ആമസോൺ ​പ്രൈം ഡേ സെയിലിൽ 20000 രൂപയിൽ താഴെ വിലയിൽ ലഭ്യമാകുന്ന മികച്ച സ്മാർട്ട്ഫോണുകൾ

സ്മാർട്ട്ഫോൺ വാങ്ങാൻ ആഗ്രഹിച്ചവർക്ക് മികച്ച അ‌വസരം നൽകി ആമസോൺ ​പ്രൈം ഡേ സെയിൽ പുരോഗമിക്കുകയാണ്. ജൂ​ലൈ 16ന് രാത്രി 11: 59 വരെ മാത്രമാണ് ​പ്രൈം ഡേ സെയിൽ ഓഫറുകൾ ലഭ്യമാകുക. ഈ അ‌വസരം മികച്ച രീതിയിൽ പ്രയോജനപ്പെടുത്തിയാൽ ഉപയോക്താക്കൾക്ക് ഇഷ്ടഫോൺ കുറഞ്ഞ വിലയിൽ സ്വന്തമാക്കാം.

ഐസിഐസിഐ, എസ്ബിഐ ബാങ്ക് കാർഡ് ഉടമകൾക്ക് പ്രത്യേക ബാങ്ക് ഓഫറുകളും നോ കോസ്റ്റ് ഇഎംഐ ഓപ്ഷനുകളും ലഭ്യമാണ്. ആമസോൺ ​പ്രൈം അ‌ംഗങ്ങൾക്ക് മാത്രമാണ് ​ഡീലുകൾ ലഭ്യമാകുക എന്നകാര്യം പ്രത്യേകം​ ശ്രദ്ധിക്കേണ്ടതുണ്ട്. ​പ്രൈം ഡേ സെയിലിൽ 20000 രൂപയിൽ താഴെ വിലയിൽ ലഭ്യമാകുന്ന ചില സ്മാർട്ട്ഫോണുകൾ പരിചയപ്പെടാം.

ഐക്യൂ Z7s 5: 20000 രൂപയിൽ താഴെ വിലയിൽ വാങ്ങാൻ പരിഗണിക്കാവുന്ന മികച്ച സ്മാർട്ട്ഫോണുകളിൽ ഒന്നാണ് ഐക്യുവിന്റെ Z7s. 6.38-ഇഞ്ച് 90Hz ഫുൾ- എച്ച്‌ഡി+ ഡിസ്‌പ്ലേ, അഡ്രിനോ 619L GPU-മായി ജോടിയാക്കിയ ഒക്ടാ-കോർ ക്വാൽകോം സ്‌നാപ്ഡ്രാഗൺ 695 ചിപ്സെറ്റ് കരുത്തിലാണ് എത്തുന്നത്.

44W വയർഡ് ഫ്ലാഷ് ചാർജിംഗ് പിന്തുണയുള്ള 4,500mAh ബാറ്ററിയും ഇതിലുണ്ട്. ആൻഡ്രോയിഡ് 13 അടിസ്ഥാനമാക്കിയുള്ള ഫൺടച്ച് ഒഎസ് 13 ഔട്ട്-ഓഫ്-ദി-ബോക്‌സിൽ പ്രവർത്തിക്കുന്നു. ഐക്യൂ Z7s 5G യുടെ 6GB വേരിയന്റ് ​പ്രൈം ഡേ സെയിലിൽ വിൽപ്പനയ്ക്കിടെ 17,999 രൂപയ്ക്ക് ലഭ്യമാണ്. നോർവേ ബ്ലൂ, പസഫിക് നൈറ്റ് കളർ ഓപ്ഷനുകളിലാണ് ഫോൺ എത്തുന്നത്.

