ലോകത്തെ മാറ്റിമറിച്ച 12 സ്മാര്‍ട്‌ഫോണുകള്‍!!!

#1

1983-ല്‍ ആദ്യ മൊബൈല്‍ ഫോണ്‍ പുറത്തിറക്കിയ മോട്ടറോള തന്നെയാണ് ഹാന്‍ഡ്‌സെറ്റുകളുടെ അടുത്ത ഘട്ടം വികസനത്തിനും തുടക്കമിട്ടത്ത്. 1996-ല്‍ പുറത്തിറക്കിയ ആദ്യത്തെ ഫ് ളിപ് ഫോണുമായി. അതുവരെ ലഭ്യമായിരുന്ന മൊബൈല്‍ ഫോണുകളേക്കാള്‍ ചെറുതായിരുന്നു മടക്കാവുന്ന സ്റ്റാര്‍ടാക് എന്ന ഈ ഫോണ്‍.

#2

പൂര്‍ണമായ കീബോഡ് സഹിതം പുറത്തിറങ്ങിയ ആദ്യ ഫോണാണ് നോകിയ 9000. QWERTY കീപാഡുമായി ബ്ലാക്‌ബെറി പോലും നോകിയയ്ക്കു പിന്നിലാണ് അവതരിച്ചത്.

#3

പറയത്തക്ക പുതുമ അവകാശപ്പെടാനില്ലെങ്കിലും കുറഞ്ഞ വിലയില്‍ ലഭ്യമായ കൂടുതല്‍ ബാറ്ററി ദൈര്‍ഖ്യവും ഉറപ്പുമുള്ള ഫോണായിരുന്നു നോകിയ 5110.

#4

ഫോട്ടോയെടുക്കാനും അത് മറ്റൊരാളുമായി ഷെയര്‍ ചെയ്യാനും സംവിധാനമുള്ള ആദ്യ മൊബൈല്‍ ഫോണായിരുന്നു ഷാര്‍പിന്റെ J-SH04. 0.1 എം.പി. ക്യാമറയാണ് ഫോണിലുണ്ടായിരുന്നത്. എന്നാല്‍ ആദ്യ ക്യാമറാ ഫോണ്‍ സാന്യോ SCH-V200 ആയിരുന്നു. എന്നാല്‍ ഇതില്‍ ഫോട്ടോകള്‍ എടുത്ത ശേഷം കമ്പ്യൂട്ടറിലേക്ക് ഡൗണ്‍ലോഡ് ചെയ്യണമായിരുന്നു. ഷെയര്‍ ചെയ്യാനുള്ള സംവിധാനം ഉണ്ടായിരുന്നില്ല.

#5

സ്മാര്‍ട്‌ഫോണുകളില്‍ വിപ്ലവത്തിനു തുടക്കമിട്ടത് ബ്ലാക്‌ബെറി 6210 ആണ്. ഇമെയില്‍, കീബോഡ് എന്നിവയ്ക്കു പുറമെ ഇന്റഗ്രേറ്റഡ് മൈക്രോഫോണും സ്പീക്കറും ഉണ്ടായിരുന്നു എന്നതാണ് ബ്ലാക്‌ബെറി 6210-ന്റെ പ്രത്യേകത. ബിസിനസ് ആവശ്യങ്ങള്‍ക്ക് ഏറ്റവും കൂടുതലായി ഉപയോഗിച്ചതും ഈ ഫോണായിരുന്നു.

#6

കട്ടി കുറഞ്ഞ ഫോണുകള്‍ക്ക് തുടക്കമിട്ടത് മോട്ടറോളയുടെ Razr V3 ആണ്. ഇന്ന് ഐ ഫോണുകള്‍ക്കുണ്ടായിരുന്ന പ്രചാരം മോട്ടറോളയുടെ ഈ ഫോണിന് അന്ന് ലഭിച്ചിരുന്നു.

#7

ബ്ലാക്‌ബെറിക്കു ശേഷം ബിസിനസ് എക്‌സിക്യുട്ടീവുകള്‍ കൂടുതലായി ഇഷ്ടപ്പെട്ട ഹാന്‍ഡ്‌സെറ്റായിരുന്നു പാം ട്രിയോ 650. ഇമെയില്‍ ഉള്‍പ്പെടെ ഔദ്യോഗിക ആവശ്യങ്ങള്‍ക്ക് അനുയോജ്യമായ ഘടകങ്ങളും നിലവാരമുള്ള വെബ് ബ്രൗസര്‍, ക്യാമറ, മ്യൂസിക് പ്ലെയര്‍, വീഡിയോ പ്ലെയര്‍ എന്നിവയും ഫോണിന്റെ പ്രത്യേകതകളായിരുന്നു.

#8

ആദ്യത്തെ കപ്പാസിറ്റീവ് ടച്ച് സ്‌ക്രീന്‍ ഫോണാണ് LG KE850 Prada. ടച്ച് സ്‌ക്രീന്‍ ഫോണുകള്‍ മുന്‍പും ഇറങ്ങിയെങ്കിലും സ്‌റ്റൈലസിന്റെ സഹായത്തോടെ മാത്രമെ അവ പ്രവര്‍ത്തിപ്പിക്കാന്‍ കഴിയുമായിരുന്നുള്ളു. എന്നാല്‍ എല്‍.ജി ഫോണ്‍ കൈകൊണ്ട്തന്നെ പ്രവര്‍ത്തിക്കാന്‍ കഴിഞ്ഞു.

#9

സ്മാര്‍ട്‌ഫോണുകളില്‍ പുതിയ അധ്യായം തുറന്നത് ആപ്പിളിന്റെ ഐ ഫോണായിരുന്നു. മുന്‍പ് ഇറങ്ങിയ പല ഫോണുകളിലും ഐ ഫോണിലേതിനു സമാനമായ ഫീച്ചറുകള്‍ ഉണ്ടായിരുന്നുവെങ്കിലും അവയെല്ലാം പുതുമയോടെ അവതരിപ്പിച്ചു എന്നതാണ് ഐ ഫോണിന്റെ മേന്മ.

#10

ആദ്യത്തെ ആന്‍ഡ്രോയ്ഡ് ഫോണാണ് ടി-മൊബൈല്‍ G1. ഇന്നു നിലനില്‍ക്കുന്ന ആന്‍ഡ്രോയ്ഡ് വിപ്ലവത്തിന്റെ തുടക്കവും ഇവിടെനിന്നായിരുന്നു.

#11

അധികം ആളുകള്‍ക്ക് പരിചിതമല്ലാത്ത ഫോണാണ് ഇത്. എങ്കിലും ഇന്ന് വ്യാപകമായി കാണുന്ന LTE സംവിധാനമുള്ള ആദ്യ ഫോണെന്ന ബഹുമതി സാംസങ്ങിന്റെ SCH-R900 ത്തിനു തന്നെ. യു.എസില്‍ മാത്രമാണ് ഇത് പുറത്തിറങ്ങിയത്.

#12

സാംസങ്ങിന്റെ ഗാലക്‌സി സീരീസുകളില്‍ മികച്ച അഭിപ്രായം നേടിയ ഫോണാണ് എസ് 3. ആപ്പിളിന്റെ ഐ ഫോണിന് ശക്തമായ വെല്ലുവിളി ഉയര്‍ത്താനും ഈ ഫോണിന് സാധിച്ചു.