മോട്ടറോള മോട്ടോ E വാങ്ങാതിരിക്കാന്‍ 5 കാരണങ്ങള്‍!!!

Posted By:

മോട്ടറോളയുടെ ബഡ്ജറ്റ് ആനഡ്രോയ്ഡ് സ്മാര്‍ട്‌ഫോണായ മോട്ടോ E കഴിഞ്ഞ ദിവസമാണ് ലോഞ്ച് ചെയ്തത്. 6,999 രൂപയ്ക്ക് ലഭിക്കാവുന്ന ഏറ്റവും മികച്ച ഫോണ്‍ തന്നെയാണ് ഇതെന്നതില്‍ ആര്‍ക്കും തര്‍ക്കവുമില്ല. എന്നാല്‍ അതോടൊപ്പം ചില പോരായ്മകളും ഉണ്ട് ഈ ഫോണിന്. അതെന്തെല്ലാമെന്നാണ് ഇന്ന് ചര്‍ച്ച ചെയ്യുന്നത്. പ്രധാനമായും ക്യാമറതന്നെയാണ് ഇതില്‍ എടുത്തുപറയേണ്ടത്.

എന്നാല്‍ അതിനുമുമ്പായി ഫോണിന്റെ പ്രത്യേകതകള്‍ നോക്കാം. 4.3 ഇഞ്ച് qHD ഡിസ്‌പ്ലെ, 256 ppi പിക്‌സല്‍ ഡെന്‍സിറ്റി, കോര്‍ണിംഗ് ഗൊറില്ല ഗ്ലാസ് 3 പ്രൊട്ടക്ഷന്‍, 1.2 GHz ഡ്യവല്‍ കോര്‍ പ്രൊസസര്‍, 1 ജി.ബി. റാം, ആന്‍ഡ്രോയ്ഡ് 4.4 കിറ്റ്കാറ്റ് ഒ.എസ്, 5 എം.പി. പ്രൈമറി ക്യാമറ, 4 ജി.ബി. ഇന്റേണല്‍ മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി, 1980 mAh ബാറ്ററി.

ഇനി ഫോണിന്റെ പോരായ്മകള്‍ പരിശോധിക്കാം.

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

ഫ്രണ്ട് ക്യാമറയില്ല എന്നതാണ് മോട്ടോ E യുടെ പ്രധാന പോരായ്മകളില്‍ ഒന്ന്. സെല്‍ഫികള്‍ വ്യാപകമായ ഈ കാലത്ത് ഫ്രണ്ട് ക്യാമറ സ്മാര്‍ട്‌ഫോണില്‍ ഒരവിഭാജ്യ ഘടകം തന്നെയാണ് എന്ന വസ്തുത മോട്ടറോള മറന്നു.

 

ഹൈഡെഫ്‌നിഷ്യന്‍ വീഡിയോകള്‍ റെക്കോഡ് ചെയ്യാന്‍ സാധിക്കില്ല എന്നതാണ് മോട്ടോ E യുടെ മറ്റൊരു പരിമിതി. വില വച്ചു നോക്കുമ്പോള്‍ ഇതൊരു കുറവല്ലെങ്കിലും സ്മാര്‍ട്‌ഫോണില്‍ വീഡിയോ എടുക്കേണ്ടി വരുമ്പോള്‍ ഇത് പോരായ്മതന്നെയാണ്.

 

ഫ് ളാഷ് ഇല്ല എന്നതും മോട്ടോ E ക്യാമറയുടെ പ്രധാന കുറവാണ്. കുറഞ്ഞ വെളിച്ചമുള്ളപ്പോള്‍ ഫ് ളാഷ് ഇല്ലാതെ 5 എം.പി. ക്യാമറയില്‍ ചിത്രങ്ങള്‍ എടുത്താലുള്ള അവസ്ഥ എന്തായിരിക്കും എന്ന് ഊഹിക്കാവുന്നതേയുള്ളു.

 

മോട്ടോ E സ്മാര്‍ട്‌ഫോണില്‍ എടുക്കുന്ന ചിത്രങ്ങള്‍ക്ക് ശരാശരി നിലവാരമേ ഉണ്ടാകു എന്ന് വ്യക്തമാണ്. മികച്ച ക്യാമറകളുമായി ഇടത്തരം ശ്രേണിയില്‍ പെട്ട സ്മാര്‍ട്‌ഫോണുകള്‍ ഇറങ്ങുമ്പോള്‍ മോട്ടോ E ക്യാമറയുടെ കാര്യത്തില്‍ ഏറെ പിന്നിലാണ് എന്നതില്‍ തര്‍ക്കമില്ല.

 

4 ജി.ബി. ഇന്റേണല്‍ മെമ്മറിയാണ് മോട്ടോ E ക്കുള്ളത്. അതില്‍ 2.2 ജി.ബിയാണ് ഉപയോഗിക്കാന്‍ കഴിയുക. 32 ജി.ബി. എക്‌സ്പാന്‍ഡബിള്‍ മെമ്മറി ഉണ്ടെങ്കിലും കൂടുതല്‍ ആപ്ലിക്കേഷനുകള്‍ പ്രവര്‍ത്തിപ്പിക്കുമ്പോള്‍ ഫോണ്‍ സ്ലോ ആകും എന്നുറപ്പാണ്.

 

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

Please Wait while comments are loading...

Social Counting