ഓപ്പോ A78 5ജി: 7nm മീഡിയ ടെക് ഡിമെൻസിറ്റി 700 ചിപ്സെറ്റ് പിന്തുണയിൽ ആണ് ഈ ഓപ്പോ ഫോൺ എത്തുന്നത്. 6.56-ഇഞ്ച് 90Hz HD+ IPS LCD പാനലും 33W സൂപ്പർവൂക്ക് ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയും ഇതിലുണ്ട്. ഓപ്പോ A78 5ജിയുടെ 8GB + 128GB സ്റ്റോറേജ് വേരിയന്റാണ് ലഭ്യമായിട്ടുള്ളത്.

8 മെഗാപിക്സൽ ഫ്രണ്ട് ക്യാമറ സെൻസറും 50 മെഗാപിക്സൽ പ്രൈമറി റിയർ സെൻസറും സെക്കൻഡറി 2 മെഗാപിക്സൽ സെൻസറും ഇതിൽ സജ്ജീകരിച്ചിരിക്കുന്നു. ഗ്ലോയിംഗ് ബ്ലാക്ക്, ഗ്ലോയിംഗ് ബ്ലൂ കളർ ഓപ്ഷനുകളിൽ ആണ് ഈ ഓപ്പോ സ്മാർട്ട്ഫോൺ ലഭ്യമാകുക. 18,999 രൂപയാണ് വില.

വിവോ ​വൈ56 5ജി: മീഡിയടെക് ഡൈമെൻസിറ്റി 700 ചിപ്സെറ്റ് പിന്തുണയിൽ ആണ് എത്തുന്നത്. 6.58- ഇഞ്ച് ഫുൾ- എച്ച്‌ഡി+ എൽസിഡി ഡിസ്‌പ്ലേയും 50 മെഗാപിക്‌സൽ പ്രൈമറി റിയർ സെൻസറും 2 മെഗാപിക്‌സൽ സെക്കൻഡറി സെൻസറും 16 മെഗാപിക്‌സൽ ഫ്രണ്ട് സെൻസറും അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് ഇതിലുള്ളത്.

18W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയും വിവോ ​വൈ 56 5ജി ഫോൺ പായ്ക്ക് ചെയ്യുന്നു. 8ജിബി + 128ജിബി സ്റ്റോറേജ് ഓപ്ഷനിൽ ബ്ലാക്ക് എഞ്ചിൻ, ഓറഞ്ച് ഷിമ്മർ നിറങ്ങളിൽ ആണ് ഇന്ത്യയിൽ ഈ സ്മാർട്ട്ഫോൺ അ‌വതരിപ്പിച്ചത്. ഇപ്പോൾ നടക്കുന്ന ആമസോൺ ​പ്രൈം ഡേ സെയിലിൽ 19,999 രൂപയ്ക്ക് ഈ സ്മാർട്ട്ഫോൺ സ്വന്തമാക്കാം.

റിയൽമി നാർസോ 60 5ജി: മീഡിയടെക് ഡിമെൻസിറ്റി 6020 ചിപ്സെറ്റ് കരുത്തുമാതാണ് ഈ ഫോൺ എത്തുന്നത്. 6.43-ഇഞ്ച് 90Hz ഫുൾ-എച്ച്‌ഡി+ സൂപ്പർ അ‌മോലെഡ് കർവ്ഡ് ഡിസ്‌പ്ലേയും 33W സൂപ്പർവൂക്ക് ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയും ഈ ഫോൺ പായ്ക്ക് ചെയ്യുന്നു.

ഒപ്റ്റിക്‌സിനായി, 64-മെഗാപിക്സൽ പ്രൈമറി സെൻസർ നയിക്കുന്ന ട്രിപ്പിൾ ലെയർ ക്യാമറ സംവിധാനവും ഇതിലുണ്ട്. റിയൽമി നാർസോ 60 5ജിയുടെ 8ജിബി + 128 ജിബി വേരിയന്റ് നിലവിൽ Rs. 17,999 രൂപ, 256 ജിബി ഓപ്ഷൻ 19,999 രൂപയ്ക്കും ലഭ്യമാണ്. കോസ്മിക് ബ്ലാക്ക്, മാർസ് ഓറഞ്ച് നിറങ്ങളിലാണ് മോഡൽ എത്തുന്നത്.