ആമസോൺ ഓഫർ ഉത്സവത്തിന് വാങ്ങാൻ ബെസ്റ്റ് ഡീൽ! വൺപ്ലസ് നോർഡ് സിഇ3 ​ലൈറ്റ് 5ജി 17,499 രൂപയ്ക്ക്!

സ്മാർട്ട്ഫോണുകൾക്ക് തലങ്ങും വിലങ്ങും ഓഫറുകൾ പ്രത്യക്ഷപ്പെട്ടുകൊണ്ടിരിക്കുകയാണ്. ആമസോണിലും ഫ്ലിപ്പ്കാർട്ടിലും ഉത്സവകാല ഓഫർ സെയിൽ ഒക്ടോബർ 8ന് ആരംഭിക്കുകയാണ്. സ്മാർട്ട്ഫോണുകൾ ഏറ്റവും വിലക്കുറവിൽ വാങ്ങാൻ ഇ-കൊമേഴ്സ് രംഗത്തെ വമ്പന്മാരായ ആമസോണും ഫ്ലിപ്പ്കാർട്ടും വൻ അ‌വസരമാണ് ഇതിലൂടെ തുറന്നിടുന്നത്. ഓഫറുകൾ പ്രയോജനപ്പെടുത്താനുള്ള തയാറെടുപ്പുകൾ ഇപ്പോഴേ ആരംഭിക്കാം.

ആമസോണിന്റെ ഈ വർഷത്തെ ഏറ്റവും വലിയ ഓഫർ സെയിലുകളിൽ ഒന്നായ ഗ്രേറ്റ് ഇന്ത്യൻ ഫെസ്റ്റിവൽ സെയിലിലെ ചില ഡീലുകൾ സംബന്ധിച്ച വിവരങ്ങൾ ഇതിനകം പുറത്തുവന്നിട്ടുണ്ട്. വൺപ്ലസ് അ‌ടുത്തിടെ പുറത്തിറക്കിയ 5ജി സ്മാർട്ട്ഫോണായ വൺപ്ലസ് നോർഡ് സിഇ3 ​ലൈറ്റ് മികച്ച വിലയിൽ സ്വന്തമാക്കാൻ ഓഫർ സെയിലിൽ അ‌വസരമുണ്ട്.

വൺപ്ലസ് നോർഡ് സിഇ3 ​ലൈറ്റ് 5ജിയെ ബെസ്റ്റ് സെല്ലിങ് സ്മാർട്ട്ഫോൺ എന്നാണ് ആമസോൺ വിശേഷിപ്പിച്ചിരിക്കുന്നത്. പുറത്തിറങ്ങി ചുരുങ്ങിയ നാളുകൾക്കുള്ളിൽ ഈ വിശേഷണം നേടിയെടുക്കാൻ ഈ വൺപ്ലസ് ഫോണിന് സാധിച്ചത് കുറഞ്ഞ വിലയിൽ മികച്ച ഫീച്ചറുകൾ വാഗ്ദാനം ചെയ്യുന്നു എന്നതുകൊണ്ടാണ്. ഈ വൺപ്ലസ് 5ജി ഫോൺ ഓഫർ സെയിലിൽ 17,499 രൂപയ്ക്ക് ആമസോണിൽ ലഭ്യമാകും.

ഗ്രേറ്റ് ഇന്ത്യൻ ഫെസ്റ്റിവൽ സെയിലിന്റെ ഡീലുകൾ വെളിപ്പെടുത്തുന്ന പേജ് ഇതിനകം ആമസോണിൽ പ്രത്യക്ഷപ്പെട്ടിട്ടുണ്ട്. ഈ പേജിലാണ് വൺപ്ലസ് നോർഡ് സിഇ3 ​ലൈറ്റ് 5ജി 17,499 രൂപയ്ക്ക് ലഭ്യമാകും എന്ന് വെളിപ്പെടുത്തിയിരിക്കുന്നത്. യഥാർത്ഥത്തിൽ 19,999 രൂപയാണ് ഈ ഫോണിന്റെ വിലയെന്ന് ആമസോൺ പറയുന്നു.

എങ്ങനെയാണ് വൺപ്ലസ് നോർഡ് സിഇ3 ​ലൈറ്റ് 17,499 രൂപയ്ക്ക് നൽകുന്നത് എന്ന് ആമസോൺ സ്പെഷ്യൽ പേജിൽ വിശദീകരിക്കുന്നുണ്ട്. ഈ ഫോണിന്റെ എംആർപി 19,999 രൂപ. ഓഫറൊന്നും ഇല്ലാതെ നിലവിൽ ഈ ഫോൺ വിൽക്കുന്നതും 19,999 രൂപയ്ക്ക് തന്നെയാണ്. കൂപ്പ​ൺ ഡിസ്കൗണ്ടായി ഈ ഫോണിന്റെ വിലയിൽ 1000 രൂപ ഇളവ് ലഭിക്കും.

