അ‌ങ്ങനെ എൽഐസിയും വാട്സ്ആപ്പിലായി; പ്രീമിയം ഡ്യൂവും പോളിസിസ്റ്റാറ്റസുമെല്ലാം എളുപ്പത്തിൽ അ‌റിയാനുള്ള വഴിയിതാ

എന്നാൽ ഈ പതിവ്​ശൈലിയിൽനിന്ന് മാറി ടെക്നോളജിയുമായി ​കൈകോർത്ത് മുന്നോട്ടുപോകാൻ ഒടുവിൽ എൽഐസിയും നിർബന്ധിതരായിരിക്കുകയാണ്. ഇന്ത്യയിൽ ഇന്ന് എന്തിനും ഏതിനും ആളുകൾക്ക് വാട്സ്ആപ്പ് മതി. ഏതുകാര്യവും വാട്സ്ആപ്പിലൂടെ സാധിക്കുമോ എന്നാണ് പലരും ഇപ്പോൾ ആദ്യം ആലോചിക്കുന്നത്. ആളുകളുടെ ഈ ജനപ്രീതി മുതലെടുത്ത് വാട്സ്ആപ്പും നിരവധി ഫീച്ചറുകൾ അ‌വതരിപ്പിച്ച് ജനങ്ങളുടെ ഈ വിശ്വാസം കാത്തുപോരുന്നു.

ബാങ്കിങ് ഉൾപ്പെടെയുള്ള കാര്യങ്ങൾ ഏറെ എളുപ്പത്തിൽ നിർവഹിക്കാൻ വാട്സ്ആപ്പ് ഇന്ന് സഹായകമാണ്. ഇത് കൂടാതെ ​ഒട്ടനേകം സേവനങ്ങളും വാട്സ്ആപ്പ് നൽകുന്നുണ്ട്. ഇക്കൂട്ടത്തിലേക്ക് എൽഐസി സേവനങ്ങളും ഇടംപിടിച്ചിരിക്കുന്ന എന്നതാണ് ഏറ്റവും പുതിയവാർത്ത. എൽഐസി തന്നെയാണ് തങ്ങളുടെ വിവിധ സേവനങ്ങൾ ഇനി വാട്സ്ആപ്പിലൂടെയും ഉപയോക്താക്കൾക്ക് ആസ്വദിക്കാൻ സാധിക്കും എന്ന വിവരം കഴിഞ്ഞ ദിവസം പുറത്തുവിട്ടത്.

കൈയിലുള്ളത് ഐഫോണാണോ​? പിന്നിലുള്ള ആപ്പിൾ ലോഗോ ഒന്ന് ചുരണ്ടിനോക്കൂ, 'വിവര'മറിയും!

 

ലക്ഷക്കണക്കിനുള്ള ഉപയോക്താക്കളുടെ നിരന്തര അ‌ഭ്യർഥനകളെ തുടർന്നാണ് എൽഐസി ഈ പുതിയ മാറ്റത്തിന് തയാറെടുത്തിരിക്കുന്നത് എന്നാണ് വിവരം. ഈ മേഖലയിലെ മൽസരം വർധിച്ചതും കാലത്തിനൊത്ത് കോലം മാറാൻ എൽഐസിയെ നിർബന്ധിതമാക്കി എന്നുവേണം കരുതാൻ. എല്‍ഐസി പോര്‍ട്ടലില്‍ രജിസ്റ്റര്‍ ചെയ്തിട്ടുള്ള പോളിസി ഉടമകള്‍ക്ക് വീട്ടിലിരുന്ന് തന്നെ വാട്സ്ആപ്പിലൂടെ എൽഐസി സേവനങ്ങൾ ആക്സസ് ചെയ്യാൻ സാധിക്കും എന്നതാണ് പുതിയ മാറ്റം.

എൽഐസി ഓൺലൈൻ പോർട്ടലിൽ പോളിസികൾ രജിസ്റ്റർ ചെയ്തിട്ടുള്ളവർ പോർട്ടലിൽ രജിസ്റ്റർ ചെയ്തിരിക്കുന്ന മൊ​ബൈൽ നമ്പറിലെ വാട്‌സ്ആപ്പിൽ നിന്ന് 'Hi' എന്ന് 897686290 എന്ന നമ്പറിലേക്ക് മെസേജ് അയയ്ക്കണം. ഈ ഘട്ടത്തിൽ വാട്‌സ്ആപ്പ് വഴി ലഭ്യമായ എൽഐസി സേവനങ്ങളുടെ പട്ടിക ലഭിക്കും. ഇതിൽനിന്ന് ആവശ്യമായ സേവനം തെരഞ്ഞെടുക്കാം. വാട്സ്ആപ്പിലൂടെ ലഭ്യമാകുന്ന സേവനങ്ങളുടെ പട്ടികയും എൽഐസി പുറത്തുവിട്ടിട്ടുണ്ട്. അ‌വ എന്തൊക്കെയെന്ന് അ‌റിയാം.

