നിങ്ങളുടെ നെറ്റ്ഫ്ലിക്‌സ് പ്രൊഫൈൽ എങ്ങനെ സുരക്ഷിതമാക്കാം ?

നിങ്ങൾ ഒരു നെറ്റ്ഫ്ലിക്സ് വരിക്കാരനാണോ? അങ്ങനെയാണെങ്കിൽ, ഒടിടി പ്ലാറ്റ്‌ഫോമിൽ സബ്‌സ്‌ക്രിപ്‌ഷൻ ഫീസ് ലാഭിക്കുന്നതിനായി നിങ്ങളുടെ അക്കൗണ്ടിലെ കണ്ടെന്റ് നൽകുവാൻ നെറ്റ്ഫ്ലിക്സ് ഐഡിയും പാസ്‌വേഡും പങ്കിടാൻ സുഹൃത്തുക്കളോടും കുടുംബാംഗങ്ങളോടും ആവശ്യപ്പെടാം. എന്നാൽ, നിങ്ങൾ ഒന്നിലധികം ഉപയോക്താക്കളുമായി ഒരൊറ്റ അക്കൗണ്ട് ഷെയർ ചെയ്യുമ്പോൾ സ്വകാര്യത നിലനിർത്താൻ കഴിയില്ല. ഈ അവസ്ഥയിൽ നിങ്ങൾ സ്വയം കണ്ടെത്തുകയും നിങ്ങളുടെ നെറ്റ്ഫ്ലിക്സ് പ്രൊഫൈൽ സുരക്ഷിതമായി സൂക്ഷിക്കാൻ ആഗ്രഹിക്കുകയും ചെയ്യുന്നുവെങ്കിൽ ഒടിടി പ്ലാറ്റ്ഫോമിൽ ലഭ്യമായ പ്രൊഫൈൽ ലോക്ക് ഓപ്ഷൻ ഉപയോഗിച്ച് നിങ്ങൾക്ക് അങ്ങനെ ചെയ്യാൻ കഴിയും.

നിങ്ങളുടെ ഹിസ്റ്ററി ഇവിടെ നിന്ന് സ്വകാര്യമായി സൂക്ഷിക്കുന്നതിന് നെറ്റ്ഫ്ലിക്സ് പ്രൊഫൈൽ എങ്ങനെ ലോക്ക് ചെയ്യാമെന്ന് അറിയേണ്ടത് അനിവാര്യമാണ്. ഇതുവഴി, മറ്റൊരു ഉപയോക്താവിനും കടന്നുകയറാനും നിങ്ങൾ കാണുന്ന കണ്ടെന്റ് കണ്ടെത്താനും കഴിയില്ല. ഒരു പാസ്‌വേഡ് ഉപയോഗിച്ച് നിങ്ങൾക്ക് ഇത് സുരക്ഷിതമാക്കാൻ കഴിയും. മാത്രമല്ല, ഉദ്ദേശിച്ച ആളുകൾക്ക് മാത്രമേ പ്രൊഫൈലിൽ പരിശോധിക്കാൻ കഴിയുകയുള്ളുതാനും.

നിങ്ങളുടെ നെറ്റ്ഫ്ലിക്സ് പ്രൊഫൈൽ എങ്ങനെ ലോക്ക് ചെയ്യാം?

നിങ്ങളുടെ നെറ്റ്ഫ്ലിക്സ് പ്രൊഫൈൽ ലോക്ക് ചെയ്യുന്നതിന് ചുവടെയുള്ള നിർദ്ദേശങ്ങൾ പാലിക്കുക. പ്രൊഫൈൽ ലോക്ക് ചെയ്യാൻ കുറച്ച് മിനിറ്റുകൾ മാത്രമേ എടുക്കൂ. ഇതിനായി, നിങ്ങൾ നെറ്റ്ഫ്ലിക്സ് വെബ് എഡിഷനിലേക്ക് പോകണം. നിങ്ങളുടെ നെറ്റ്ഫ്ലിക്സ് അക്കൗണ്ട് സുരക്ഷിതമാക്കാൻ ചുവടെയുള്ള ഘട്ടങ്ങൾ നോക്കുക.

• ഘട്ടം 1: നെറ്റ്ഫ്ലിക്സ് വെബ്സൈറ്റ് തുറന്ന് നിങ്ങളുടെ ഉപയോക്തൃനാമവും പാസ്‌വേഡും ഉപയോഗിച്ച് ലോഗിൻ ചെയ്യുക.
• ഘട്ടം 2: ഇപ്പോൾ, നിങ്ങൾ സൃഷ്ടിച്ച എല്ലാ ഉപയോക്തൃ പ്രൊഫൈലുകളും പേജ് പ്രദർശിപ്പിക്കും. നിങ്ങൾ ലോക്ക് ചെയ്യാൻ ആഗ്രഹിക്കുന്ന പ്രൊഫൈലിൽ ക്ലിക്ക് ചെയ്യുക.
• ഘട്ടം 3: ഇവിടെ, മുകളിൽ വലത് കോണിൽ പ്രദർശിപ്പിച്ചിരിക്കുന്ന പ്രൊഫൈൽ ചിത്രത്തിനൊപ്പം അക്കൗണ്ട് ഓപ്ഷൻ തിരഞ്ഞെടുക്കേണ്ടതുണ്ട്.
• ഘട്ടം 4: 'Profile & Parental Controls' ഓപ്ഷൻ ലഭിക്കുന്നതിന് താഴേക്ക് സ്ക്രോൾ ചെയ്യുക.
• ഘട്ടം 5: ഓപ്‌ഷനോടൊപ്പം ഒരു ചെറിയ ഇൻവെർട്ടഡ് ട്രയാങ്കിൾ ഉണ്ടാകും, കൂടുതൽ ഓപ്ഷനുകൾക്കായി നിങ്ങൾ അതിൽ ക്ലിക്ക് ചെയ്യുക.
• ഘട്ടം 6: അതിൽ ഒരു പ്രൊഫൈൽ ലോക്ക് ഓപ്ഷൻ നിങ്ങൾക്ക് കാണുവാൻ സാധിക്കും. അത് വെരിഫൈ ചെയ്യുന്നതിന് നെറ്റ്ഫ്ലിക്സ് പാസ്‌വേഡ് നൽകി അത് തിരഞ്ഞെടുക്കുക.
• ഘട്ടം 7: നിങ്ങളുടെ പ്രൊഫൈലിൽ 4 അക്കമുള്ള പിൻ സജ്ജമാക്കി ലോക്ക് ക്രമീകരിക്കുന്നതിന് പാസ്‌കോഡ് 'Confirm' ചെയ്യുക.