വാട്ട്‌സ്ആപ്പ് വഴി കോവിഡ്-19 വാക്‌സിൻ സർട്ടിഫിക്കറ്റ് എങ്ങനെ ഡൗൺലോഡ് ചെയ്യാം?

കൊറോണ വൈറസ് രാജ്യത്ത് വ്യാപകമായപ്പോൾ കഴിഞ്ഞ വർഷം ആദ്യം ഇന്ത്യൻ സർക്കാർ പ്രഖ്യാപിച്ച മൈഗോവ് കൊറോണ ഹെൽപ്പ് ഡെസ്ക് വാട്ട്‌സ്ആപ്പ് ചാറ്റ്ബോട്ട് നിങ്ങൾക്ക് ഇപ്പോൾ ഡൗൺലോഡ് ചെയ്യാം. വാട്ട്സ്ആപ്പ് വഴി കോവിഡ്-19 വാക്‌സിൻ സർട്ടിഫിക്കറ്റ് എങ്ങനെ ഡൗൺലോഡ് ചെയ്യാമെന്നതിനെക്കുറിച്ചുള്ള കാര്യങ്ങൾ നമുക്ക് ഇവിടെ വിശദമായി പരിശോധിക്കാം.

വാട്ട്‌സ്ആപ്പ് വഴി കോവിഡ്-19 വാക്‌സിൻ സർട്ടിഫിക്കറ്റ് എങ്ങനെ ഡൗൺലോഡ് ചെയ്യാം?

• നിങ്ങളുടെ സ്മാർട്ട്‌ഫോണിൽ മൈഗോവ് കൊറോണ ഹെൽപ് ഡെസ്ക് വാട്ട്‌സ്ആപ്പ് നമ്പർ സേവ് ചെയ്യുക. ഫോൺ നമ്പർ: +91 9013151515.
• നമ്പർ സേവ് ചെയ്‌ത്‌ കഴിഞ്ഞാൽ നിങ്ങളുടെ വാട്ട്സ്ആപ്പ് അക്കൗണ്ട് തുറക്കുക.
• ഈ കോൺടാക്റ്റ് നിങ്ങളുടെ കോൺടാക്റ്റ് ലിസ്റ്റിൽ തിരയുക.
• ആ ചാറ്റ് തുറക്കുക.
• നൽകിയിട്ടുള്ള സ്പേസിൽ 'Download Certificate' എന്ന് ടൈപ്പ് ചെയ്യുക.
• വാട്ട്‌സ്ആപ്പ് ചാറ്റ്ബോട്ട് നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് ആറ് അക്കമുള്ള ഓടിപി അയയ്ക്കും.
• ആ ഓടിപി നമ്പർ പരിശോധിച്ച് അത് കൊടുക്കുക.
• ചാറ്റ്ബോട്ട് നിങ്ങളുടെ കോവിഡ്-19 വാക്‌സിനേഷൻ സർട്ടിഫിക്കറ്റ് വാട്ട്‌സ്ആപ്പിൽ അയയ്ക്കും, നിങ്ങൾക്ക് ഈ സർട്ടിഫിക്കറ്റ് ഡൗൺലോഡ് ചെയ്ത് സൂക്ഷിക്കാവുന്നതാണ്.



നിങ്ങൾ കോവിഡ്-19 വാക്‌സിൻ സർട്ടിഫിക്കറ്റ് ഡൗൺലോഡ് ചെയ്യുമ്പോൾ ചാറ്റ്ബോട്ട് "സെർവർ" പ്രശ്നങ്ങൾ കാണിക്കുന്നുണ്ടെങ്കിൽ 3-4 തവണ ശ്രമിക്കുമ്പോൾ തന്നെ നമുക്ക് കോവിഡ്-19 വാക്‌സിൻ സർട്ടിഫിക്കറ്റ് ഡൗൺലോഡ് ചെയ്യുവാൻ സാധിക്കുന്നതാണ്. എന്നിട്ടും, വാട്ട്‌സ്ആപ്പ് ചാറ്റ്ബോട്ട് സെർവർ പ്രശ്‌നം കാണിക്കുന്നുവെങ്കിൽ നിങ്ങൾക്ക് ഔദ്യോഗിക കോവിൻ പോർട്ടലിലേക്ക് പോകാം അല്ലെങ്കിൽ കോവിഡ് വാക്‌സിൻ സർട്ടിഫിക്കറ്റ് ഡൗൺലോഡ് ചെയ്യാൻ ആരോഗ്യ സേതു ഇൻസ്റ്റാൾ ചെയ്യുക.



നിങ്ങളുടെ കോവിഡ്-19 വാക്‌സിൻ സർട്ടിഫിക്കറ്റിലെ പിശക് പരിഹരിക്കുവാൻ ഈ 5 ലളിതമായ വഴികൾ പിന്തുടരുക.

• 1: കോവിൻ വെബ്‌സൈറ്റിലേക്ക് പോയി ലോഗിൻ ചെയ്യുന്നതിനായി നിങ്ങളുടെ രജിസ്റ്റർ ചെയ്ത മൊബൈൽ നമ്പറും ഇൻപുട്ട് ഒടിപിയും ഉപയോഗിച്ച് ലോഗിൻ ചെയ്യുക.
• 2: അക്കൗണ്ട് വിഭാഗത്തിലേക്ക് പോയി "റൈസ് എ റിക്വസ്റ്റ്" ക്ലിക്കുചെയ്യുക
• 3: അതിനുശേഷം നിങ്ങൾ ഒരു അംഗത്തിൻറെ പേര് തിരഞ്ഞെടുക്കേണ്ടതുണ്ട്. ഒരു മൊബൈൽ നമ്പർ ഉപയോഗിച്ച് നിങ്ങൾക്ക് നാല് അംഗങ്ങളെ വരെ ചേർക്കാൻ കഴിയും.
• 4: അടുത്തതായി സർട്ടിഫിക്കറ്റ് ഓപ്ഷനിലെ "കറക്ഷൻ" ക്ലിക്ക് ചെയ്യുക.
• 5: പേര്, ജനന വർഷം, ലിംഗഭേദം എന്നിവയിൽ നിന്ന് നിങ്ങൾ ശരിയാക്കാൻ ആഗ്രഹിക്കുന്ന വിഭാഗം തിരഞ്ഞെടുക്കുക. ശരിയായ വിശദാംശങ്ങൾ നൽകി റിക്വസ്റ്റ് രജിസ്റ്റർ ചെയ്യുന്നതിനായി ക്ലിക്ക് ചെയ്യുക.