വൺപ്ലസ് നോർഡ് സിഇ 5 ജി സ്മാർട്ഫോൺ ഇന്ത്യയിൽ എങ്ങനെ പ്രീ-ബുക്കിംഗ് ചെയ്യാം ?

ബേസിക് 6 ജിബി റാമിനും 128 ജിബി ഇന്റേണൽ സ്റ്റോറേജ് വേരിയന്റിനും 22,999 രൂപ നിരക്കിൽ വൺപ്ലസ് നോർഡ് സിഇ 5 ജിയുടെ വില ആരംഭിക്കുന്നു. 8 ജിബി റാം + 128 ജിബി സ്റ്റോറേജും 12 ജിബി റാം + 256 ജിബി സ്റ്റോറേജുമുള്ള മറ്റ് രണ്ട് മോഡലുകൾക്ക് യഥാക്രമം 24,999 രൂപയും 27,999 രൂപയുമാണ് വില നൽകിയിട്ടുള്ളത്. ബ്ലൂ വോയിഡ്, ചാർക്കോൾ ഇങ്ക്, സിൽവർ റേ എന്നീ മൂന്ന് നിറങ്ങളിൽ ഈ സ്മാർട്ട്ഫോൺ പ്രീ-ബുക്കിംഗ് ചെയ്യാവുന്നതാണ്.

വൺപ്ലസ് നോർഡ് സിഇ 5 ജി സ്മാർട്ഫോൺ പ്രീ-ബുക്കിംഗ് ഇവിടെ ചെയ്യാം

ഇന്ത്യയിൽ വൺപ്ലസ് നോർഡ് സി 5 ജി എങ്ങനെ പ്രീ-ബുക്ക് ചെയ്യാം?

വൺപ്ലസ് നോർഡ് സിഇ 5 ജി സ്മാർട്ട്‌ഫോൺ മുൻകൂട്ടി ബുക്ക് ചെയ്യുന്നതിന് നിങ്ങൾക്ക് വൺപ്ലസ്.ഇൻ, ആമസോൺ.ഇൻ അല്ലെങ്കിൽ വിജയ് സെയിൽസിലേക്ക് പോകാം. ജൂൺ 16 മുതൽ ഈ സ്മാർട്ട്‌ഫോണിൻറെ ഓപ്പൺ സെയിൽ ആരംഭിക്കും. വിൽപ്പനയ്ക്ക് മുമ്പ് നിങ്ങൾക്ക് ഈ സ്മാർട്ട്‌ഫോൺ മുൻകൂട്ടി ബുക്ക് ചെയ്യുകയാണെങ്കിൽ ജൂൺ 16 മുതൽ ഷിപ്പിംഗ് ആരംഭിക്കുമെന്ന് വൺപ്ലസ് പറയുന്നു. ലോഞ്ച് ഓഫറിൻറെ ഭാഗമായി എച്ച്ഡിഎഫ്സി ബാങ്ക് 1000 രൂപ തൽക്ഷണ ക്യാഷ്ബാക്ക് നൽകുന്നതിനാൽ ഈ മോഡലുകളുടെ വില കുറയും. 8 ജിബി റാം + 128 ജിബി സ്റ്റോറേജ്, 12 ജിബി റാം + 256 ജിബി സ്റ്റോറേജ് എന്നിവയുൾപ്പെടെ വൺപ്ലസ് നോർഡ് സിഇ 5 ജി യുടെ ടോപ്പ് എൻഡ് മോഡലുകൾ മാത്രമേ പ്രീ-ബുക്കിംഗിന് ലഭ്യമാകൂ. 6 ജിബി റാമും 128 ജിബി സ്റ്റോറേജുമുള്ള ബേസിക് മോഡലല്ല ലഭിക്കുന്നത്. ഈ സ്മാർട്ട്ഫോൺ പ്രീ-ബുക്കിംഗ് ചെയ്യുമ്പോൾ നിങ്ങൾക്ക് ലഭിക്കുന്നത് 2,699 രൂപ വിലമതിക്കുന്ന റിവാർഡുകളായിരിക്കും.