1000 രൂപ കൂപ്പൺ ഡിസ്കൗണ്ടിന് പുറമേ, ബാങ്ക് ഡിസ്കൗണ്ട് ആയി 1500 രൂപയുടെ ഡിസ്കൗണ്ടും ആമസോണിൽ ലഭിക്കും. ആകെ 2500 രൂപയുടെ ഡിസ്കൗണ്ട്. അ‌ങ്ങനെ ഈ ഫോൺ 17,499 രൂപയ്ക്ക് ലഭ്യമാക്കിയിരിക്കുന്നു. അ‌തേസമയം എസ്ബിഐ ബാങ്ക് കാർഡ് ഉപയോഗിച്ച് പർച്ചേസ് നടത്തുന്നവർക്ക് മാത്രമാണ് ബാങ്ക് ഓഫർ ലഭ്യമാകുക.

സെയിൽ ആരംഭിക്കുന്ന സമയത്ത് തന്നെ വിവരം അ‌റിയാൻ ആ​മസോൺ പേജിലെ നോട്ടി​ഫൈ മീ ഓപ്ഷൻ ഉപയോഗപ്പെടുത്താവുന്നതാണ്. 20000 രൂപയിൽ താഴെ വിലയിൽ വാങ്ങാവുന്ന മികച്ച 5ജി സ്മാർട്ട്ഫോൺ ഓപ്ഷനാണ് ഇത്. വൺപ്ലസ് നോർഡ് സിഇ 3 ​ലൈറ്റ് സ്മാർട്ട്ഫോണിന്റെ പ്രധാന ഫീച്ചറുകൾ പരിചയപ്പെടാം.

120Hz റിഫ്രഷ് റേറ്റുള്ള 6.72-ഇഞ്ച് LCD ഡിസ്‌പ്ലേയാണ് ഇതിലുള്ളത്. ക്വാൽക്കോം സ്നാപ്ഡ്രാഗൺ 695 പ്രോസസറാണ് ഈ ഫോണിന്റെ കരുത്ത്. ആൻഡ്രോയിഡ് 13 അടിസ്ഥാനമാക്കിയുള്ള ഓക്‌സിജൻ ഒഎസ് 13.1-ലാണ് പ്രവർത്തനം. 8GB LPDDR4x റാം+ 128GB UFS 2.2 സ്റ്റോറേജ്, 8GB LPDDR4x റാം+ 256GB UFS 2.2 സ്റ്റോറേജ് എന്നിങ്ങനെ രണ്ട് വേരിയന്റുകളിൽ ലഭ്യമാകും.

സാംസങ് HM6 സെൻസർ പിന്തുണയിൽ എത്തുന്ന 108 മെഗാപിക്സൽ പ്രൈമറി ക്യാമറയും 2 മെഗാപിക്സൽ ഡെപ്ത് സെൻസറും 2 മെഗാപിക്സൽ മാക്രോ ലെൻസും അടങ്ങുന്ന ട്രിപ്പിൾ റിയർ ക്യാമറ സിസ്റ്റം ആണ് വൺപ്ലസ് നോർഡ് സിഇ3 ​ലൈറ്റ് 5ജിയിൽ ഉള്ളത്. ഫ്രണ്ടിൽ സെൽഫികൾക്കും വീഡിയോ കോളുകൾക്കുമായി 16 മെഗാപിക്സൽ ക്യാമറയും ഉൾപ്പെടുന്നു.

67W SUPERVOOC ചാർജിങ് പിന്തുണയുള്ള 5000mAh ബാറ്ററിയാണ് നോർഡ് സിഇ 3 ​ലൈറ്റിലുള്ളത്. 80W ഫാസ്റ്റ് ചാർജറുമായി ബോക്‌സ് എത്തുന്നു. ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിലിൽ 20000 രൂപയിൽ താഴ്ന്ന വിലയിൽ സ്വന്തമാക്കാവുന്ന മികച്ച 5ജി സ്മാർട്ട്ഫോണുകളുടെ നിരയിലെ പ്രധാനിയാണ് വൺപ്ലസ് നോർഡ് സിഇ3 ​ലൈറ്റ് 5ജി.