എല്ലാമേ പോച്ച്! ചാറ്റ് പോകുമെന്നോർത്ത് വാട്ട്‌സ്ആപ്പ് അക്കൗണ്ട് ഡിലീറ്റ് ആക്കാതിരിക്കണ്ട..അതിനും വഴിയുണ്ട്

നിങ്ങൾ വാട്ട്‌സ്ആപ്പിൽ നിന്ന് മാറുന്നതിനെ കുറിച്ച് ചിന്തിക്കുകയാണെങ്കിലും നിങ്ങളുടെ ചാറ്റുകൾ നിലനിർത്താൻ ആഗ്രഹിക്കുന്നുവെങ്കിൽ, ഈ ലളിതമായ ഗൈഡ് നിങ്ങൾക്ക് ആവശ്യമാണ്. നിങ്ങളുടെ വാട്ട്‌സ്ആപ്പ് ചാറ്റുകളും ഹിസ്റ്ററിയും നിങ്ങൾക്ക് എക്‌സ്‌പോർട്ട് ചെയ്യാം. നിങ്ങളുടെ ചാറ്റുകൾ സൂക്ഷിച്ചുകൊണ്ട് തന്നെ നിങ്ങളുടെ അക്കൗണ്ട് സുരക്ഷിതമായി ഇല്ലാതാക്കാൻ നിങ്ങളെ അനുവദിക്കുന്നു. ഓർക്കുക, ഒരിക്കൽ നിങ്ങളുടെ വാട്ട്‌സ്ആപ്പ് അക്കൗണ്ട് ഇല്ലാതാക്കിയാൽ, അതിലേക്കുള്ള ആക്‌സസ് നിങ്ങൾക്ക് തിരികെ ലഭിക്കില്ല. നിങ്ങളുടെ അക്കൗണ്ട് ഡിലീറ്റ് ചെയ്യുന്നതിന് 90 ദിവസം വരെ എടുത്തേക്കാമെന്ന് മുമ്പ് ഫേസ്‍ബുക്ക് കമ്പനി ആയ മെറ്റാ പറയുന്നു.

ഈ സമയത്ത്, നിങ്ങളുടെ വിവരങ്ങളും വാട്ട്‌സ്ആപ്പിൽ ആക്‌സസ് ചെയ്യാൻ കഴിയില്ല. എങ്കിലും ബാക്കപ്പ് കോപ്പികൾ നിലനിൽക്കും. വാട്ട്‌സ്ആപ്പ് അക്കൗണ്ട് ഡിലീറ്റ് ചെയ്താലും മറ്റുള്ളവർക്ക് നിങ്ങൾ അയച്ച സന്ദേശങ്ങൾ പോലും നിങ്ങൾക്ക് കാണാൻ കഴിയും. ആപ്പ് ഉപയോഗിച്ചിരുന്ന സമയത്ത് മെറ്റാ ചില ലോഗ് ഡാറ്റയും സൂക്ഷിച്ചേക്കാം.

എന്നാൽ ഡിലീറ്റ് ആക്കിയ അക്കൗണ്ടിലെ തിരിച്ചറിയുന്ന ഏതെങ്കിലും വിവരങ്ങളിൽ നിന്ന് അത് ഡിലീറ്റ് ആക്കപ്പെടും. ഒരിക്കൽ ഇല്ലാതാക്കിയാൽ നിങ്ങളുടെ അക്കൗണ്ട് ഡാറ്റ നിങ്ങൾക്ക് തിരികെ ലിങ്ക് ചെയ്യാൻ കഴിയില്ലെന്ന് ഇത് ഉറപ്പാക്കുന്നു. വാട്ട്‌സ്ആപ്പ് അക്കൗണ്ട് ഡിലീറ്റ് ചെയ്യുന്നതിനും ഡാറ്റ സേവ് ചെയ്യുന്നതിനും എന്തൊക്കെ കാര്യങ്ങൾ ചെയ്യണം എന്ന് നോക്കാം.

ഘട്ടം 1: നിങ്ങളുടെ വാട്ട്‌സ്ആപ്പ് ചാറ്റുകൾ എക്സ്പോർട്ട് ചെയ്യുക. അതിനായി വാട്ട്‌സ്ആപ്പ് ഓപ്പൺ ആക്കി സെറ്റിംഗ്സ് എടുക്കുക. ചാറ്റുകൾ തിരഞ്ഞെടുത്ത ശേഷം ചാറ്റ് ബാക്കപ്പിൽ ടാപ്പ് ചെയ്യുക. Back up to Google Drive എന്ന ഓപ്‌ഷൻ തിരഞ്ഞെടുത്ത് ബാക്കപ്പ് ഫ്രീക്വൻസിയിൽ Only when I tap Back up എന്ന് സെറ്റ് ചെയ്യുക. നിങ്ങളുടെ ഗൂഗിൾ അക്കൗണ്ട് തിരഞ്ഞെടുക്കുക അല്ലെങ്കിൽ പുതിയൊരെണ്ണം ആഡ് ആക്കുക. ശേഷം ബാക്കപ്പ് പ്രക്രിയ ആരംഭിക്കാൻ 'ബാക്കപ്പ്' ടാപ്പ് ചെയ്യുക.