വൺപ്ലസ് നോർഡ് സിഇ 5 ജിയുടെ സവിശേഷതകൾ

ഡ്യുവൽ നാനോ സിമുള്ള വൺപ്ലസ് നോർഡ് സിഇ 5 ജി ആൻഡ്രോയിഡ് 11 ൽ ഓക്സിജൻ ഒഎസ് 11 നൊപ്പം പ്രവർത്തിക്കുന്നു. 20: 9 ആസ്പെക്റ്റ് റേഷിയോയും, 90 ഹെർട്സ് റിഫ്രഷ് റേറ്റുമുള്ള 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേയാണ് ഈ ഹാൻഡ്‌സെറ്റിൽ നൽകിയിട്ടുള്ളത്. ഒക്ടാകോർ ക്വാൽകോം സ്‌നാപ്ഡ്രാഗൺ 750 ജി SoC പ്രോസസർ, അഡ്രിനോ 619 ജിപിയു, 6 ജിബി റാം എന്നിവയാണ് ഈ സ്മാർട്ട്‌ഫോണിന് കരുത്ത് പകരുന്നത്.

വൺപ്ലസ് നോർഡ് സിഇ 5 ജിയുടെ ക്യാമറ സവിശേഷതകൾ

ഫോട്ടോകൾക്കും എടുക്കുവാനും വീഡിയോകൾ പകർത്തുവാനും വൺപ്ലസ് നോർഡ് സിഇ 5 ജിയിൽ ട്രിപ്പിൾ റിയർ ക്യാമറ സംവിധാനമുണ്ട്. ഇതിൽ എഫ് / 1.79 ലെൻസും ഇലക്ട്രോണിക് ഇമേജ് സ്റ്റെബിലൈസേഷനും (ഇഐഎസ്) വരുന്ന 64 മെഗാപിക്സൽ പ്രൈമറി സെൻസറും, എഫ് / 2.25 അൾട്രാ-വൈഡ് ലെൻസുള്ള 8 മെഗാപിക്സൽ സെക്കൻഡറി സെൻസറും, എഫ് / 2.4 ലെൻസുള്ള 2 മെഗാപിക്സൽ മോണോക്രോം സെൻസറുമുണ്ട്. സെൽഫികൾ പകർത്തുവാനും വീഡിയോ ചാറ്റുകൾക്കുമായി വൺപ്ലസ് നോർഡ് സിഇക്ക് മുൻവശത്ത് 16 മെഗാപിക്സൽ സോണി ഐഎംഎക്സ് 471 സെൽഫി ക്യാമറയുണ്ട്. ഇത് എഫ് / 2.45 ലെൻസും ഇഐഎസ് സപ്പോർട്ടുമായി ജോടിയാക്കുന്നു.

വൺപ്ലസ് നോർഡ് സിഇ 5 ജിയിലെ പിൻ ക്യാമറ സംവിധാനം മൾട്ടി-ഓട്ടോഫോക്കസ് (പി‌ഡി‌എ‌എഫ് + സി‌എ‌എഫ് ഉപയോഗിച്ച്) ഉൾപ്പെടെയുള്ള സവിശേഷതകളെ സപ്പോർട്ട് ചെയ്യുന്നു. കൂടാതെ, നൈറ്റ്സ്കേപ്പ്, അൾട്രാഷോട്ട് എച്ച്ഡിആർ, പോർട്രെയിറ്റ്, പനോരമ, പ്രോ മോഡ്, സ്മാർട്ട് സീൻ തിരിച്ചറിയൽ എന്നിവ ഈ സ്മാർട്ഫോണിലുണ്ട്. 30 എഫ്‌പിഎസ് ഉപയോഗിച്ച് 4 കെ റെസല്യൂഷനിൽ വീഡിയോകൾ റെക്കോർഡ് ചെയ്യുന്നതിനും സപ്പോർട്ടുണ്ട്. കൂടാതെ, ഈ സ്മാർട്ട്ഫോണിന് ടൈം-ലാപ്സ് സപ്പോർട്ടും കൂടാതെ ഒരു എൽഇഡി ഫ്ലാഷ് മൊഡ്യൂളും ഉൾപ്പെടുന്നു. വൺപ്ലസ് നോർഡ് സിഇ 5 ജിയിൽ 256 ജിബി വരെ ഓൺ‌ബോർഡ് സ്റ്റോറേജ് വരുന്നു. 5 ജി, 4 ജി എൽടിഇ, വൈ-ഫൈ 802.11 എസി, ബ്ലൂടൂത്ത് വി 5.1, ജിപിഎസ് / എ-ജിപിഎസ് / നാവിക്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.