ഫേസ്ബുക്കില്‍ നിങ്ങളെ ആരെങ്കിലും നിരീക്ഷിക്കുന്നുണ്ടോ? കണ്ടെത്താം...

#1

ആദ്യം ഫേസ്ബുക്കില്‍ ലോഗ് ഇന്‍ ചെയ്ത ശേഷം മുകളില്‍ കാണുന്ന സെറ്റിംഗ് ബട്ടണില്‍ ക്ലിക് ചെയ്യുക.

#2

ഇനി താഴേക്ക് സ്‌ക്രോള്‍ െചയ്തശേഷം സെറ്റിംഗ്‌സ് എന്ന ടാബില്‍ ക്ലിക് ചെയ്യുക.

#3

ഇപ്പോള്‍ തുറക്കുന്ന പേജില്‍ ഇടതുവശത്തു കാണുന്ന ആപ്‌സ് എന്നതില്‍ ക്ലിക് ചെയ്യുക.

#4

ഇപ്പോള്‍ കുറെ ആപ്ലിക്കേഷനുകള്‍ കാണാം. ഇതെല്ലാം നിങ്ങളുടെ അക്കൗണ്ട് പരിശോധിക്കാന്‍ അനുമതിയുള്ള ആപ്ലിക്കേഷനുകളാണ്.

#5

എന്നാല്‍ ഇതുകൊണ്ട് തീര്‍ന്നില്ല, കൂടുതല്‍ ആപ്ലിക്കേഷനുകള്‍ നിങ്ങള്‍ ഡൗണ്‍ലോഡ് ചെയ്തിട്ടുണ്ടെങ്കില്‍ പേജിന്റെ ഏറ്റവും താഴെയായി ഷോ ഓള്‍ ആപ്‌സ് എന്നു കാണാം അതില്‍ ക്ലിക് ചെയ്യണം.

#6

ഇനി ഓരോ ആപ്ലിക്കേഷനിലും എഡിറ്റ് എന്ന ബട്ടനില്‍ ക്ലിക് ചെയ്യുക. ഇപ്പോള്‍ തുറക്കുന്ന പേജില്‍ രണ്ടാമതായി ദിസ് ആപ് നീഡ്‌സ് എന്നു കാണാം. അതിനുനേരെ ചേര്‍ത്ത വിവരങ്ങളെല്ലാം ആ ആപ്ലിക്കേഷന്‍ സെര്‍വറില്‍ ഉണ്ടായിരിക്കുമെന്നാണ് അര്‍ഥം. അടിസ്ഥാനപരമായ വിവരങ്ങള്‍ക്കു പുറമെ, ഇ-മെയില്‍ അഡ്രസ്, ജനന തീയതി, ലൊക്കേഷന്‍ എന്നിവയൊക്കെ പല ആപ്ലിക്കേഷനുകളും ശേഖരിച്ചിട്ടുണ്ടാവും.

#7

അടിസ്ഥാനപരമായ വിവരങ്ങള്‍ എന്നു പറയുമ്പോള്‍ പേര്, പ്രൊഫൈല്‍ ചിത്രം, യൂസര്‍ ഐഡി, സുഹൃത്തുക്കളുടെ ലിസ്റ്റ്, തുടങ്ങിയവയെല്ലാം ഉള്‍പ്പെടും. കൂടുതല്‍ അറിയണമെങ്കില്‍ ചിത്രത്തില്‍ കാണിച്ച വിധത്തില്‍ ബേസിക് ഇന്‍ഫര്‍മേഷന്‍ എന്നതിനൊപ്പമുള്ള ചോദ്യചിഹ്നത്തില്‍ കര്‍സര്‍ വച്ചാല്‍ മതി.

#8

ഇനി ഓരോ ആപ്ലിക്കേഷനും നേരെയായി എഡിറ്റ് എന്ന ഓപ്ഷനും X എന്ന ഓപ്ഷനും കാണാം. X എന്നത് ഡിലിറ്റ് ചെയ്യുന്നതിനുള്ളതാണ്.

#9

ഏതെല്ലാം ആപ്ലിക്കേഷനുകള്‍ക്ക് നിങ്ങളുടെ വ്യക്തിപരമായ വിവരങ്ങള്‍ പരിശോധിക്കാന്‍ കഴിയുമെന്ന് ഇപ്പോള്‍ മനസിലായല്ലോ. ആ ആക്‌സസ് തടയണമെങ്കില്‍ ഓരോ ആപ്ലിക്കേഷന്റേയും നേരെയായി കാണുന്ന ഡിലിറ്റ് (X) ബട്ടണ്‍ ക്ലിക് ചെയ്താല്‍ മതി. പിന്നീടൊരിക്കലും ആ ആപ്ലിക്കേഷന് നിങ്ങളുടെ വ്യക്തിപരമായ വിവരങ്ങളില്‍ ആക്‌സസ് ഉണ്ടാവില്ല.