ഇന്ത്യന്‍ സ്മാര്‍ട്‌ഫോണ്‍ വിപണിയിലെ മുന്‍നിരക്കാര്‍

#1

കഴിഞ്ഞ പാദത്തില്‍ 57 ലക്ഷം സ്മാര്‍ട്‌ഫോണുകളാണ് സാംസങ്ങ് ഇന്ത്യയില്‍ വിറ്റഴിച്ചത്. ഇതില്‍ 50 ശതമാനവും താഴ്ന്ന ശ്രേണിയില്‍ പെട്ട ഗാലക്‌സി സീരീസിലുള്ള ഫോണുകളായിരുന്നു.

#2

രണ്ടാം സ്ഥാനത്ത് ഇന്ത്യന്‍ കമ്പനിയായ മൈക്രോമാക്‌സ് ആണ്. 24 ലക്ഷം യൂണിറ്റ് ആണ് വിറ്റഴിച്ചത്. ബോള്‍ട്, കാന്‍വാസ് സീരീസിലുള്ള ഫോണുകള്‍ ആണ് ഇതില്‍ ഭുരിഭാഗവും.

#3

മറ്റൊരു ഇന്ത്യന്‍ ഹാന്‍ഡ്‌സെറ്റ് നിര്‍മാതാക്കളായ കാര്‍ബണ്‍ കഴിഞ്ഞ പാദത്തില്‍ 15 ലക്ഷം യൂണിറ്റുകള്‍ വില്‍പന നടത്തി. A1+, A51 എന്നീ മോഡലുകളാണ് കൂടുതല്‍ വിറ്റത്.

#4

ജപ്പാനീസ് കമ്പനിയായ സോണിയാണ് ഇന്ത്യയില്‍ നാലാം സ്ഥാനത്ത്. ഏകദേശം ഏഴരലക്ഷം ഫോണുകള്‍ കമ്പനി വില്‍പന നടത്തി. എക്‌സ്പീരിയ സിയും എക്‌സ്പീരിയ എം മോഡലുമാണ് ഇതില്‍ ഭൂരിഭാഗവും.

#5

അഞ്ചാം സ്ഥാനത്ത് ലാവയാണ്. 7 ലക്ഷം ഫോണുകള്‍ വിറ്റഴിച്ചു. ലാവയുടെ സോളൊ A500S, ഐറിസ് 402S, ഐറിസ് 349 എന്നിവയാണ് ഏറെ വിറ്റഴിഞ്ഞ മോഡലുകള്‍.