യൂട്യൂബ്‌ ഓഫ്‌ലൈൻ: ഒരു വീഡിയോ ഓഫ്‌ലൈനിൽ എങ്ങനെ ഡൗൺലോഡ് ചെയ്യ്ത് കാണാം?

സിനിമകൾ, ടെലിവിഷൻ പരിപാടികൾ, വ്‌ളോഗിങ്‌, പാട്ടുകൾ, ഗെയ്മിങ് എന്നിങ്ങനെ പല തരത്തിലുള്ള വീഡിയോകൾ ഉപഭോക്താക്കളിലേക്ക് എത്തിക്കുന്ന യൂട്യൂബ് വീഡിയോകള്‍ ഡൗൺലോഡ് ചെയ്യാനും ഇപ്പോൾ കഴിയുന്നതാണ്. യൂട്യൂബ് ആപ്പിനുള്ളിൽ തന്നെ നിങ്ങൾ കാണാൻ ആഗ്രഹിക്കുന്ന വീഡിയോകൾ ഡൗൺലോഡ് ചെയ്തിട്ടാൽ പിന്നീട് ഇന്റർനെറ്റ് സേവനം ഇല്ലാത്തപ്പോഴും ആ വീഡിയോ കാണാൻ സാധിക്കും എന്നതാണ് അറിയിക്കേണ്ട മറ്റൊരു സവിശേഷത.

ഇന്റർനെറ്റ് വേഗത കുറവുള്ള പ്രദേശങ്ങളില്‍ ഇത്തരത്തിൽ ഡൗൺലോഡ് ചെയ്ത സൂക്ഷിക്കാവുന്ന സൗകര്യം ഉപഭോക്താക്കൾക്ക് ഏറെ ഉപയോഗപ്രദമാകും. വ്യത്യസ്തമായ ക്വാളിറ്റിയിലും വീഡിയോ ഡൗൺലോഡ് ചെയ്യാവുന്നതാണ്. ഫുൾ എച്ച്ഡിയിൽ വരെ വീഡിയോ ഡൗൺലോഡ് ചെയ്യാനും പിന്നീട് വീക്ഷിക്കാനും സാധിക്കും.

യൂട്യൂബ് വീഡിയോകള്‍ എങ്ങനെ ഡൗൺലോഡ് ചെയ്യാം ?

ആദ്യം നിങ്ങൾ ചെയ്യേണ്ടത് 'യൂട്യൂബ് തുറക്കുക' എന്നുള്ളതാണ്.

നിങ്ങൾ ഡൗൺലോഡ് ചെയ്യാൻ ആഗ്രഹിക്കുന്ന വീഡിയ പ്ലേ ചെയ്ത ശേഷം താഴേ കാണുന്ന

ഡൗൺലോഡ് ബട്ടണിൽ ക്ലിക്ക് ചെയ്യുക.

ഇതിന് ശേഷം ഡൗൺലോഡ് ക്വാളിറ്റി തിരഞ്ഞെടുക്കുക. കുറഞ്ഞ ക്വാളിറ്റി മുതൽ എച്ച് ഡി ക്വാളിറ്റി വീഡിയോ വരെ ഡൗൺലോഡ് ചെയ്യാം.

ഒരു നീലനിറത്തിലെ ടിക്ക് വീഡിയോയ്ക്ക് പുറത്ത് കാണുമ്പോൾ ഡൗൺലോഡ് പൂർത്തിയായതായി മനസിലാക്കാം.

ഡൗൺലോഡ് ചെയ്ത വീഡിയോകള്‍ കാണുന്നതിന് യൂട്യൂബിൽ തന്നെ ലൈബ്രറി എന്ന വിഭാഗത്തിൽ ക്ലിക്ക് ചെയ്യുക. അവിടെ ഡൗൺലോഡ് എന്ന ഫോൾഡറിൽ നിന്നും നിങ്ങൾ ഡൗൺലോഡ് ചെയ്ത വീഡിയോ കാണാവുന്നതാണ്. ഡൗൺലോഡ് ചെയ്ത വീഡിയോകൾ കാണാൻ നെറ്റ്‌വർക്ക് ആവശ്യമില്ല. നിങ്ങളുടെ ഫോണിലെ മെമ്മറിയിലേക്കാണ് ഈ വീഡിയോകള്‍ ഡൗണ്‍ലോഡ് ചെയ്യപ്പെടുക.

2014-ൽ ലോഞ്ച് ചെയ്യ്ത യൂട്യൂബിൻറെ ഓഫ്‌ലൈൻ സവിശേഷത ആൻഡ്രോയിഡ്, ഐഓഎസ് ഉപയോക്താക്കളെ പിന്നീടുള്ള ഉപഭോഗത്തിനായി യൂട്യൂബ്‌ വീഡിയോകൾ അവരുടെ ഉപകരണത്തിലേക്ക് സംരക്ഷിക്കാൻ അനുവദിക്കുന്നു. ഈ വീഡിയോകൾ മൊബൈൽ ഡാറ്റ അല്ലെങ്കിൽ വൈ-ഫൈ നെറ്റ്‌വർക്ക് വഴി ഡൗൺലോഡ് ചെയ്യാനാകും. സവിശേഷത പരസ്യ-പിന്തുണയുള്ളതാണ്, അതിനാൽ നിങ്ങളുടെ വീഡിയോയിൽ എത്തുന്നതിനുമുമ്പ് ഒരു പരസ്യത്തിലൂടെ കടന്നു പോകേണ്ടതായി വരും.

എല്ലാ വീഡിയോയും ലഭ്യമല്ല

എല്ലാ വീഡിയോകളും ഓഫ്‌ലൈൻ കാണുന്നതിന് ലഭ്യമല്ല എന്നത് മറ്റൊരു പ്രശ്‌നമാണ്. ഇന്ത്യയിലെ ജനപ്രിയ യൂട്യൂബ് ഉള്ളടക്കത്തിന്റെ ഭൂരിഭാഗവും ഡൗൺലോഡ് ചെയ്യാൻ‌ കഴിയും. പക്ഷേ, ഡൗൺലോഡ് ചെയ്യാൻ‌ ലഭ്യമല്ലാത്ത ചില വീഡിയോകൾ‌ നിങ്ങൾ‌ കണ്ടേക്കാം. ഡൗൺലോഡ് ചെയ്‌ത ഏത് വീഡിയോയും 48 മണിക്കൂർ വരെ ഓഫ്‌ലൈനിൽ പ്ലേ ചെയ്യാൻ കഴിയും.