9499 രൂപ മുതൽ 52999 രൂപ വരെ വിലയിൽ ഐക്യൂ ഫോണുകൾ! ആമസോൺ ​പ്രൈം ഡേ ഓഫർ വിലകൾ പ്രഖ്യാപിച്ചു

ആമസോണിൽ ജൂ​ലൈ 12 മുതൽ 14 വരെ മൂന്ന് ദിവസം ​പ്രൈം ഡേ സെയിൽ നടക്കാൻ പോകുകയാണ്. വിവിധ ബ്രാൻഡുകളുടെ സ്മാർട്ട്ഫോണുകൾ ഈ ഓഫർ സെയിലിൽ ​പ്രൈം അ‌ംഗങ്ങൾക്ക് വൻ വിലക്കുറവിൽ സ്വന്തമാക്കാൻ അ‌വസരമുണ്ട്. ഇപ്പോൾ ഓഫർ സെയിൽ ആരംഭിക്കുന്നതിന് മുൻപ് തന്നെ വിവിധ ബ്രാൻഡുകളുടെ പ്രമുഖ സ്മാർട്ട്ഫോൺ മോഡലുകൾ എന്ത് വിലയിൽ ആണ് ഈ ഓഫർ സെയിലിൽ ​പ്രൈം അ‌ംഗങ്ങൾക്ക് ലഭ്യമാകുക എന്നുള്ള വിവരം ആമസോൺ പുറത്തുവിട്ടിട്ടുണ്ട്. ഇത് പ്രകാരം ഐക്യൂ സ്മാർട്ട്ഫോണുകൾക്ക് ലഭ്യമായ ഓഫർ വിലയും സെയിലിൽ ലഭ്യമാകുന്ന മോഡലുകളും ഏതൊക്കെയെന്ന് ഇവിടെ പരിചയപ്പെടാം.

ഐക്യൂ Z10 ​ലൈറ്റ് 5ജി (iQOO Z10 Lite 5G): ആമസോൺ ​പ്രൈം ഡേ സെയിലിൽ ഈ ബജറ്റ് 5ജി സ്മാർട്ട്ഫോൺ 9499 രൂപ വിലയിൽ ലഭ്യമാകും എന്നാണ് വെളിപ്പെടുത്തിയിരിക്കുന്നത്. യഥാർഥത്തിൽ ഐക്യൂ Z10 ​ലൈറ്റ് 5ജിയുടെ 4GB+ 128GB അ‌ടിസ്ഥാന വേരിയന്റിന് 9,999 രൂപയും, 6GB + 128GB വേരിയന്റിന് 10,999 രൂപയും, ടോപ്പ്-എൻഡ് 8GB+ 256GB വേരിയന്റിന് 12,999 രൂപയുമാണ് വില.

ഐക്യൂ Z10x 5ജി (iQOO Z10x 5G): 15000 രൂപയിൽ താഴെയുള്ള സ്മാർട്ട്ഫോണുകളുടെ സെഗ്മെന്റിൽ വരുന്ന ഈ മോഡൽ ആമസോൺ ​പ്രൈം ഡേ സെയിലിൽ ഓഫർ സഹിതം 12479 രൂപ വിലയിൽ വാങ്ങാനാകും. ഇതിന്റെ യഥാർഥ ലോഞ്ച് വില 6GB + 128GB അ‌ടിസ്ഥാന വേരിയന്റിന് 13,499 രൂപയും 8GB + 128GB വേരിയന്റിന് 14,999 രൂപയും ടോപ്പ്-എൻഡ് 8GB + 256GB വേരിയന്റിന് 16,499 രൂപയുമാണ്.

ഐക്യൂ Z10 5ജി (iQOO Z10): 25000 രൂപയിൽ താഴെ വിലയിലുള്ള സ്മാർട്ട്ഫോണുകളുടെ സെഗ്മെന്റിൽ അ‌വതരിപ്പിക്കപ്പെട്ട ഈ സ്മാർട്ട്ഫോൺ ​പ്രൈം ഡേ സെയിലിൽ ഓഫർ സഹിതം 19999 രൂപ വിലയിൽ വാങ്ങാനാകും. കൂടാതെ 3-6 മാസ നോ കോസ്റ്റ് ഇഎംഐ ഓപ്ഷനും ലഭ്യമാകും.

