ലാപ്ടോപ്പ് / പിസികൾ വഴി ഇൻസ്റ്റാഗ്രാമിൽ പോസ്റ്റുകൾ എങ്ങനെ അപ്‌ലോഡ് ചെയ്യാം?

ഇൻസ്റ്റാഗ്രാം ലാപ്ടോപ്പുകൾക്കും പിസികൾക്കുമായി 'ഡെസ്ക്ടോപ്പ് പോസ്റ്റിംഗ്' പുറത്തിറക്കി

പേര് സൂചിപ്പിക്കുന്നത് പോലെ, ലാപ്‌ടോപ്പ്, പിസി ഉപയോക്താക്കൾക്കായി ഡെസ്‌ക്‌ടോപ്പ് പോസ്റ്റിംഗ് ഫീച്ചർ ഇപ്പോൾ അവതരിപ്പിച്ചിരിക്കുകയാണ്. ഈ സവിശേഷത ഉപയോഗിച്ച് നിങ്ങൾക്ക് ഇൻസ്റ്റാഗ്രാം ഡെസ്ക്ടോപ്പ് എഡിഷൻ വഴി ചിത്രങ്ങളും വീഡിയോകളും അപ്‌ലോഡ് ചെയ്യാൻ കഴിയും. ഈ സവിശേഷത മുമ്പ് മൊബൈൽ അപ്ലിക്കേഷനായി പരിമിതപ്പെടുത്തിയിരുന്നു. ലാപ്‌ടോപ്പ് / പിസി ഉപയോക്താക്കൾ ഈ ഫീച്ചറാനായി ഏറെക്കാലമായി കാത്തിരുന്നു.

മാസങ്ങളുടെ ഇടവേളയ്ക്ക് ശേഷം ഈ ഫീച്ചർ ലാപ്‌ടോപ്പ് / പിസി ഉപയോക്താക്കൾക്കായി ഫേസ്ബുക്ക് തന്നെ അവതരിപ്പിച്ചു. വിൻഡോസ്, മാക് ഒഎസ് എന്നിവയ്ക്കുള്ള ലഭ്യതയും ഫേസ്ബുക്ക് ലഭ്യമാക്കുമെന്ന് സ്ഥിരീകരിച്ചിട്ടുണ്ട്. എന്നാൽ, കമ്പനി ഇത് ഉടനെ തന്നെ ലഭ്യമാക്കാനുള്ള ശ്രമത്തിലാണ് ഇപ്പോൾ. ഈ പുതിയ നീക്കം അതിൻറെ പ്ലാറ്റ്ഫോമുകളിൽ ഡെസ്ക്ടോപ്പ് യൂസർ എക്സ്‌പീരിയൻസ് വർദ്ധിപ്പിക്കുന്നതിനുള്ള കമ്പനിയുടെ മുന്നൊരുക്കമാണെന്ന് പറയുന്നു. കമ്പനി തുടക്കം മുതൽ മൊബൈൽ യൂസർ എക്സ്‌പീരിയൻസിന് കൂടുതൽ പ്രാധാന്യം നൽകുന്നുണ്ടെങ്കിലും ലാപ്‌ടോപ്പ് / പിസി ഡിപ്പാർട്ട്‌മെന്റിലും മികച്ച സേവനങ്ങൾ നൽകുന്നതിൽ ശ്രദ്ധ കേന്ദ്രികരിക്കും.