ഘട്ടം 2: ചാറ്റ് ഹിസ്റ്ററി എക്സ്പോർട്ട് ചെയ്യുക. നിങ്ങൾക്ക് എക്‌സ്‌പോർട്ട് ചെയ്യാനാഗ്രഹിക്കുന്ന ചാറ്റ് തുറക്കുക. More options ടാപ്പ് ചെയ്യുക (മുകളിലുള്ള മൂന്ന് ഡോട്ടുകൾ). More ക്ലിക്ക് ചെയ്ത് ചാറ്റ് എക്‌സ്‌പോർട്ട് ചെയ്യുക. മീഡിയ ഉപയോഗിച്ച് എക്സ്പോർട്ട് ചെയ്യണമെങ്കിൽ include media സെലക്ട് ആക്കുക. മീഡിയ ഉപയോഗിച്ച് അല്ലാതെ എക്‌സ്‌പോർട്ട് ചെയ്യണമെങ്കിൽ without media തിരഞ്ഞെടുക്കുക. നിങ്ങളുടെ ചാറ്റ് ഹിസ്റ്ററി അയയ്‌ക്കുന്നതിനുള്ള പ്ലാറ്റ്ഫോം തിരഞ്ഞെടുക്കുക (ഇമെയിൽ, ഗൂഗിൾ ഡ്രൈവ് മുതലായവ).

ഘട്ടം 3: നിങ്ങളുടെ വാട്ട്‌സ്ആപ്പ് അക്കൗണ്ട് ഇല്ലാതാക്കുക. വാട്ട്‌സ്ആപ്പ് തുറന്ന് more options ടാപ്പ് ചെയ്യുക (മുകളിൽ വലതുവശത്തുള്ള മൂന്ന് ഡോട്ട്). സെറ്റിംഗ്സ് ഓപ്പൺ ആക്കുക. അക്കൗണ്ട് തിരഞ്ഞെടുക്കുക. delete my account ടാപ്പ് ചെയ്യുക. പൂർണ്ണ അന്താരാഷ്ട്ര ഫോർമാറ്റിൽ നിങ്ങളുടെ ഫോൺ നമ്പർ നൽകുക. എൻ്റെ അക്കൗണ്ട് ഇല്ലാതാക്കുക എന്നതിൽ ടാപ്പ് ചെയ്യുക. ഡ്രോപ്പ്ഡൗണിൽ നിന്ന് ഇല്ലാതാക്കുന്നതിനുള്ള കാരണം തിരഞ്ഞെടുക്കുക. ശേഷം delete my account ടാപ്പ് ചെയ്യുക.

നിങ്ങളുടെ അക്കൗണ്ട് ഇല്ലാതാക്കുന്നതിന് മുമ്പ് ആവശ്യമായ എല്ലാ ഡാറ്റയും എക്സ്‌പോർട്ട് ചെയ്‌തുവെന്ന് ഉറപ്പാക്കുക. അക്കൗണ്ട് ഇല്ലാതാക്കുമ്പോൾ നിങ്ങളുടെ ചാറ്റ് ഹിസ്റ്ററി ഡിലീറ്റ് ആകുകയും എല്ലാ ഗ്രൂപ്പുകളിൽ നിന്നും നിങ്ങളെ നീക്കം ചെയ്യുകയും നിങ്ങളുടെ ഗൂഗിൾ ഡ്രൈവ് ബാക്കപ്പ് ഇല്ലാതാക്കുകയും ചെയ്യും. നിങ്ങളുടെവാട്ട്‌സ്ആപ്പ് അക്കൗണ്ട് ഇല്ലാതാക്കിയതിന് ശേഷം മെറ്റാ നിലനിർത്തുന്ന ഡാറ്റയെ കുറിച്ച് കൂടുതലറിയാൻ, വിശദമായ വിവരങ്ങൾക്കും പ്ലാറ്റ്‌ഫോം നിർദ്ദിഷ്‌ട നിർദ്ദേശങ്ങൾക്കും ഔദ്യോഗിക വാട്ട്‌സ്ആപ്പ് ഹെല്പ് സെന്റർ വെബ്‌സൈറ്റ് സന്ദർശിക്കുക.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ഫോൺ ലോഞ്ചുകൾ എന്നിവ എല്ലാം അറിയാൻ gizbot മലയാളം പേജ് നിരന്തരം ഫോളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.