ഒത്തിരി ഫോട്ടോകൾ ഒരുമിച്ച് എഡിറ്റ് ചെയ്യാം; ഐഒഎസ് 16ലെ അടിപൊളി ഫീച്ചർ

അതായത് ഒരുപാട് ഫോട്ടോകളിൽ ഒരേ സമയം മാറ്റങ്ങൾ കൊണ്ട് വരാൻ കഴിയുമെന്ന് സാരം. ഒരു ഫോട്ടോയിൽ നടത്തുന്ന എഡിറ്റുകൾ കോപ്പി ചെയ്ത് നിങ്ങൾ സെലക്റ്റ് ചെയ്യുന്ന ഫോട്ടോകളിൽ എല്ലാം പേസ്റ്റ് ചെയ്താണ് ഇത് സാധ്യമാക്കുന്നത്. നവമാധ്യമങ്ങളിൽ പോസ്റ്റ് ചെയ്യാനുള്ള ചിത്രങ്ങൾ എഡിറ്റ് ചെയ്യുന്നവർക്കും മറ്റും ഏറെ ഉപകാരപ്രദം ആകുന്ന ഫീച്ചർ ആയിരിക്കും ഇത്.

ബൾക്ക് ആയി ഫോട്ടോകൾ എഡിറ്റ് ചെയ്യുന്ന ഈ ഫീച്ചറിനെ ആരാധകർ "ബാച്ച് എഡിറ്റ്" എന്നാണ് വിളിക്കുന്നത്. വലിയ സ്വീകാര്യതയും ആരാധകർക്കിടയിൽ ബാച്ച് എഡിറ്റ് ഫീച്ചറിന് ലഭിച്ചിട്ടുണ്ട്. ഐഒഎസ് 16ലെ ബാച്ച് എഡിറ്റ് ഫീച്ചർ എങ്ങനെ ഉപയോഗിക്കണമെന്ന് അറിയാത്തവർ താഴേക്ക് വായിക്കുക. ബാച്ച് എഡിറ്റിങ് ഫീച്ച‍ർ ഉപയോ​ഗരീതികൾ തുട‍‍ർന്ന് വിവരിച്ചിട്ടുണ്ട്.

ഐഫോണിൽ ഫോട്ടോകൾ ബാച്ച് എഡിറ്റ് ചെയ്യാം

ഘട്ടം 1 : നിങ്ങൾ പുതിയ ഐഒഎസ് 16ലേക്ക് ഐഫോൺ അപ്‌ഡേറ്റ് ചെയ്‌ത് എല്ലാം സെറ്റ് ചെയ്ത് കഴിഞ്ഞാൽ, ഫോട്ടോസ് ആപ്പിലേക്ക് പോകുക.
ഘട്ടം 2 : തുടർന്ന് നിങ്ങൾ എഡിറ്റ് ചെയ്യാൻ ആഗ്രഹിക്കുന്ന ഒരു ചിത്രം സെലക്റ്റ് ചെയ്യുക.
ഘട്ടം 3 : ചിത്രത്തിൽ ടാപ്പ് ചെയ്യുക.

ഘട്ടം 4 : എഡിറ്റ് ക്ലിക്ക് ചെയ്ത് നിങ്ങൾ ആഗ്രഹിക്കുന്ന എല്ലാ എഡിറ്റുകളും ആ ചിത്രത്തിൽ കൊണ്ട് വരിക.
ഘട്ടം 5 : ഇപ്പോൾ, വലത് കോണിലുള്ള ത്രീ ഡോട്ട് ഐക്കണിൽ ക്ലിക്ക് ചെയ്യുക.
ഘട്ടം 6 : കോപ്പി എഡിറ്റുകൾ സെലക്റ്റ് ചെയ്യുക. (ഇത് ചെയ്യുന്നതിലൂടെ, നിങ്ങൾ ചിത്രത്തിൽ വരുത്തിയ എല്ലാ മാറ്റങ്ങളും കോപ്പി ചെയ്യപ്പെടും).

ഘട്ടം 7 : ഇപ്പോൾ, മുകളിൽ ഇടത് വശത്തുള്ള ബാക്ക് ബട്ടണിൽ ക്ലിക്ക് ചെയ്ത് നിങ്ങൾ തിരികെ പോകേണ്ടതുണ്ട് (അതൊരു അമ്പടയാളമാണ്).
ഘട്ടം 8 : നിങ്ങൾ ഇപ്പോൾ ചെയ്ത എഡിറ്റുകൾ പേസ്റ്റ് ചെയ്യാൻ ആഗ്രഹിക്കുന്ന എല്ലാ ചിത്രങ്ങളും സെലക്റ്റ് ചെയ്യുക.

ഘട്ടം 9 : സെലക്റ്റ് ചെയ്ത് കഴിഞ്ഞാൽ, താഴെ വലത് വശത്തുള്ള ത്രീ ഡോട്ട് ഐക്കണിൽ ക്ലിക്ക് ചെയ്യുക.
ഘട്ടം 10 : അവസാനമായി, പേസ്റ്റ് എഡിറ്റ്സ് എന്ന ഓപ്ഷനിൽ ടാപ്പ് ചെയ്യുക.

അത്രയേയുള്ളൂ, നേരത്തെ കോപ്പി ചെയ്ത എല്ലാ എഡിറ്റുകളും നിങ്ങൾ സെലക്റ്റ് ചെയ്ത എല്ലാ ഫോട്ടോകളിലും പേസ്റ്റ് ആകും.

