നിങ്ങളുടെ പ്രധാന രേഖകൾ എങ്ങനെ ഡിജിലോക്കറിൽ സൂക്ഷിക്കാം ?

പ്രകൃതി ദുരന്തങ്ങളിലോ മറ്റ് അപകടങ്ങളിലോ പ്രധാനപ്പെട്ട രേഖകൾ നഷ്ടപ്പെടുന്നതൊഴിവാക്കാൻ കേന്ദ്ര സർക്കാർ ഡിജിറ്റല്‍ ഇന്ത്യ പദ്ധതിയുടെ ഭാഗമായി അവതരിപ്പിച്ച ഡിജിലോക്കർ സംവിധാനം പ്രയോജനപ്പെടുത്താം. സര്‍ട്ടിഫിക്കറ്റുകൾ, ഔദ്യോഗിക രേഖകള്‍ തുടങ്ങിയവ ഡിജിറ്റല്‍ ലോക്കറിലേക്ക് ഉടൻ മാറ്റാവുന്നതാണ്. സർക്കാരിന്റെ കണക്കനുസരിച്ച് ഏകദേശം 1.35 കോടി പേർ ഡിജിലോക്കർ സംവിധാനം ഉപയോഗിക്കുന്നുണ്ട്. പാൻ കാർഡ്, മാർക്ക് ഷീറ്റുകൾ, ജാതി സർട്ടിഫിക്കറ്റ്, ജനന സർട്ടിഫിക്കറ്റ്, റേഷൻ കാർഡ് തുടങ്ങിയ നിരവധി രേഖകളാണ് ഇവർ ഇതിൽ സൂക്ഷിക്കുന്നത്.

വെബ്സൈറ്റ് വാഹന പരിശോധനയ്ക്ക് ഡ്രൈവിംഗ് ലൈസൻസ്, രജിസ്ട്രേഷൻ സർട്ടിഫിക്കറ്റ്, ഇൻഷുറൻസ് എന്നിവയുടെ ഇലക്ട്രോണിക് അഥവാ ഡിജിറ്റൽ രേഖ കാണിച്ചാൽ മതിയെന്ന് സംസ്ഥാന ഗതാഗത വകുപ്പുകൾക്കും, ട്രാഫിക് പോലിസിനും കേന്ദ്ര ഗതാഗത മന്ത്രാലയം ഈയിടെ നിർദേശം നൽകിയിരുന്നു. ഡിജിലോക്കർ സർക്കാർ പുറത്തിറക്കിയ ഒരു മൊബീൽ ആപ്ലിക്കേഷനാണ്. വെബ്സൈറ്റും ലഭ്യമാണ്. നമ്മുടെ പ്രധാനപ്പെട്ട എല്ലാ രേഖകളും ഇലക്ട്രോണിക് രൂപത്തിലാക്കി സൂക്ഷിക്കാൻ സഹായിക്കുന്ന സുരക്ഷിതമായ ഒരു ആപ്ലിക്കേഷനാണ് ഇത്. ഇങ്ങനെ സൂക്ഷിച്ചാൽ രേഖകൾ നഷ്ടപ്പെടുമെന്നോ, നശിച്ചു പോകുമെന്നോ ഉള്ള ഭയം വേണ്ട.

ഡിജിലോക്കർ സംവിധാനം എങ്ങനെ ഉപയോഗിക്കാം?

1. ഡിജിലോക്കർ വെബ്സൈറ്റ് സന്ദർശിക്കുകയോ, അല്ലെങ്കിൽ സ്മാർട്ട് ഫോണിൽ ആപ്പ് ഡൗൺലോഡ് ചെയ്യുകയോ ചെയ്യാം.

2. അതിനു ശേഷം നിങ്ങളുടെ ആധാർ നമ്പറോ മൊബൈൽ നമ്പറോ ഉപയോഗിച്ചോ ഒരു യൂസർ ഐഡി ക്രിയേറ്റ് ചെയ്യുക. ഓ.ടി.പി വെരിഫിക്കേഷൻ ഉണ്ടാകും.

3. ഒറിജിനൽ രേഖകളുടെ സ്‌കാൻ ചെയ്ത കോപ്പികൾ (PDF, JPEG or PNG) വെബ്സൈറ് വഴിയോ ആപ്പ് വഴിയോ അപ്‍ലോഡ് ചെയ്യുക.

4. പിന്നീട് ഏത് സ്ഥലത്തുനിന്നു വേണമെങ്കിലും ഈ രേഖകൾ നമുക്ക് ആക്സസ് ചെയ്യാവുന്നതാണ്.

5. ഇൻകം ടാക്‌സ് വകുപ്പ്, സിബിഎസ്ഇ, രജിസ്ട്രാർ ഓഫീസ് തുടങ്ങിയ ചില സ്ഥാപങ്ങൾക്ക് നമ്മുടെ രേഖകൾ നേരിട്ട് നമ്മുടെ ഇ-ലോക്കറിലേയ്ക്ക് അപ്‌ലോഡ് ചെയ്യാൻ കഴിയും.

6. മറ്റുള്ളവരുമായി രേഖകൾ ഷെയർ ചെയ്യാനുള്ള സംവിധാനവും ഇതിലുണ്ട്.

7. UIDAI, കേന്ദ്ര ഗതാഗത മന്ത്രാലയം, വിദ്യാഭ്യാസ ബോർഡുകൾ, ഇൻകം ടാക്‌സ് വകുപ്പ് തുടങ്ങിയ പല സ്ഥാപങ്ങളും ഇതിൽ രജിസ്റ്റർ ചെയ്തിട്ടുണ്ട്.

മറുവശത്ത്, സിബിഎസ്ഇ, രജിസ്ട്രാർ ഓഫീസ് അല്ലെങ്കിൽ ആദായനികുതി വകുപ്പ് പോലുള്ള ഓർഗനൈസേഷനുകൾക്ക് രേഖകളുടെയും സർട്ടിഫിക്കറ്റുകളുടെയും ഇലക്ട്രോണിക് പകർപ്പുകൾ നിങ്ങളുടെ ഇ-ലോക്കറുകളിലേക്ക് നേരിട്ട് എത്തിക്കാൻ കഴിയും.

യു‌ജി‌എ‌ഐ‌ഐ, റോഡ് ഗതാഗത, ദേശീയപാത മന്ത്രാലയം, ആദായനികുതി വകുപ്പ്, സിബിഎസ്ഇ ഉൾപ്പെടെയുള്ള വിവിധ സ്കൂൾ ബോർഡുകൾ, വിവിധ സംസ്ഥാന, കേന്ദ്ര സർക്കാർ മന്ത്രാലയങ്ങൾ എന്നിവ ഡിജിലോക്കറിൽ രജിസ്റ്റർ ചെയ്തിട്ടുള്ള സംഘടനകളാണ്.

ഏറ്റവും പുതിയ സ്ഥിതിവിവരക്കണക്കുകൾ പ്രകാരം, ഡിജിലോക്കറിന് 1.35 കോടി ഉപയോക്താക്കളുണ്ട്, ആളുകൾ പാൻ കാർഡുകൾ, മാർക്ക് ഷീറ്റുകൾ, ജാതി സർട്ടിഫിക്കറ്റുകൾ, ജനന സർട്ടിഫിക്കറ്റുകൾ, റേഷൻ കാർഡുകൾ മുതലായവ ഇതിൽ സൂക്ഷിക്കുവാൻ ഉപയോഗിക്കുന്നു.