നോ..നോ..യൂ ആർ ദ ലിങ്ക് ഓഫ് ദ ലിങ്ക്! സിമ്പിൾ ആയി ആധാർ-പാൻ ലൈവ് സ്റ്റാറ്റസ് ചെക്ക് ചെയ്യാം

പെർമനെന്റ് അക്കൗണ്ട് നമ്പർ (പാൻ) എന്നത് ഇന്ത്യയിലെ ആദായ നികുതി വകുപ്പ് നൽകുന്ന വ്യതിരിക്തമായ പത്തക്ക ആൽഫാന്യൂമെറിക് കോഡാണ്. ലാമിനേറ്റഡ് പ്ലാസ്റ്റിക് കാർഡിൽ അവതരിപ്പിച്ചിരിക്കുന്ന ഈ ഐഡൻ്റിഫയർ, ഇന്ത്യയിലെ വ്യക്തികൾക്കും സ്ഥാപനങ്ങൾക്കും, പ്രധാനമായും നികുതിയുമായി ബന്ധപ്പെട്ട പ്രവർത്തനങ്ങൾക്ക് ഒരു തനതായ ഐഡിയായി പ്രവർത്തിക്കുന്നു. ആദായ നികുതി റിട്ടേണുകൾ ഫയൽ ചെയ്യുന്നതിനും ഉയർന്ന മൂല്യമുള്ള ഇടപാടുകൾ നടത്തുന്നതിനും നികുതിദായകരും ആദായ നികുതി വകുപ്പും തമ്മിലുള്ള ആശയവിനിമയം നിലനിർത്തുന്നതിനും ഈ ഐഡൻ്റിഫയർ നിർണായകമാണ്.

ഒരു വ്യക്തിയുടെയോ സ്ഥാപനത്തിൻ്റെയോ എല്ലാ സാമ്പത്തിക ഇടപാടുകളും അവരുടെ പാൻ നമ്പറുമായി ബന്ധിപ്പിച്ച് നികുതി വെട്ടിപ്പ് നിരീക്ഷിക്കുന്നതിനും തടയുന്നതിനും പാൻ സഹായിക്കുന്നു. 2017ലെ ധനകാര്യ നിയമം 1961ലെ ആദായനികുതി നിയമത്തിൽ സെക്ഷൻ 139AA അവതരിപ്പിച്ചു. ആധാറിന് അർഹരായ വ്യക്തികൾ പാൻ അപേക്ഷിക്കുമ്പോഴോ ആദായനികുതി റിട്ടേൺ ഫയൽ ചെയ്യുമ്പോഴോ അവരുടെ ആധാർ നമ്പർ നിർബന്ധമായും നൽകണം. ഇത് ജൂലൈ 1, 2017 മുതൽ പ്രാബല്യത്തിൽ വന്നിരുന്നു.

കൂടാതെ, പാനിൻ്റെ ആധികാരികതയും വ്യക്തികൾക്ക് ഒന്നിലധികം പാനുകൾ ഉണ്ടാകാനുള്ള സാധ്യതയും കുറയ്ക്കുന്നു. പാൻ ആധാർ കാർഡ് ലിങ്ക് ചെയ്തതിന് ശേഷം അവയുടെ സ്റ്റാറ്റസ് പരിശോധിക്കുന്നത് എങ്ങനെ എന്ന് പലർക്കും അറിയില്ല. ഇൻകം ടാക്സ് പോർട്ടലിൽ ലോഗിൻ ചെയ്യാതെ തന്നെ ഇത് പരിശോധിക്കാനുള്ള വഴികൾ ഉണ്ട്.

