പിഎം കിസാൻ യോജന: സമയ പരിധിക്കുള്ളിൽ ഇ കെവൈസി പൂർത്തിയാക്കാം

പിഎം കിസാൻ യോജന: ഇ കെവൈസി വിശദാംശങ്ങൾ

പ്രധാൻ മന്ത്രി കിസാൻ സമ്മാൻ നിധി യോജന അല്ലെങ്കിൽ പ്രധാനമന്ത്രി കിസാൻ യോജന കേന്ദ്ര സർക്കാരിന്റെ പ്രധാന പരിപാടികളിൽ ഒന്ന് ആണ്. ആനുകൂല്യങ്ങൾ ഗുണഭോക്താക്കൾക്ക് നേരിട്ട് ലഭിക്കുന്നുണ്ടെന്ന് ഉറപ്പാക്കാൻ വേണ്ടിയാണ് ഇ കെവൈസി ഫോം നിർബന്ധമാക്കുന്നത്. പ്രധാനമന്ത്രി കിസാൻ യോജനയുടെ ഇ കെവൈസി പൂർത്തിയാക്കാനുള്ള അവസാന തീയതി മാർച്ച് 25 ആണ്.

ഇനി മണിക്കൂറുകൾ മാത്രമാണ് പിഎം കിസാൻ വെബ്സൈറ്റിൽ കർഷകർക്കുള്ള ഇ കെവൈസി പൂർത്തിയാക്കാൻ ഉള്ളത്. പിഎം കിസാൻ ഇ കെവൈസി പൂർത്തിയാക്കുന്നത് വളരെ എളുപ്പം ചെയ്യാവുന്ന പ്രോസസുകളിൽ ഒന്നാണ്. ഇ കെവൈസി പൂർത്തിയാക്കുന്നതിനുള്ള ഡയറക്ട് ലിങ്കും ചുവടെ നൽകിയിരിക്കുന്നു. വളരെ ലളിതമായ സ്റ്റെപ്പുകൾ മാത്രമാണ് ഇ കെവൈസി ചെയ്യാൻ ഉള്ളത്. പ്രധാൻ മന്ത്രി കിസാൻ സമ്മാൻ നിധി യോജനയുടെ ഇ കെവൈസി പൂർത്തിയാക്കുന്നത് എങ്ങനെയെന്ന് അറിയാൻ തുടർന്ന് വായിക്കുക.

പിഎം കിസാൻ വെബ്‌സൈറ്റിൽ ഇ കെവൈസി പൂർത്തിയാക്കാം

പിഎം കിസാൻ വെബ്സൈറ്റിൽ ഇ കെവൈസി പ്രോസസ് പൂർത്തിയാക്കുന്നതിനുള്ള ഘട്ടങ്ങൾ ചുവടെ നൽകിയിരിക്കുന്നു.

• ഇതിനായി ആദ്യം പിഎം കിസാൻ ഔദ്യോഗിക വെബ്സൈറ്റ് തുറക്കുക.
• നേരിട്ടുള്ള ആക്‌സസിനായി നിങ്ങൾക്ക് ഈ ലിങ്കിൽ ക്ലിക്ക് ചെയ്യാവുന്നതാണ് https://pmkisan.gov.in/
• ഘട്ടം 2: അടുത്തതായി, വെബ്‌പേജിന്റെ വലത് വശത്ത് ഇ കെവൈസി ഓപ്ഷൻ കാണാം, ഈ ബട്ടൺ സെലക്റ്റ് ചെയ്യുക
• ഇപ്പോൾ, ആവശ്യമായ വിശദാംശങ്ങൾ, അതായത് നിങ്ങളുടെ ആധാർ കാർഡ് നമ്പർ നൽകുക
• ഇ കെവൈസി പ്രോസസ് പൂർത്തിയാക്കാൻ നിങ്ങൾ ക്യാപ്‌ച കോഡും എന്റർ ചെയ്യണം



• അടുത്തതായി, ആധാർ കാർഡുമായി ലിങ്ക് ചെയ്‌തിരിക്കുന്ന നിങ്ങളുടെ മൊബൈൽ നമ്പർ നൽകാൻ പേജ് റീലോഡ് ചെയ്യും
• ഇവിടെ മൊബൈൽ നമ്പർ എന്റർ ചെയ്യണം
• തുടർന്ന്' ഗെറ്റ് ഒടിപി ' ബട്ടൺ സെലക്റ്റ് ചെയ്യണം.
• ശേഷം നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ ലഭിക്കുന്ന ഒടിപി എന്റർ ചെയ്യുക
• നിങ്ങളുടെ ഇ കെവൈസി പ്രോസസ് പൂർത്തിയാകും



പുതിയതായി നൽകിയ വിവരങ്ങൾ പ്രധാൻ മന്ത്രി കിസാൻ സമ്മാൻ നിധി യോജന പ്ലാറ്റ്ഫോമിലെ ക്രെഡൻഷ്യലുകളുമായി പൊരുത്തപ്പെടുന്നുണ്ടെന്ന് ഉപയോക്താക്കൾ ഉറപ്പ് വരുത്തണം. എങ്കിൽ മാത്രമെ ഇ കെവൈസി പ്രോസസ് പൂർത്തിയാകൂ. ഇല്ലെങ്കിൽ അത് ആസാധുവായതായി രേഖപ്പെടുത്തും. ഈ സാഹചര്യത്തിൽ, ഉപയോക്താക്കൾ ആധാർ സേവാ കേന്ദ്രവുമായി ബന്ധിപ്പെടേണ്ടി വരും.



പിഎം കിസാൻ രജിസ്റ്റർ ചെയ്ത കർഷകർക്ക് ഇ കെവൈസി നിർബന്ധമാണ് എന്ന് പ്രധാൻ മന്ത്രി കിസാൻ സമ്മാൻ നിധി യോജനയുടെ വെബ്സൈറ്റിൽ നൽകിയിട്ടുണ്ട്. ആധാർ അടിസ്ഥാനമാക്കിയുള്ള ഒടിപി ഒതന്റിക്കേഷനും ബയോമെട്രിക് ഓതന്റിക്കേഷനുമായി ഫാർമർ കോർണറിലെ ഇ കെവൈസി ഓപ്ഷനിൽ ക്ലിക്ക് ചെയ്യാൻ നിർദേശിച്ചിരിക്കുന്നു. അടുത്തുള്ള സിഎസ്സി സെന്റർ വഴിയും ഇത് ചെയ്യാൻ കഴിയും.