ആപ്പിളിന്റെ നിലവിലെ പ്രശ്‌നങ്ങള്‍ പരിഹരിക്കും ഈ ഐഫോണ്‍; 10 കാരണങ്ങള്‍ ഇവയാണ്

റീസെയില്‍

ആപ്പിള്‍ തങ്ങളുടെ ഐഫോണ്‍ SE മോഡലിനെ ജനുവവരി 21ന് വീണ്ടും വിപണിയിലെത്തിക്കുകയുണ്ടായി. റീസെയില്‍ ടാഗിലെത്തിയ ഐഫോണ്‍ SE യുടെ വില്‍പ്പന മണിക്കൂറുകള്‍ മാത്രമാണ് നീണ്ടുനിന്നത്. കാരണം ആവശ്യക്കാര്‍ ഏറിയതുതന്നെ.

ആദ്യ തലമുറ ഫോണ്‍ വില്‍പ്പനയില്‍ താരം

രണ്ടുവര്‍ഷം മുന്‍പ് ആദ്യ തലമുറ ഐഫോണ്‍ SE യെ കമ്പനി അവതരിപ്പിച്ചപ്പോള്‍ വിപണിയില്‍ വലിയ ചലനമാണ് സംഭവിച്ചത്. കരുത്തന്‍ പ്രോസസ്സറും മറ്റ് സവിശേഷതകളും സമാനതകളില്ലാത്തതായിരുന്നു. അക്കാലത്തെ ആപ്പിളിന്റെ പ്രീമിയം മോഡലായിരുന്നു ഇത്.

വിശ്വാസ്യത ഇപ്പോഴും ആപ്പിളില്‍ തന്നെ

ആപ്പിള്‍ ഫോണുകളെ മാത്രം സ്‌നേഹിക്കുന്ന ലക്ഷക്കണക്കിനു പേരുണ്ട് ഇപ്പോഴും. ഐഫോണ്‍ 7, ഐഫോണ്‍ 7പ്ലസ് ഉള്‍പ്പടെയുള്ള മോഡലുകള്‍ വാങ്ങിക്കൂട്ടിയത് നിരവധിപേരാണ്. എന്നാല്‍ ഐഫോണ്‍ SEയുടെ വില പലരുടെയും പോക്കറ്റ് പൊള്ളിച്ചു എന്നതാണ് സത്യം.

 

ആന്‍ഡ്രോയിഡ്-ഐഫോണുകളുടെ വില

സാമാന്യം ഫീച്ചറുകള്‍ ഉള്‍ക്കൊള്ളിച്ച് ഐഫോണ്‍ പുറത്തിറക്കിയ വിലകുറഞ്ഞ ഫോണാണ് ഐഫോണ്‍ XR. വിലയാകട്ടെ 76,900 രൂപ. അതായത് ഒരു ആന്‍ഡ്രോയിഡ് അധിഷ്ഠിത പ്രീമിയം സ്മാര്‍ട്ട്‌ഫോണിനെക്കാളും എത്രയോ അധികം രൂപ. എന്നാല്‍ ആപ്പിളിന്റെ കണക്കനുസരിച്ച് ഐ-ഫോണ്‍ XR ഏറ്റവും കൂടുതല്‍ വില്‍പ്പന നടന്ന മോഡലാണ്.

ഐഫോണ്‍ SE; വിലയിലെ താരം

ഹൈ-എന്റ് ഫീച്ചറുകളാണ് ഐഫോണ്‍ SEയില്‍ ഉള്‍ക്കൊള്ളിച്ചിരിക്കുന്നത്. അതുകൊണ്ടുതന്നെയാണ് വില ആദ്യം ഉയര്‍ന്നുനിന്നത്. എന്നാലിപ്പോള്‍ വില കുറച്ചതോടെ മികച്ച മോഡലായി മാറുകയാണ് SE. കരുത്തന്‍ പ്രോസസ്സറും മറ്റ് സവിശേഷതകളും ഫോണിലുണ്ട്.