ആദായ നികുതി ഇ-ഫയലിംഗ് പോർട്ടൽ സന്ദർശിച്ചതിന് ശേഷം 'ക്വിക്ക് ലിങ്കുകൾ' വിഭാഗത്തിലെ ലിങ്ക് ആധാർ സ്റ്റാറ്റസ് തിരഞ്ഞെടുക്കുക. അവിടെ നിങ്ങളുടെ പാൻ നമ്പറും ആധാർ നമ്പറും നൽകുക. തുടർന്ന് View Link Aadhaar Status എന്ന ബട്ടൺ ക്ലിക്ക് ചെയ്യുക. വിജയകരമായ വാലിഡേഷന് ശേഷം, നിങ്ങളുടെ ആധാർ-പാൻ ലിങ്കിംഗിൻ്റെ അവസ്ഥ സൂചിപ്പിക്കുന്ന ഒരു സന്ദേശം നിങ്ങൾക്ക് ലഭിക്കും.

നിങ്ങളുടെ ആധാർ നിങ്ങളുടെ പാൻ കാർഡുമായി ലിങ്ക് ചെയ്‌തിട്ടുണ്ടെങ്കിൽ, നിങ്ങളുടെ പാൻ ഇതിനകം തന്നിരിക്കുന്ന ആധാറുമായി ലിങ്ക് ചെയ്തിട്ടുണ്ട് എന്ന് കാണുവാൻ സാധിക്കും. ആധാർ-പാൻ ലിങ്കിംഗ് പുരോഗമിക്കുകയാണെങ്കിൽ, നിങ്ങളുടെ ആധാർ-പാൻ ലിങ്കിംഗ് അഭ്യർത്ഥന സാധൂകരണത്തിനായി UIDAI-ലേക്ക് അയച്ചു. ഹോം പേജിലെ 'ലിങ്ക് ആധാർ സ്റ്റാറ്റസ്' എന്ന ലിങ്കിൽ ക്ലിക്ക് ചെയ്ത് സ്റ്റാറ്റസ് പിന്നീട് പരിശോധിക്കുക എന്നാകും സന്ദേശം വരുക.

നിങ്ങളുടെ ആധാർ നിങ്ങളുടെ പാൻ കാർഡുമായി ലിങ്ക് ചെയ്‌തിട്ടില്ലെങ്കിൽ, പാൻ ആധാറുമായി ലിങ്ക് ചെയ്‌തിട്ടില്ല. നിങ്ങളുടെ ആധാറും പാനും ലിങ്ക് ചെയ്യാൻ 'ലിങ്ക് ആധാർ' ക്ലിക്ക് ചെയ്യുക എന്നാകും സന്ദേശം സൂചിപ്പിക്കുക. ഇ-ഫയലിംഗ് പോർട്ടലിനെക്കാൾ ഇൻകം ടാക്സ് പോർട്ടൽ സൗകര്യപ്രദം എന്ന് തോന്നുണ്ടെങ്കിൽ ഇൻകം ടാക്സ് പോർട്ടലിൽ ലോഗിൻ ചെയ്തുകൊണ്ട് പാൻ ആധാർ കാർഡ് ലിങ്ക് സ്റ്റാറ്റസ് എങ്ങനെ പരിശോധിക്കാം എന്ന് നോക്കാം.

ഇൻകം ടാക്സ് പോർട്ടലിൽ ലോഗിൻ ചെയ്തതിന് ശേഷം ആദായ നികുതി ഇ-ഫയലിംഗ് പോർട്ടലിൽ സൈൻ ഇൻ ചെയ്യുക. ഹോം പേജിലെ 'ഡാഷ്ബോർഡിലേക്ക്' നാവിഗേറ്റ് ചെയ്ത് 'ലിങ്ക് ആധാർ സ്റ്റാറ്റസ്' ഓപ്ഷൻ തിരഞ്ഞെടുക്കുക. പകരമായി, നിങ്ങൾക്ക് 'My Profile' ഓപ്‌ഷൻ തിരഞ്ഞെടുത്തത് 'ലിങ്ക് ആധാർ സ്റ്റാറ്റസ്' ഓപ്ഷനിൽ ക്ലിക്ക് ചെയ്യാം. നിങ്ങളുടെ ആധാർ നിങ്ങളുടെ പാൻ കാർഡുമായി ലിങ്ക് ചെയ്തിട്ടുണ്ടെങ്കിൽ, നിങ്ങളുടെ ആധാർ നമ്പർ ദൃശ്യമാകും.