ഈ പുതിയ ഓപ്ഷൻ ബഗ്-ഫ്രീ ആണെന്നും പിന്നീടുള്ള ഘട്ടങ്ങളിൽ പ്രവർത്തനക്ഷമതയുമായി യാതൊരു പ്രശ്നവുമില്ലെന്നും ഉറപ്പാക്കാനാണിത്. ഈ പുതിയ സേവനം വിൻഡോസ്, മാക് ഉപയോക്താക്കൾക്ക് ബാച്ചുകളായി ലഭ്യമാക്കുന്നുണ്ടെന്നും ഫേസ്ബുക്ക് സ്ഥിരീകരിച്ചു. ഈ അപ്‌ഡേറ്റിൻറെ മാസ് റോൾഔട്ടിൻറെ ടൈംലൈൻ ബ്രാൻഡ് വെളിപ്പെടുത്തിയിട്ടില്ല, പക്ഷേ വരും മാസങ്ങളിൽ ഇത് പൂർത്തിയാക്കും. നിങ്ങൾക്ക് എങ്ങനെ ഇൻസ്റ്റാഗ്രാം ഡെസ്‌ക്‌ടോപ്പ് എഡിഷൻ വഴി പോസ്റ്റുകൾ അപ്‌ലോഡ് ചെയ്യുന്നത് എങ്ങനെയെന്ന് നമുക്ക് നോക്കാം.

ലാപ്ടോപ്പ് / പിസികൾ വഴി ഇൻസ്റ്റാഗ്രാമിൽ ചിത്രങ്ങൾ/ വീഡിയോകൾ എങ്ങനെ അപ്‌ലോഡ് ചെയ്യാം?

നിലവിൽ, ഉപയോക്താക്കൾക്ക് അതത് വിൻഡോസ്, മാക് ഒഎസ് നോട്ട്ബുക്കുകൾ, പിസികൾ എന്നിവയിൽ ഒരു അപ്‌ഡേറ്റ് ലഭിക്കുന്നതിന് പ്രത്യേക മാനദണ്ഡങ്ങളൊന്നുമില്ല. ലാപ്‌ടോപ്പുകളിലും പിസികളിലും ഈ ഓപ്ഷൻ ക്രമരഹിതമായി പരീക്ഷിക്കാൻ ഉപയോക്താക്കളോട് ആവശ്യപ്പെടുന്നതായി ഫേസ്ബുക്ക് അടുത്തിടെ പറഞ്ഞിരുന്നു. അതിനാൽ, ഈ അപ്‌ഡേറ്റ് ലഭ്യമാകുന്നതിനായി നിങ്ങൾ കാത്തിരിക്കേണ്ടി വന്നേക്കാം. അവ മൊബൈൽ എഡിഷന് സമാനമാണ്. ഇൻസ്റ്റാഗ്രാമിലെ ഡെസ്ക്ടോപ്പ് പോസ്റ്റിംഗ് ഫീച്ചർ നിങ്ങളുടെ ലാപ്ടോപ്പ് / പിസിയിൽ ലഭ്യമാണെങ്കിൽ ഒരു പോസ്റ്റ് അപ്‌ലോഡ് ചെയ്യുന്നതിനായി നിങ്ങൾക്ക് ഈ പറയുന്ന നിർദേശങ്ങൾ പാലിക്കുക:

• സ്റ്റെപ്പ് 1: നിങ്ങളുടെ അക്കൗണ്ടിലേക്ക് ലോഗിൻ ചെയ്യ്ത് ഹോം സ്ക്രീനിൻറെ മുകളിൽ വലത് കോണിലുള്ള '+' ടാബ് കണ്ടെത്തുക.
• സ്റ്റെപ്പ് 2: മൊബൈൽ എഡിഷനിൽ ലഭിക്കുന്നതുപോലെ ചിത്രങ്ങൾ തിരഞ്ഞെടുക്കാനുള്ള ഓപ്ഷൻ നിങ്ങൾക്ക് ഇപ്പോൾ ലഭിക്കും. ഒന്നിലധികം ചിത്രങ്ങൾ തിരഞ്ഞെടുക്കാനുള്ള ഓപ്ഷനും നിങ്ങൾക്ക് ലഭിക്കുന്നതാണ്.
• സ്റ്റെപ്പ് 3: ഇപ്പോൾ ആവശ്യമായ ടാഗുകൾ, ലൊക്കേഷൻ എന്നിവ ചേർത്ത് പോസ്റ്റ് അപ്‌ലോഡ് ചെയ്യുക.