ സൃഷ്ടിക്കുക എന്നതടക്കമുള്ള കാര്യങ്ങൾ യൂസേഴ്സിന് ഇതിലൂടെ മനസിലാക്കാൻ കഴിയും. ഈ സ്റ്റെപ്പുകൾ മനസിലാക്കാൻ തുടർന്ന് വായിക്കുക.



• ആദ്യം ക്രിയേറ്റ് യുവർ അവതാർ ഓപ്ഷനിൽ ടാപ്പ് ചെയ്യുക
• തുടർന്ന് വരുന്ന പേജിൽ കാണാൻ കഴിയുന്ന ഗെറ്റ് സ്റ്റാർട്ടഡ് ഓപ്ഷൻ ബട്ടണിൽ ടാപ്പ് ചെയ്യുക
• കസ്റ്റമൈസ് ചെയ്യുന്നതിനായി ഒന്നിൽ കൂടുതൽ ഓപ്ഷനുകൾ കാണാൻ സാധിക്കും
• ഫേഷ്യൽ ഫീച്ചറുകളും മറ്റും നിങ്ങളുടെ ആവശ്യാനുസരണം സെലക്റ്റ് ചെയ്യാൻ കഴിയും



കസ്റ്റമൈസ് ചെയ്യാനുള്ള ഓപ്ഷനുകളിൽ ഹെയർസ്റ്റൈൽ, പുരികങ്ങൾ, മുഖത്തിന്റെ ഘടന, അവതാറിന് ലഭിക്കുന്ന ആക്സസറികൾ എന്നിവ സെലക്റ്റ് ചെയ്യാൻ സാധിക്കും. നിങ്ങളുടെ താത്പര്യ പ്രകാരം ഇതൊക്കെ സെലക്റ്റ് ചെയ്യുക. ഒരു തവണ അവതാർ സെലക്റ്റ് ചെയ്ത് കഴിഞ്ഞാൽ എപ്പോൾ വേണമെങ്കിലും മാറ്റങ്ങൾ വരുത്താം. അതിനാൽ ഇപ്പോൾ സെലക്റ്റ് ചെയ്ത് അധികം സമയം കളയണ്ട കാര്യമില്ല.


• അവതാറിന്റെ രൂപത്തിൽ തത്കാലം ആവശ്യമായ ഫീച്ചറുകൾ ആഡ് ചെയ്ത ശേഷം സേവ് ചെയ്യുക.

ഇത്രയും ചെയ്ത് കഴിഞ്ഞാൽ നിങ്ങളുടെ അവതാർ സേവ് ആകും. അവതാർ സേവ് ചെയ്ത് കഴിഞ്ഞാൽ വാട്സ്ആപ്പ് അവതാർ പേജിലേക്ക് പോകും. ( വാട്സ്ആപ്പ് സെറ്റിങ്സിൽ നിന്നും അവതാർ പേജ് ആക്സസ് ചെയ്യാൻ കഴിയും ). ഇവിടെ നിങ്ങൾക്ക് രണ്ട് ഓപ്ഷൻസ് കാണാൻ സാധിക്കും.

1, ബ്രൌസ് സ്റ്റിക്കേഴ്സ്
2, ക്രിയേറ്റ് പ്രൊഫൈൽ ഫോട്ടോ



യൂസറിന് അവർ സൃഷ്ടിച്ച അവതാറിന് ചേരുന്ന എല്ലാ സ്റ്റിക്കറുകളും പ്രിവ്യൂ ചെയ്യാൻ കഴിയും. അവതാർ എഡിറ്റ് ചെയ്യാനും ഇവിടെ ഓപ്ഷൻ ലഭ്യമാണ്. അവതാർ നിങ്ങളുടെ പ്രൊഫൈൽ ഫോട്ടോ ആക്കാനുള്ള ഓപ്ഷനാണ് അടുത്തത്. ആവശ്യാനുസരണം ഈ രണ്ട് ഫീച്ചറുകളും യൂസേഴ്സിന് ഉപയോഗിക്കാവുന്നതാണ്. ഒപ്പം അവതാർ ഡീലീറ്റ് ചെയ്യാനുള്ള ഓപ്ഷനും ഇവിടെ യൂസേഴ്സിന് ലഭ്യമാണ്.



അവതാർ സ്റ്റിക്കറുകൾ മറ്റുള്ളവർക്ക് അയയ്ക്കുന്നത് എങ്ങനെ?

നേരത്തെ കണ്ട ഓപ്ഷനുകളിൽ നിന്ന് നിങ്ങൾക്ക് അവതാർ സ്റ്റിക്കറുകൾ കണ്ടെത്താമെന്ന് മനസിലായല്ലോ. ഇവ മറ്റുള്ളവർക്ക് അയയ്ക്കാൻ ആദ്യം എതെങ്കിലുമൊരു ചാറ്റിലേക്ക് പോകാം. വാട്സ്ആപ്പ് ഇമോജി ബട്ടൺ സെലക്റ്റ് ചെയ്ത് ഏറ്റവും വലത്തേ അറ്റത്തുള്ള അവതാർ സ്റ്റിക്കർ ടാബിലേക്ക് പോകുക. ലഭ്യമായ ഏല്ലാ സ്റ്റിക്കറുകളുടെയും ലിസ്റ്റ് നിങ്ങൾക്ക് ഇവിടെ കാണാൻ കഴിയും. ആവശ്യാനുസരണം സ്റ്റിക്കറിൽ ടാപ്പ് ചെയ്ത് സെൻഡ് ചെയ്യാം.