ഈ ഫീച്ചർ വളരെ സൗകര്യപ്രദമാണ്, നിലവിൽ ഐഒഎസ് 16 ഉള്ള ഐഫോണുകളിൽ ഇൻ ബിൽറ്റ് ഫീച്ചറായി മാത്രമാണ് ഈ ഫീച്ചർ ലഭിക്കുന്നത്. ഡബ്ല്യൂഡബ്ല്യൂഡിസി 2022 ഇവന്റിൽ ഈ ഫീച്ചറിന് വലിയ ശ്രദ്ധയോ പ്രചാരണമോ ആപ്പിൾ നടത്തിയിരുന്നില്ല. പകരം ആപ്പിളിന്റെ പ്രധാന ശ്രദ്ധ ലോക്ക് സ്‌ക്രീൻ കസ്റ്റമൈസേഷനിലായിരുന്നു.

ഐഒഎസ് 16ൽ വരുന്ന ചില ഫീച്ചറുകൾ

ലോക്ക്‌സ്‌ക്രീൻ അപ്‌ഡേറ്റ്

ഐഒഎസ് 16ലെ പുതിയ ലോക്ക് സ്‌ക്രീനിൽ നിരവധി ഓപ്ഷനുകൾ ഉണ്ട്. വെതർ സ്റ്റാറ്റസ്, കസ്റ്റം വാൾപേപ്പറുകൾ, പുതിയ ക്ലോക്ക് വിജറ്റ് എന്നിവയൊക്കെ പുതിയ ലോക്ക് സ്ക്രീനിൽ ലഭിക്കും. ലോക്ക് സ്‌ക്രീനിൽ പ്രസ് ചെയ്താൽ കസ്റ്റമൈസേഷൻ മെനു തുറന്ന് വരും. ഫസ്റ്റ് പാർട്ടി, തേർഡ് പാർട്ടി വിജറ്റുകൾക്കും പുതിയ ലോക്ക് സ്‌ക്രീനിൽ സപ്പോർട്ട് ലഭിക്കും. വാൾപേപ്പർ ഗാലറി ആക്സസും ഒരു ഫോട്ടോ ഷഫിൾ ഓപ്ഷനും ലോക്ക് സ്ക്രീനിൽ ലഭിക്കും.

നോട്ടിഫിക്കേഷൻസ്

നോട്ടിഫിക്കേഷൻസ് സൌകര്യം മൊത്തത്തിൽ പൊളിച്ച് പണിഞ്ഞിരിക്കുകയാണ് ആപ്പിൾ. സിംഗിൾ ഹാൻഡ് ഓപ്പറേഷൻ എളുപ്പമാക്കിയിട്ടുമുണ്ട്. ലോക്ക് സ്ക്രീൻ നോട്ടിഫിക്കേഷൻസിൽ സ്പോർട്സ് അപ്ഡേറ്റ്സ്, ഊബർ ട്രാക്കിങ്, മ്യൂസിക് കൺട്രോളിങ് തുടങ്ങിയ ഫീച്ചറുകളും ലഭ്യമാക്കിയിട്ടുണ്ട്. മോഡിനെ ആശ്രയിച്ച് വാൾപേപ്പറും വിജറ്റുകളും ഓട്ടോമാറ്റിക്കായി ചേഞ്ച് ചെയ്യാനും ഐഒഎസ് 16ൽ സൌകര്യം ഉണ്ട്.

മെസേജസ്

മെസേജ് ആപ്പിൽ അയച്ച മെസേജുകൾ എഡിറ്റ് ചെയ്യാനും ഡിലീറ്റ് ചെയ്യാനും ഉള്ള ഓപ്ഷൻ ഐഒഎസ് 16ൽ ലഭ്യമാണ്. മെസേജിങ് എക്സ്പീരിയൻസ് കൂടുതൽ ഇന്ററാക്ടീവ് ആക്കുകയാണ് ആപ്പിൾ. ഷെയർപ്ലെയ്ക്കുള്ള ബിൽറ്റ് ഇൻ സപ്പോർട്ടും മെസേജസിൽ കൊണ്ട് വരികയാണ് ആപ്പിൾ. മെസേജസ് ആപ്പിലെ ഡിക്റ്റേഷൻ എക്സ്പീരിയൻസും മെച്ചപ്പെടുത്തിയിട്ടുണ്ട്.

ഐഒഎസ് 16 സപ്പോർട്ട് ലഭിക്കുന്ന ഡിവൈസുകൾ

• ആപ്പിൾ ഐഫോൺ 8
• ആപ്പിൾ ഐഫോൺ 8 പ്ലസ്
• ആപ്പിൾ ഐഫോൺ എക്സ്
• ആപ്പിൾ ഐഫോൺ എക്സ്എസ്
• ആപ്പിൾ ഐഫോൺ എക്സ്എസ് മാക്സ്
• ആപ്പിൾ ഐഫോൺ എക്സ്ആർ
• ആപ്പിൾ ഐഫോൺ എസ്ഇ
• ആപ്പിൾ ഐഫോൺ 11
• ആപ്പിൾ ഐഫോൺ 11 പ്രോ
• ആപ്പിൾ ഐഫോൺ 11 പ്രോ മാക്സ്



• ആപ്പിൾ ഐഫോൺ 12 മിനി
• ആപ്പിൾ ഐഫോൺ 12 മിനി
• ആപ്പിൾ ഐഫോൺ 12
• ആപ്പിൾ ഐഫോൺ 12 പ്രോ
• ആപ്പിൾ ഐഫോൺ 12 പ്രോ മാക്സ്
• ആപ്പിൾ ഐഫോൺ 13 മിനി
• ആപ്പിൾ ഐഫോൺ 13
• ആപ്പിൾ ഐഫോൺ 13 പ്രോ
• ആപ്പിൾ ഐഫോൺ 13 പ്രോ മാക്സ്
• ആപ്പിൾ ഐഫോൺ എസ്ഇ 2022