മികച്ച ബാറ്ററി ബാക്കപ്പുള്ള 5 ആന്‍േഡ്രായ്ഡ് കിറ്റ്കാറ്റ് ഒ.എസ് സ്മാര്‍ട്‌ഫോണുകള്‍

#1

ബാറ്ററി ദൈര്‍ഖ്യത്തിന്റെ കാര്യത്തില്‍ സമാന റേഞ്ചില്‍ പെട്ട എല്ലാ ഫോണുകളെയും ലെനോവൊ S860 പിന്‍തള്ളുമെന്നതില്‍ തര്‍ക്കമില്ല. 4000 mAh ബാറ്ററിയാണ് ഇതിലുള്ളത്. ഒറ്റത്തവണ ചാര്‍ജ് ചെയ്താല്‍ 28 മണിക്കൂര്‍ ബാറ്ററി ബാക്അപ് ലഭിക്കുന്നുവെന്നതാണ് ഫോണിന്റെ പ്രത്യേകത. 16 മണിക്കൂര്‍ തുടര്‍ച്ചയായി വീഡിയോ പ്ലേ ചെയ്യാനും സാധിക്കും.

#2

2,200 mAh ബാറ്ററിയാണ് മോട്ടോ X-ല്‍ ഉള്ളത്. ഒറ്റ ചാര്‍ജില്‍ സാധാരണ ഉപയോഗമാണെങ്കില്‍ 24 മണിക്കൂര്‍ ചാര്‍ജ് ലഭിക്കുമെന്നാണ് കമ്പനി അവകാശപ്പെടുന്നത്. ബ്രൗസിംഗും ഗെയിമിംഗുമൊക്കെയാണെങ്കില്‍ പോലും 7 മണിക്കൂര്‍ മുതല്‍ 8 മണിക്കൂര്‍ വരെ ചാര്‍ജ് ലഭിക്കും.

#3

ഉയര്‍ന്ന ശ്രേണിയില്‍ പെട്ട സ്മാര്‍ട്‌ഫോണായ സാംസങ്ങ് ഗാലക്‌സി എസ് 5-ല്‍ 2800 mAh ബാറ്ററിയാണ് ഉള്ളത്. ഗാലക്‌സി എസ് 4-ലെ 2,600 mAh ബാറ്ററിയുമായി താരതമ്യം ചെയ്താല്‍ ഇത് ഏറെ മികച്ചതാണ്. സാധാരണ രീതിയില്‍ ഒരുദിവസം മുഴുവന്‍ ചാര്‍ജ് ലഭിക്കുമെന്നാണ് കമ്പനി അവകാശപ്പെടുന്നത്.

#4

2013-ല്‍ ലോഞ്ച് ചെയ്ത എല്‍.ജി ജി 2-വില്‍ 3000 mAh ബാറ്ററിയാണ് ഉള്ളത്. ലോഞ്ച് ചെയ്യുമ്പോള്‍ ആന്‍ഡ്രോയ്ഡ് കിറ്റ്കാറ്റ് ആയിരുന്നു ഒ.എസ് എങ്കിലും ഇപ്പോള്‍ ആന്‍ഡ്രോയ്ഡ് 4.4 കിറ്റ്കാറ്റ് അപ്‌ഗ്രേഡ് ചെയ്യാന്‍ സാധിക്കും. ഇതോടെ ബാറ്ററി ചാര്‍ജിന്റെ കാര്യത്തിലും കൂടുതല്‍ മികവ് കൈവന്നു.

#5

2300 mAh ബാറ്ററിയാണ് നെക്‌സസ് 5-ല്‍ ഉള്ളത്. ഒരുദിവസത്തില്‍ കൂടുതല്‍ ചാര്‍ജ് നില്‍ക്കുന്നുണ്ട് എന്നതാണ് നെക്‌സസ് 5-ന്റെ പ്രത്യേകത. വെബ് സര്‍ഫിംഗ്, യൂട്യുബ് വീഡിയോ, ഇമെയില്‍ എന്നിവയെല്ലാം ഉപയോഗിച്ചശേഷമാണ് ഇത്രയും ബാറ്ററി ബാക് അപ് ലഭിക്കുന്നത്.