എങ്ങനെ നിങ്ങളുടെ കമ്പ്യൂട്ടറില്‍ നിന്നും ആന്‍ഡ്രോയ്ഡ് ഫോണിലേയ്ക്ക് ആപ്ലിക്കേഷനുകള്‍ ഇന്‍സ്റ്റാള്‍ ചെയ്യാം?

Posted By: Staff

എങ്ങനെ നിങ്ങളുടെ കമ്പ്യൂട്ടറില്‍ നിന്നും ആന്‍ഡ്രോയ്ഡ് ഫോണിലേയ്ക്ക് ആപ്ലിക്കേഷനുകള്‍ ഇന്‍സ്റ്റാള്‍ ചെയ്യാം?

ഗൂഗിളിന്റെ ആന്‍ഡ്രോയ്ഡ് മൊബൈല്‍ ഓ എസ്, ആയിരക്കണക്കിന് ഓപ്പണ്‍ സോഴ്‌സ്, തേഡ് പാര്‍ട്ടി ആപ്ലിക്കേഷനുകള്‍ സപ്പോര്‍ട്ട് ചെയ്യുന്ന ഒന്നാണ്. സാധാരണ ഈ ആപ്ലിക്കേഷനുകള്‍ ആന്‍ഡ്രോയ്ഡ് ഫോണ്‍ വഴി നേരിട്ട് ഡൗണ്‍ലോഡ് ചെയ്‌തെടുക്കാറാണ് പതിവ്. എന്നാല്‍ കമ്പ്യൂട്ടര്‍ ഉപയോഗിച്ചും നമുക്ക് ആന്‍ഡ്രോയ്ഡ്  ഫോണില്‍ ആപ്ലിക്കേഷനുകള്‍ ഇന്‍സ്റ്റാള്‍ ചെയ്യാന്‍ സാധ്യമാണ്. വളരെ ലളിതമാണീ രീതി.

  • ഫോണിന്റെ യു എസ് ബി കേബിള്‍ ഉപയോഗിച്ച് കമ്പ്യൂട്ടറുമായി ഘടിപ്പിയ്ക്കുക.
  • മൈ കമ്പ്യൂട്ടര്‍ തുറന്ന് റിമൂവബിള്‍ ഡിസ്‌ക്കില്‍ റൈറ്റ് ക്ലിക്ക് ചെയ്യുക.അതാണ് നിങ്ങളുടെ ആന്‍ഡ്രോയ്ഡ് ഉപകരണത്തെ സൂചിപ്പിയ്ക്കുന്നത്. വരുന്ന ഓപ്ഷനുകളില്‍ നിന്ന് ക്രിയേറ്റ് തിരഞ്ഞെടുക്കുക. അതില്‍ നിന്ന് ന്യൂ ഫോള്‍ഡറില്‍ ക്ലിക്ക് ചെയ്യുക.

  • വരുന്ന ഫോള്‍ഡറിന് 'NewApps' എന്ന് പേര് നല്‍കുക.

  • നിങ്ങളുടെ ആന്‍ഡ്രോയ്ഡ് ഫോണിലേയ്ക്ക് ഇന്‍സ്റ്റാള്‍ ചെയ്യാന്‍ ആഗ്രഹിയ്ക്കുന്ന APK ഫയലുകള്‍ സെലക്ട് ചെയ്ത് കോപ്പി ചെയ്യുക. ( Ctrl+C)

  •  ആന്‍ഡ്രോയ്ഡ് ഫോണില്‍ ഉണ്ടാക്കിയ ഫോള്‍ഡറില്‍ റൈറ്റ് ക്ലിക്ക് ചെയ്ത് പേസ്റ്റ് തിരഞ്ഞടുക്കുക.

  • ഫോണ്‍ കമ്പ്യൂട്ടറില്‍ നിന്ന് വേര്‍പെടുത്തുക. ശേഷം ഫോണിലെ ഡയറക്ടറി ഫോള്‍ഡറില്‍ നിന്ന്  'NewApps' തുറക്കുക. അതിലെ ആപ്ലിക്കേഷന്‍ ഫയലില്‍ ക്ലിക്ക് ചെയ്യുക. ഇന്‍സ്റ്റാള്‍ തിരഞ്ഞെടുക്കുക. കഴിഞ്ഞു.

Please Wait while comments are loading...

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot