നിങ്ങളുടെ ഐഫോണിൽ പുതിയ ഐഒഎസ് സോഫ്റ്റ്വെയർ അപ്‌ഡേറ്റ് ചെയ്യുന്നതെങ്ങനെ?

നിങ്ങളുടെ ഐഫോൺ സോഫ്റ്റ്വെയർ എങ്ങനെ അപ്ഡേറ്റ് ചെയ്യാം ?

നിങ്ങളുടെ ഐഫോൺ സോഫ്റ്റ്വെയർ അപ്ഡേറ്റ് ചെയ്യുന്നതിന് ഒന്നിലധികം മാർഗങ്ങളുണ്ട്. ചാർജ് ചെയ്യുമ്പോൾ നിങ്ങളുടെ ഫോൺ ഒറ്റരാത്രികൊണ്ട് സ്വായമേവ അപ്ഡേറ്റ് ചെയ്യുന്നതിനായി ഇത് ഓട്ടോമാറ്റിക് മോഡിൽ ക്രമീകരിക്കുക എന്നതാണ് ഏറ്റവും എളുപ്പമുള്ള ഒരു വഴി. എന്നാൽ, ഡൗൺ‌ലോഡ് പാറ്റേണുകളുടെ ചുമതല ഏറ്റെടുക്കാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾക്ക് അപ്ഡേറ്റ് ചെയ്യാനുള്ള രണ്ട് വഴികൾ ഇവിടെ പറയുന്നുണ്ട്. ഒന്ന് നിങ്ങളുടെ ഐഫോൺ വഴിയുള്ള വയർലെസ് രീതിയാണ്, മറ്റൊന്ന് മാക് കമ്പ്യൂട്ടർ ഉപയോഗിച്ചുള്ളതും. ഈ വഴികൾ വിശദീകരിക്കാൻ തുടങ്ങുന്നതിനുമുമ്പായി നിങ്ങളുടെ ഡാറ്റ ബാക്കപ്പ് ചെയ്യേണ്ടത് അനിവാര്യമാണ്.

വയർലെസായി നിങ്ങളുടെ ഐഫോൺ അപ്‌ഡേറ്റ് ചെയ്യുന്നതെങ്ങനെ ?

