സ്മാര്‍ട്‌ഫോണുകള്‍ പൊട്ടിത്തെറിക്കുന്നതെന്തുകൊണ്ട്; എങ്ങനെ തടയാം

#1

ബ്രാന്‍ഡഡ് അല്ലാത്ത സ്മാര്‍ട്‌ഫോണുകള്‍ ഉപയോഗിക്കുന്നത് വലിയൊരളവില്‍ ഫോണ്‍ പൊട്ടിത്തെറിക്കുന്നതിന് കാരണമാകുന്നുണ്ട്. ഐ.എം.ഇ.ഐ നമ്പര്‍ ഉള്ള ഫോണ്‍ മാത്രം ഉപയോഗിക്കുന്നതാണ് പൊട്ടിത്തെറി തടയാനുള്ള ആദ്യ മാര്‍ഗം. ചൈനീസ് ഫോണുകള്‍ കഴിയുന്നതും ഒഴിവാക്കണം.

#2

ചാര്‍ജ് ചെയ്യുമ്പോള്‍ ഫോണിന്റെ മദര്‍ബോഡില്‍ മര്‍ദം വര്‍ദ്ധിക്കും. ഈ സമയത്ത് കോളുകള്‍ ചെയ്യുകയോ സ്വീകരിക്കുകയോ ചെയ്യുമ്പോള്‍ ഈ മര്‍ദം വര്‍ദ്ധിക്കുകയും അത് പൊട്ടിത്തെറിക്ക് കാരണമാവുകയും ചെയ്യും. പ്രത്യേകിച്ച് ചാര്‍ജിംഗിനിടെ ഇന്റര്‍നാഷണല്‍ കോളുകള്‍ ചെയ്യുമ്പോഴോ സ്വീകരിക്കുമ്പോഴോ ആണ് പൊട്ടിത്തെറിക്ക് സാധ്യത കൂടുന്നത്. കോള്‍ ബോംബിംഗ് എന്നാണ് ഇതിനെ വിളിക്കുക.

#3

ബാറ്ററി പൂര്‍ണമായി ചാര്‍ജ് ആയാലും കണക്ഷന്‍ വേര്‍പെടുത്താതിരിക്കുന്നതും പൊട്ടിത്തെറിക്ക് മറ്റൊരു കാരണമാണ്.

#4

യദാര്‍ഥ ചാര്‍ജര്‍ ഉപയോഗിച്ചു മാത്രമെ സ്മാര്‍ട്‌ഫോണുകള്‍ ചാര്‍ജ് ചെയ്യാവു. കാരണം കമ്പനി നല്‍കുന്ന ചാര്‍ജറിലെ വോള്‍ടേജ് ബാറ്ററിയുടെ പവറിനനുസൃതമായിട്ടുള്ളതാണ്. ഡ്യൂപ്ലിക്കേറ്റ് ചാര്‍ജറുകളില്‍ ഇത് വ്യത്യസ്തമാവും.

#5

ഇടയ്ക്കിടെ ഫോണിലെ ബാറ്ററി പരിശോധിക്കേണ്ടത് ആവശ്യമാണ്. ബാറ്ററി പൊള്ളച്ചതായി തോന്നിയാല്‍ ഉടന്‍ അത് മാറ്റേണ്ടതുണ്ട്. അല്ലെങ്കില്‍ ബാറ്ററി പൊട്ടിത്തെറിക്കാനുള്ള സാധ്യത കൂടുതലാണ്.

#6

ഡ്യൂപ്ലിക്കേറ്റ് ബാറ്ററി, ചാര്‍ജര്‍, ഇയര്‍ഫോണ്‍ തുടങ്ങിയവ ഉപയോഗിക്കുന്നതും അപകടകരമാണ്. വിലക്കുറവാണെങ്കിലും കൂടുതല്‍ കാലം യദാര്‍ഥമല്ലാത്ത ഇത്തരം ഉപകരണങ്ങള്‍ ഉപയോഗിച്ചാല്‍ ഫോണിന് ദോഷം ചെയ്യും.

#7

തേര്‍ഡ് പാര്‍ടി വെന്‍ഡര്‍മാരില്‍ നിന്ന് എന്തെങ്കിലും ഡൗണ്‍ലോഡ് ചെയ്യുന്നതും ചിലപ്പോള്‍ പൊട്ടിത്തെറിക്കു കാരണമാകാം. കാരണം ഇത്തരം ഡൗണ്‍ലോഡുകള്‍ പലപ്പോഴും മാല്‍വേറിനു കാരണമായേക്കും. ഈ മാല്‍വേറുകള്‍ ഫോണ്‍ തകര്‍ക്കാന്‍ പ്രാപ്തമാണ്.

#8

വെള്ളത്തില്‍ വീണ ഫോണ്‍ പ്രവര്‍ത്തിക്കുന്നുണ്ടെങ്കിലും ഉടനെ ചാര്‍ജ് ചെയ്യുന്നത് തീര്‍ത്തും അപകടകരമാണ്. ഫോണ്‍ തുറന്ന് ബാറ്ററി, സിം കാര്‍ഡ്, എസ്.ഡി കാര്‍ഡ് എന്നിവയെല്ലാം എടുത്തുമാറ്റി ഉണക്കിയ ശേഷം മാത്രം ചാര്‍ജ് ചെയ്യുന്നതാണ് സുരക്ഷിതം.