നിങ്ങളുടെ ആധാർ നിങ്ങളുടെ പാൻ കാർഡുമായി ബന്ധിപ്പിച്ചിട്ടില്ലെങ്കിൽ, 'ലിങ്ക് ആധാർ സ്റ്റാറ്റസ്' എന്ന സന്ദേശം നിങ്ങൾ കാണും. നിങ്ങളുടെ പാൻ കാർഡുമായി ആധാർ ലിങ്ക് ചെയ്യാനുള്ള നിങ്ങളുടെ അഭ്യർത്ഥന യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) മൂല്യനിർണ്ണയത്തിനായി തീർപ്പുകൽപ്പിക്കാതെ കിടക്കുന്നുണ്ടെങ്കിൽ, നിങ്ങൾ പിന്നീട് സ്റ്റാറ്റസ് പരിശോധിക്കേണ്ടതുണ്ട്. അതായത് അത് പ്രോസസ്സിംഗ് ആണെന്ന് ആണ് അർത്ഥം.

നേരിട്ടുള്ള ലിങ്കിൽ നിന്ന് നിങ്ങളുടെ പാൻ ആധാർ ലിങ്കിംഗിൻ്റെ നില പരിശോധിക്കാൻ, https://eportal.incometax.gov.in/iec/foservices/#/pre-login/link-aadhaar-status സന്ദർശിക്കുക. നിങ്ങളുടെ പാൻ, ആധാർ നമ്പറുകൾ നൽകുക. തുടർന്ന് 'വ്യൂ ലിങ്ക് ആധാർ സ്റ്റാറ്റസ്' എന്നതിൽ ക്ലിക്ക് ചെയ്യുക. നിങ്ങളുടെ പാൻ-ആധാർ ലിങ്കിംഗിൻ്റെ സ്റ്റാറ്റസ് സ്ക്രീനിൽ പ്രദർശിപ്പിക്കും.

SMS വഴി പാൻ ആധാർ കാർഡ് ലിങ്ക് നില പരിശോധികാനായി ഇനി പറയുന്ന ഫോർമാറ്റിൽ ഒരു SMS അയക്കുക. UIDPAN . ഈ ഫോർമാറ്റിൽ '567678' അല്ലെങ്കിൽ '56161' എന്നതിലേക്ക് SMS അയയ്‌ക്കുക. ശേഷം പ്രതികരണത്തിനായി കാത്തിരിക്കുക.

നിങ്ങളുടെ ആധാർ നിങ്ങളുടെ പാൻ നമ്പറുമായി ലിങ്ക് ചെയ്‌തിട്ടുണ്ടെങ്കിൽ, നിങ്ങൾക്ക് "ഐടിഡി ഡാറ്റാബേസിൽ ആധാർ ഇതിനകം പാൻ (നമ്പർ) മായി ബന്ധപ്പെടുത്തിയിരിക്കുന്നു. ഞങ്ങളുടെ സേവനങ്ങൾ ഉപയോഗിച്ചതിന് നന്ദി" എന്ന ഒരു സന്ദേശം ലഭിക്കും. നിങ്ങളുടെ ആധാർ പാൻകാർഡുമായി ലിങ്ക് ചെയ്‌തിട്ടില്ലെങ്കിൽ, "ഐടിഡി ഡാറ്റാബേസിലെ പാൻ (നമ്പർ) മായി ആധാർ ബന്ധപ്പെടുത്തിയിട്ടില്ല. ഞങ്ങളുടെ സേവനങ്ങൾ ഉപയോഗിച്ചതിന് നന്ദി" എന്ന സന്ദേശം ആയിരിക്കും ലഭിക്കുക.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.