ഏസര്‍ ലിക്വിഡ് ഗ്ലോ മൊബൈല്‍ ഫോണ്‍ മൂന്ന് നിറങ്ങളില്‍

By Shabnam Aarif

    ഏസര്‍ ലിക്വിഡ് ഗ്ലോ മൊബൈല്‍ ഫോണ്‍ മൂന്ന് നിറങ്ങളില്‍

     

    സ്‌പെയിനിലെ ബാര്‍സിലോണയില്‍ ആരംഭിച്ച മൊബൈല്‍ വേള്‍ഡ് കോണ്‍ഗ്രസില്‍ വെച്ച് ഏസറില്‍ നിന്ന് പുതിയൊരു മൊബൈല്‍ ഫോണ്‍ വരുന്നു. പിസി നിര്‍മ്മാതാക്കളായ ഏസറിന്റെ ഈ വര്‍ഷത്തെ ആദ്യ മൊബൈല്‍ ഫോണാകും ലിക്വിഡ് ഗ്ലോ.

    ആന്‍ഡ്രോയിഡിന്റെ ഏറ്റവും പുതിയ വേര്‍ഷനായ ഐസ്‌ക്രീം സാന്‍ഡ് വിച്ചില്‍ പ്രവര്‍ത്തിക്കുന്ന ഫോണ്‍ മിഡ്‌റേഞ്ച് ഹാന്‍ഡ്‌സെറ്റ് വിഭാഗത്തിലാകും ലഭ്യമാകുക.

    ലിക്വിഡ് ഗ്ലോയുടെ പ്രധാന സവിശേഷതകള്‍

    • 3.7 ഇഞ്ച് കപ്പാസിറ്റീവ് മള്‍ട്ടി ടച്ച്‌സ്‌ക്രീന്‍
     
    • 5 മെഗാപിക്‌സല്‍ ക്യാമറ
     
    • 512 എംബി റാം, 1ജിബി റോം
     
    • 32 ജിബി വരെ എസ്ഡി കാര്‍ഡ് പിന്തുണ
     
    • ലിഥിയം അയണ്‍ 1500 mAh ബാറ്ററി
     
    • 1 ജിഗാഹെര്‍ട് സിംഗിള്‍ കോര്‍ പ്രോസസര്‍
     

    ജിപിആര്‍എസ്, എഡ്ജ്, വൈഫൈ, ബ്ലൂടൂത്ത് സവിശേഷതകളുമായെത്തുന്ന ഗ്ലോ 2ജി, 3ജി നെറ്റ്‌വര്‍ക്കുകളെ പിന്തുണക്കും. ഓഡിയോ പ്ലെയര്‍, വീഡിയോ പ്ലെയര്‍, ഗെയിം സൗകര്യങ്ങളുണ്ടെങ്കിലും എഫ്എം റേഡിയോ ഈ മോഡലില്‍ വരുന്നില്ല.

    2ജിയില്‍ 750 മണിക്കൂറും 3ജിയില്‍ 576 മണിക്കൂറും സ്റ്റാന്‍ഡ്‌ബൈ ലഭിക്കും. 2ജിയില്‍ 840 മിനുട്ട്, 3ജിയില്‍ പരമാവധി 420 മിനുട്ട് എന്നിങ്ങനെ ടോക്ക്‌ടൈം ലഭിക്കുമെന്നാണ് കമ്പനി പറയുന്നത്.

    ആല്‍പൈന്‍ വൈറ്റ്, സകുറ പിങ്ക്, കാറ്റ്‌സ് ഐ ബ്ലാക്ക് എന്നി വിവിധ നിറങ്ങളിലാണ് ഈ സ്മാര്‍ട്‌ഫോണ്‍ എത്തുക. ഗൂഗിളിന്റെ പിക്കാസ, യുട്യൂബ് ഓണ്‍ലൈന്‍ സേവനങ്ങള്‍ ഹാന്‍ഡ്‌സെറ്റില്‍ ബില്‍റ്റ് ഇന്‍ ആണ്.

    X

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more