വാട്ട്‌സാപ്പിലെ പുതിയ സവിശേഷതകള്‍ സുരക്ഷിതമാണോ?

മൈ സ്റ്റാറ്റസ് എങ്ങനെ ഉപയാഗിക്കാം?

നിങ്ങള്‍ വാട്ട്‌സാപ്പ് തുറന്നതിനു ശേഷം പ്രധാന സ്‌ക്രീനില്‍ കാണുന്ന സ്റ്റാറ്റസ് എന്ന ടാബ് തുറന്നാല്‍ മറ്റുളളവരുടെ സ്റ്റാറ്റസ് കാണാന്‍ സാധിക്കും. പുതിയ സ്റ്റാറ്റസ് ഇടാനായി മുകളില്‍ കാണുന്ന മൈ സ്റ്റാറ്റസ് എന്ന ഓപ്ഷന്‍ എടുക്കണം. സ്റ്റാറ്റസ് ചേര്‍ത്ത് 24 മണിക്കൂര്‍ കഴിയുമ്പോള്‍ ഇത് സ്വയം നീക്കപ്പെടും. ഉപഭോക്താവിന് ഇത് സ്വയം നീക്കാനുളള സൗകര്യവും ഉണ്ട്. മറ്റുളളവരുടെ സ്റ്റാറ്റസിന് റിപ്ലേ ഓപ്ഷന്‍ ഉപയോഗിച്ച് കമന്റിടാനുളള സൗകര്യവും ഇതിലുണ്ട്.

വേണ്ടത്ര സൂക്ഷിച്ചില്ലെങ്കില്‍ പ്രശ്‌നമാകും

ഈ പുതിയ സ്റ്റാറ്റസ് ശ്രദ്ധിച്ചില്ലെങ്കില്‍ നിങ്ങള്‍ക്കു തന്നെ പ്രശ്‌നമാകും. അതായത് നമ്മുടെ ഫോണില്‍ സ്‌റ്റോര്‍ ചെയ്തിട്ടുളള എല്ലാ കോണ്‍ടാക്റ്റുകളും വാട്ട്‌സാപ്പിലെ ഫ്രണ്ട്‌സ് ലിസ്റ്റില്‍ സ്വമേധയ വന്നു ചേരുന്നതാണ്. അതിനാല്‍ നിരവധി ആവശ്യമില്ലാത്ത ഫ്രണ്ട്‌സും ഇതില്‍ വന്നു ചേരും.

ശ്രദ്ധിക്കാതിരുന്നാല്‍

ഫോട്ടോകളും വീഡിയോകളും ജിഫ് ഫയലുകളും അയക്കാവുന്ന രീതിയിലാണ് പുതിയ ഫീച്ചര്‍ അപ്‌ഡേറ്റ് ചെയ്തിരിക്കുന്നത്. നമ്മള്‍ ശ്രദ്ധിക്കാതെ നമ്മുടെ ഫോട്ടോകളോ വീഡിയോകളോ അയച്ചാല്‍ സ്വാഭാവികമായും അത് നമ്മുടെ കോണ്ടാക്റ്റ് ലിസ്റ്റില്‍ നമ്മള്‍ ആഗ്രഹിക്കാത്തവര്‍ക്കും എത്തുന്നു.

ഇതിനു പരിഹാരമുണ്ട്

എന്നാല്‍ ഈ പ്രശ്‌നത്തിനു പിഹാരം വാട്ട്‌സാപ്പ് തന്നെ നിര്‍ദ്ദേശിച്ചിട്ടുണ്ട്. അതായത് നമ്മള്‍ അയ്ക്കുന്ന സ്റ്റാറ്റസ് ആരൊക്കെ കാണണമെന്ന് നമുക്ക് തന്നെ തീരുമാനിക്കാം. അതിനായി സ്റ്റാറ്റസ് വിന്‍ഡോയുടെ വലതു ഭാഗത്ത് കാണുന്ന മെനുവില്‍ സ്റ്റാറ്റസ് പ്രൈവസി കാണാം. ഇതില്‍ നിന്നും നിങ്ങളുടെ സ്റ്റാറ്റസ് കാണാന്‍ ആഗ്രഹിക്കുന്നവരെ നിങ്ങള്‍ക്കു തന്നെ തീരുമാനിക്കാം. അങ്ങനെ നിങ്ങള്‍ക്കു തന്നെ വാട്ട്‌സാപ്പ് സവിശേഷത സംരക്ഷിക്കാം.