ഐക്യൂ Z10 5ജിയുടെ 8GB + 128GB അ‌ടിസ്ഥാന വേരിയന്റിന് 21,999 രൂപയും 8GB + 256GB വേരിയന്റിന് 23,999 രൂപയും 12GB + 256GB വേരിയന്റിന് 25,999 രൂപയുമായിരുന്നു ലോഞ്ച് വില. 2.5GHz ഒക്ട കോർ സ്‌നാപ്ഡ്രാഗൺ 7s ജെൻ 3 4nm മൊബൈൽ പ്ലാറ്റ്‌ഫോം ആണ് ഈ ഫോണിന്റെ കരുത്ത്.

ഐക്യൂ നിയോ 10R (iQOO Neo 10R): 30000 രൂപയിൽ താഴെ വിലയുള്ള സ്മാർട്ട്ഫോണുകളുടെ സെഗ്മെന്റിൽ വരുന്ന ഈ ഐക്യൂ ഫോൺ ​പ്രൈം ഡേ സെയിലിൽ ഓഫർ സഹിതം 23499 രൂപയ്ക്ക് വാങ്ങാനാകും. കൂടാതെ 3-6 മാസ നോ കോസ്റ്റ് ഇഎംഐ ഓപ്ഷനുകളും ഈ മോഡലിന് ലഭ്യമാകും.

ഇന്ത്യയിൽ ഐക്യൂ നിയോ 10R ന്റെ 8GB + 128GB അ‌ടിസ്ഥാന വേരിയന്റ് 26,999 രൂപ വിലയിലും 8GB + 256GB വേരിയന്റ് 28,999 രൂപ വിലയിലും 12GB + 256GB വേരിയന്റ് 30,999 രൂപ വിലയിലുമാണ് ലോഞ്ച് ചെയ്യപ്പെട്ടത്. ഒക്ട കോർ സ്നാപ്ഡ്രാഗൺ 8s ജെൻ 3 4nm മൊബൈൽ പ്ലാറ്റ്ഫോം ആണ് ഈ സ്മാർട്ട്ഫോണിന്റെ കരുത്ത്.

ഐക്യൂ നിയോ 10 (iQOO Neo 10): ആമസോൺ ​പ്രൈം ഡേ സെയിലിൽ ഈ കിടലൻ ഐക്യൂ ഫോൺ ഓഫർ സഹിതം 29999 രൂപ വിലയിലാണ് വാങ്ങാനാകുക. കൂടാതെ 3-6 മാസ നോ കോസ്റ്റ് ഇഎംഐ ഓപ്ഷനുമുണ്ട്. ഇതിന്റെ 8GB+ 128GB അ‌ടിസ്ഥാന വേരിയന്റിന് 31,999 രൂപയും, 8GB+256GB മോഡലിന് 33,999 രൂപയും, 12GB+256GB മോഡലിന് 35,999 രൂപയും, ടോപ്പ്-എൻഡ് 16GB+512GB മോഡലിന് 40,999 രൂപയുമാണ് യഥാർഥ വില.

ഐക്യൂ 13 5ജി (iQOO 13 5G): ​പ്രൈം ഡേ സെയിലിൽ ഈ പ്രീമിയം ഐക്യൂ ഫോൺ ഓഫർ സഹിതം 52999 രൂപ വിലയിൽ വാങ്ങാനാകും. ഒപ്പം നോ കോസ്റ്റ് ഇഎംഐ സൗകര്യവുമുണ്ടാകും. ഐക്യൂ 13 5ജിയുടെ 12GB+ 256GB വേരിയന്റിന് 54,999 രൂപയും 16GB+ 512GB വേരിയന്റിന് 59,999 രൂപയും ആണ് വില. പുതിയ ഏസ് ഗ്രീൻ ഉൾപ്പെടെ മൂന്ന് കളർ വേരിയന്റുകളിൽ ഇത് വാങ്ങാം.