ഇതിലും സിമ്പിൾ ആക്കാൻ പറ്റില്ല! ജിയോ റീചാർജ്ജ് ഇങ്ങനെ ചെയ്യൂ...പൈസ ലാഭിക്കൂ

ജിയോ വരിക്കാർ കൂടുന്ന സാഹചര്യത്തിൽ, റീചാർജുകൾക്കായി ഗൂഗിൾ പേ (google pay), ഫോൺ പേ (PhonePe) പോലുള്ള യുപിഐ ആപ്പുകൾ ഉപയോഗിക്കുമ്പോൾ, പലപ്പോഴും 3 രൂപ വരെ ഫീസ് ബാധകമാണ്. എന്നിരുന്നാലും, 50 രൂപയിൽ താഴെയുള്ള റീചാർജുകൾക്ക് സാധാരണയായി അധിക നിരക്ക് ഈടാക്കില്ല. ഈ കൺവീനിയൻസ് ഫീസ് ഒഴിവാക്കാൻ നിങ്ങൾ ആഗ്രഹിക്കുന്നു എങ്കിൽ, അവ നൽകാതെ തന്നെ നിങ്ങളുടെ ജിയോ സിം റീചാർജ് ചെയ്യാനുള്ള വഴികളുണ്ട്. ഈ ലേഖനത്തിൽ, അധിക പണം നൽകാതെ നിങ്ങളുടെ ജിയോ സിം എങ്ങനെ റീചാർജ് ചെയ്യാം എന്നതിനെ കുറിച്ചാണ് പറയുന്നത്.

അധിക പണം നൽകാതെ നിങ്ങളുടെ ജിയോ സിം എങ്ങനെ റീചാർജ് ചെയ്യാം? ആദ്യം പ്ലേ സ്റ്റോർ ഓപ്പൺ ആക്കി മൈ ജിയോ (MyJio) ആപ്പ് ഡൗൺലോഡ് ചെയ്യുക. ശേഷം, നിങ്ങളുടെ ജിയോ നമ്പർ ഉപയോഗിച്ച് ലോഗിൻ ചെയ്‌ത് ഹോം സ്‌ക്രീനിലെ 'റീചാർജ്' ഓപ്ഷൻ ടാപ്പ് ചെയ്യുക. ലഭ്യമായ ഓപ്ഷനുകളിൽ നിന്ന് നിങ്ങൾ അനുയോജ്യമെന്ന് തോന്നുന്ന പ്ലാൻ തിരഞ്ഞെടുക്കുക. പ്ലാൻ തിരഞ്ഞെടുത്ത ശേഷം, റീചാർജ് ടാപ്പ് ചെയ്‌ത് പേയ്‌മെൻ്റ് പേജിലേക്ക് പോകുക.

അതിന് ശേഷം, Pay via UPI ID (യുപിഐ ഐഡി വഴി പണമടയ്ക്കുക) എന്ന ഓപ്‌ഷൻ തിരഞ്ഞെടുത്ത് നിങ്ങളുടെ യുപിഐ ഐഡി നൽകുക. തുടർന്ന് പരിശോധിച്ച ശേഷം നിങ്ങളുടെ ഗൂഗിൾ പേ അല്ലെങ്കിൽ ഫോൺ പേ ഓപ്പൺ ആക്കി അധിക നിരക്കുകൾ നൽകാതെ പണം അടക്കുക.

നിങ്ങൾക്ക് നെറ്റ് ബാങ്കിംഗ് അല്ലെങ്കിൽ ക്രെഡിറ്റ്/ ഡെബിറ്റ് കാർഡ് ഓപ്ഷനും തിരഞ്ഞെടുക്കാം. നിങ്ങൾ തിരഞ്ഞെടുത്ത രീതി ഉപയോഗിച്ച് പേയ്‌മെൻ്റ് പൂർത്തിയാക്കുക. ഇതുവഴി യുപിഐ ആപ്പുകൾ ഈടാക്കുന്ന കൺവീനിയൻസ് ഫീസ് ഒഴിവാക്കാം. കൂടാതെ, ചില ഡിജിറ്റൽ വാലറ്റുകൾ ജിയോ റീചാർജുകളിൽ ക്യാഷ്ബാക്ക് അല്ലെങ്കിൽ മറ്റ് പല ഓഫറുകളും വാഗ്ദാനം ചെയ്യുന്നുണ്ട്. പേടിഎം അല്ലെങ്കിൽ ആമസോൺ പേ പോലുള്ള വാലറ്റുകളിൽ നിങ്ങൾക്ക് ഓഫറുകളുടെ വിഭാഗം പരിശോധിക്കാം.

ഈ സൈറ്റുകൾക്ക് കൺവീനിയൻസ് ഫീസ് സാധാരണയായി ഉണ്ടെങ്കിലും നൽകിയിരിക്കുന്ന ഓഫറുകൾ ഉപയോഗിച്ച് നിങ്ങൾക്ക് കൺവീനിയൻസ് ഫീസ് കുറയ്ക്കുകയോ ഒഴിവാക്കുകയോ ചെയ്യാം. മുകളിൽ പറഞ്ഞ ആപ്പുകളും സേവനങ്ങളും കൂടാതെ ജിയോയുടെ ഔദ്യോഗിക വെബ്സൈറ്റ് വഴി കൺവീനിയൻസ് ഫീസ് ഇല്ലാതെ റീചാർജ് ചെയ്യുന്നതാണ് മറ്റൊരു മികച്ച രീതി.

ജിയോയുടെ ഔദ്യോഗിക വെബ്സൈറ്റ് ആയ jio.com സന്ദർശിച്ച് റീചാർജ് വിഭാഗത്തിലേക്ക് നാവിഗേറ്റ് ചെയ്യുക. നിങ്ങളുടെ ജിയോ നമ്പർ ഉപയോഗിച്ച് ലോഗിൻ ചെയ്‌ത് ഏതെങ്കിലും പ്ലാൻ തിരഞ്ഞെടുക്കുക. ശേഷം, പേയ്‌മെൻ്റ് പേജിലേക്ക് പോയി, അധിക പണം നൽകാതെ റീചാർജ് പൂർത്തിയാക്കാൻ നെറ്റ് ബാങ്കിംഗ് അല്ലെങ്കിൽ കാർഡ് പേയ്‌മെൻ്റ് ഉപയോഗിക്കുക. അത് പോലെ, ഈ അധിക നിരക്കുകൾ ഒഴിവാക്കാൻ നിങ്ങൾക്ക് മറ്റ് സിമ്മുകളും അവരുടെ ഔദ്യോഗിക സൈറ്റുകളിൽ നിന്ന് റീചാർജ് ചെയ്യാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.