സർവപ്രപഞ്ചത്തിലും സൃഷ്ടിയിലും മനോഹരമായെന്തുണ്ട്..? നക്ഷത്രങ്ങളുടെ ഗർഭഗൃഹത്തിന്റെ മോഹിപ്പിക്കുന്ന ദൃശ്യങ്ങൾ

വാട്സ്ആപ്പിലൂടെ ലഭ്യമാകുന്ന എൽഐസി സേവനങ്ങളുടെ പട്ടിക

ഠ പ്രീമിയം ഡ്യൂ
ഠ ബോണസ് വിവരങ്ങള്‍
ഠ പോളിസി സ്റ്റാറ്റസ്
ഠ ലോണ്‍ എലിജിബിലിറ്റി ക്വട്ടേഷന്‍
ഠ ലോണ്‍ റീപേയ്‌മെന്റ് ക്വട്ടേഷന്‍
ഠ ലോണ്‍ ഇന്ററസ്റ്റ് ഡ്യൂ
ഠ പ്രീമിയം പെയ്ഡ് സര്‍ട്ടിഫിക്കറ്റ്
ഠ യുഎല്‍ഐപി പോളിസികള്‍
ഠ എല്‍ഐസി സര്‍വീസസ് ലിങ്കുകള്‍
ഠ ഓപ്ഷന്‍ ഇന്‍/ ഓപ്ഷന്‍ ഔട്ട് സേവനങ്ങള്‍
ഠ എന്‍ഡ് കോണ്‍വര്‍സേഷന്‍

വാട്സ്ആപ്പ് വഴി എൽഐസി സേവനങ്ങൾ ലഭ്യമാകണമെങ്കിൽ എൽഐസി പോർട്ടലിൽ രജിസ്റ്റർ ചെയ്തിരിക്കണം. നിങ്ങൾ എൽഐസി പോർട്ടലിൽ പോളിസി രജിസ്റ്റർ ചെയ്തിട്ടില്ല എങ്കിൽ ഓൺ​ലൈനായി സ്വയം രജിസ്റ്റർ ചെയ്യാവുന്നതാണ്. പക്ഷേ രജിസ്റ്റര്‍ ചെയ്യുന്നതിനായി പോളിസി നമ്പര്‍, ഈ പോളിസികള്‍ക്കുള്ള ഇന്‍സ്റ്റാള്‍മെന്റ് പ്രീമിയങ്ങള്‍, ഒരു പാസ്പോര്‍ട്ടിന്റെയോ പാന്‍ കാര്‍ഡിന്റെയോ സ്‌കാന്‍ ചെയ്ത കോപ്പി ( 100 KBയില്‍ താഴെ വലുപ്പം) എന്നിവ ഉണ്ടായിരിക്കണം. ഈ രേഖകൾ ഉണ്ടെങ്കിൽ മാത്രമേ രജിസ്ട്രേഷൻ നടക്കൂ. കൂടാതെ എല്‍ഐസി പോര്‍ട്ടലില്‍ രജിസ്റ്റര്‍ ചെയ്യുമ്പോള്‍ നിങ്ങളുടെ ജനന തീയതി, ഫോണ്‍ നമ്പര്‍, ഇമെയില്‍ വിലാസം തുടങ്ങിയ വിവരങ്ങളും നല്‍കണം.

കണ്ടും മിണ്ടിയുമിരിക്കെ ഇനി മറ്റു കാര്യങ്ങളും നടക്കും; പുത്തൻ ഫീച്ചറുമായി വാട്സ്ആപ്പ്

എൽഐസി പോർട്ടലിൽ രജിസ്റ്റർ ചെയ്യാനുള്ള ഘട്ടങ്ങൾ:

ഠ www.licindia.in ലിങ്കിൽ കയറിയ ശേഷം കസ്റ്റമർ പോർട്ടൽ ഓപ്ഷനിൽ ക്ലിക്ക് ചെയ്യുക.
ഠ കസ്റ്റമർ പോർട്ടലിൽ രജിസ്റ്റർ ചെയ്തിട്ടില്ലാത്തവർ 'New user' എന്ന ഓപ്ഷൻ തെരഞ്ഞെടുക്കുക.
ഠ തുടർന്ന് യൂസര്‍ ഐഡിയും പാസ്വേഡും ഉണ്ടാക്കി Submit ചെയ്യണം.
ഠ തുടർന്ന് പോർട്ടലിലെ 'e-Services' ടാബിൽ ക്ലിക്ക് ചെയ്യുക. യൂസര്‍ ഐഡി ഉപയോഗിച്ച് ലോഗിൻ ചെയ്യുക. ലഭിക്കുന്ന ഫോം പൂരിപ്പിച്ച് ഇ-സേവനങ്ങൾ ഉപയോഗിക്കാൻ അനുമതി നേടുക.

ഠ ഫോം പ്രിന്റെടുത്ത് ഒപ്പിട്ട് സ്‌കാൻ ചെയ്ത ചിത്രം അപ്ലോഡ് ചെയ്യുക.
ഠ ആധാർ കാർഡിന്റെയോ പാസ്പോർട്ടിന്റെയോ പാൻ കാർഡിന്റെയോ സ്‌കാൻ ചെയ്ത ചിത്രം അപ്ലോഡ് ചെയ്യുക.
ഠ വിവരങ്ങളുടെ പരിശോധനയ്ക്ക് ശേഷം അക്‌നോളജ്‌മെന്റ് ഇ- മെയിലും എസ്എംഎസായും ലഭിക്കും. ഇതോടെ നിങ്ങൾക്ക് ഇ- സേവനങ്ങൾ ലഭ്യമാകും.
ഠ തുടർന്ന് വീണ്ടും ലോഗിൻ ചെയ്ത് Basic Services ഓപ്ഷനിൽ നിന്ന് Add Policy തെരഞ്ഞെടുക്കുക.
ഠ ശേഷം എല്ലാ പോളിസികളും എൻറോൾ ചെയ്യുക.

ആരാധകരേ.., അതിവേഗ ചാർജിങ്ങിന്റെ തമ്പുരാൻ വരുന്നു; Realme GT Neo 5 ഇറക്കി ഞെട്ടിക്കാൻ കമ്പനി