• നിങ്ങളുടെ ഐഫോൺ ഒരു ചാർജറുമായി ബന്ധിപ്പിക്കുക. നിങ്ങളുടെ വൈ-ഫൈ കണക്ഷൻ ഉറപ്പാക്കുക. ഇതിന് വൈ-ഫൈ ആവശ്യമാണെന്നും ഒരു മൊബൈൽ ഡാറ്റ കണക്ഷനിൽ ഇത് ചെയ്യാൻ കഴിയില്ലെന്നുമുള്ള കാര്യം ശ്രദ്ധിക്കുക.
• നിങ്ങളുടെ ഐഫോണിൽ 'Settings > General > Software Update' എന്ന ഓപ്ഷനിലേക്ക് പോവുക.
• ഒരു പുതിയ അപ്‌ഡേറ്റ് ലഭ്യമാണെങ്കിൽ, ഐഓഎസ് അപ്‌ഡേറ്റിനെക്കുറിച്ചും അതിൻറെ ചേഞ്ച്‌ ലോഗിനെക്കുറിച്ചും വിശദാംശങ്ങൾ പറയും. അത് മതിയെങ്കിൽ ഡൗൺലോഡ് ചെയ്ത് ഇൻസ്റ്റാൾ ഓപ്ഷനിൽ ക്ലിക്കുചെയ്യുക. നിങ്ങളുടെ ഡൗൺലോഡ് ഇപ്പോൾ ആരംഭിക്കും. ഇന്റർനെറ്റ് കണക്ഷൻ വേഗതയെ ആശ്രയിച്ചിരിക്കും ഡൗൺലോഡ് പ്രക്രിയ.
• ഡൗൺലോഡ് പൂർത്തിയായിക്കഴിഞ്ഞാൽ 'INSTALL NOW' എന്ന ഓപ്ഷൻ ക്ലിക്ക് ചെയ്യുക.
• ഇൻസ്റ്റാളേഷൻ പ്രക്രിയ ആരംഭിക്കുന്നതിന് മുമ്പ് നിങ്ങളുടെ ഐഫോൺ പാസ്‌കോഡ് / പാസ്‌വേഡ് / വിരലടയാളം ആവശ്യപ്പെടും. ആവശ്യമായ വിവരങ്ങൾ നൽകിയാൽ ഇൻസ്റ്റാൾ പ്രക്രിയ ആരംഭിക്കും.
• ഇൻസ്റ്റാളേഷൻ പ്രക്രിയ പൂർത്തിയായാൽ, ഐഫോൺ റീബൂട്ട് ചെയ്യും.
• നിങ്ങൾക്ക് ഐഒഎസ്‌ 12 അല്ലെങ്കിൽ അതിനുശേഷം വരുന്ന ഐഫോണാണ് ഉള്ളതെങ്കിൽ ചാർജ് ചെയ്യുമ്പോൾ ഒറ്റരാത്രികൊണ്ട് സ്വയമേവ അപ്‌ഡേറ്റ് ചെയ്യാനാകും. ഓട്ടോമാറ്റിക് അപ്‌ഡേറ്റുകൾ ഓണാക്കാനായി 'Settings > General > Software Update > Customize Automatic Updates' ഓപ്ഷനിലേക്ക് പോകുക. തുടർന്ന്, ഐഒഎസ്‌ അപ്‌ഡേറ്റുകൾ ഇൻസ്റ്റാൾ ചെയ്യുക. നിങ്ങൾ ഫോൺ ഓണാക്കിയതിനുശേഷവും ചില അപ്‌ഡേറ്റുകൾ സ്വമേധയാ ഇൻസ്റ്റാൾ ചെയ്യേണ്ടതായി വരും.



നിങ്ങളുടെ കമ്പ്യൂട്ടർ ഉപയോഗിച്ച് നിങ്ങളുടെ ഐഫോൺ അപ്‌ഡേറ്റ് ചെയ്യുന്നതെങ്ങനെ ?

• വയർലെസ് രീതി നിങ്ങൾക്കായി പ്രവർത്തിക്കുന്നില്ലെങ്കിൽ, നിങ്ങൾക്ക് ഒരു കമ്പ്യൂട്ടർ ഉപയോഗിച്ച് അപ്‌ഡേറ്റ് ചെയ്യാൻ ശ്രമിക്കാം. അപ്‌ഡേറ്റ് ചെയ്യുന്നതിന് മുമ്പ് നിങ്ങൾക്ക് ഒരു വൈ-ഫൈ അല്ലെങ്കിൽ ഇഥർനെറ്റ് നെറ്റ്‌വർക്ക് ആവശ്യമാണ്.
• ചാർജിംഗ് കേബിൾ വഴി നിങ്ങളുടെ കമ്പ്യൂട്ടറിലേക്ക് ഐഫോൺ അല്ലെങ്കിൽ ഐപാഡ് കണക്റ്റ് ചെയ്യുക. macOS Catalina 10.15 യുള്ള മാക്കിൽ ഫൈൻഡർ തുറക്കുക. macOS Mojave 10.14 അല്ലെങ്കിൽ അതിനുമുമ്പുള്ള മാക്കിൽ അല്ലെങ്കിൽ പിസിയിൽ ഐട്യൂൺസ് തുറക്കുക.
• 'Download and Update' ഓപ്ഷനിൽ ക്ലിക്ക് ചെയ്യുക
• നിങ്ങളുടെ പാസ്‌കോഡ് ചോദിച്ചാൽ നൽകുക. ബാക്കിയുള്ള പ്രക്രിയകൾ പൂർത്തിയാക്കുവാൻ ഓൺ-സ്ക്രീൻ നിർദ്ദേശങ്ങൾ പാലിക്കുക.