ഇന്ത്യന്‍ വിപണിയിലെ മുന്നേറ്റം

സ്മാര്‍ട്ട്‌ഫോണ്‍ വാങ്ങുമ്പോള്‍ ബ്രാന്‍ഡിനൊപ്പം വിലയ്ക്ക് വലിയ പ്രാധാന്യം നല്‍കുന്നവരാണ് ഇന്ത്യയിലുള്ളത്. മാത്രമല്ല ഐഫോണിന്റെ ലോകത്തിലെ ഏറ്റവും വലിയ രണ്ടാമത്തെ വിപണിയാണ് ഇന്ത്യ. അതുകൊണ്ടുതന്നെ ഐഫോണ്‍SE യുടെ ഇന്ത്യയിലെ വില്‍പ്പനയെ കമ്പനി ഉറ്റുനോക്കുന്നുണ്ട്.

വില കുറഞ്ഞത് വിപണിയെ സ്വാധീനിക്കും

ഐഫോണ്‍ XR വിലകുറഞ്ഞ ഫോണാണെങ്കിലും എല്‍.സി.ഡി ഡിസ്‌പ്ലേ മാത്രമാണുള്ളത്. വിലയാകട്ടെ 76,900 രൂപയും. വില കുറയുമ്പോള്‍ സവിശേഷതകളും കുറയും. എന്നാല്‍ അതിലും വിലക്കുറവില്‍ സാമാന്യം ആവശ്യമുള്ള ഫീച്ചറുമായി ഐഫോണ്‍ SE യുള്ളപ്പോള്‍ പ്രയോറിറ്റി തീര്‍ച്ചയായും ഈ മോഡലിനാകും.

ഐഫോണ്‍ തുടക്കക്കാര്‍ക്ക് താങ്ങാവുന്ന വില

തീര്‍ച്ചയായും ഐഫോണില്‍ തുടങ്ങുന്നവര്‍ക്ക് താങ്ങാവുന്ന വിലയാണ് ഐഫോണ്‍ SE ക്കുള്ളത്. പലരും ഐഫോണ്‍ വേണ്ടെന്നുവെയ്ക്കുന്നത് വില കാരണമാണല്ലോ... ഇതിനാണ് ഈ മോഡലിലൂടെ പരിഹാരമാകുന്നത്.

വണ്‍പ്ലസിന് ബദല്‍

ശ്രേണിയിലെ മികച്ച ആന്‍ഡ്രോയിഡ് ഫോണുകളാണ് വണ്‍പ്ലസ് നല്‍കുന്നത്. എന്നാല്‍ ഐഫോണ്‍ SE യുടെ വില്‍പ്പനയെ വണ്‍പ്ലുമായി ബന്ധിപ്പിക്കേണ്ട ആവശ്യമില്ല. കാരണം സാമാന്യം നല്ല ഫീച്ചറുകളും ഐഫോണ്‍ ബ്രാന്‍ഡ് വാല്യുവും എപ്പോഴും ഉയര്‍ന്നുനില്‍ക്കും.

ചെറിയ സ്‌ക്രീന്‍ ആവശ്യമുള്ളവര്‍ക്കായി

ചെറിയ സ്‌ക്രീനുകള്‍ ഇന്ന് ആര്‍ക്കും ആവശ്യമില്ലാത്തതായി മാറിയിരിക്കുകയാണ്. എന്നാലിപ്പോഴും ഒരു ബ്രാന്‍ഡുമാത്രം ഇതിനെ പ്രോത്സാഹിപ്പിക്കുന്നുണ്ട്. മറ്റാരുമല്ല, ഐഫോണ്‍ തന്നെ. ഐഫോണിന്റെ ചെറിയ സ്‌ക്രീന്‍ ഫോണിനാകട്ടെ ആവശ്യക്കാരും ഏറെ.

2025-ൽ ചന്ദ്രനിൽ ഖനനം നടത്താനൊരുങ്ങി യൂറോപ്യൻ സ്പേസ് ഏജൻസി