ഗാലക്സി എം34 16,999 രൂപയ്ക്ക് വാങ്ങാം, പുത്തൻ സ്മാർട്ട്ഫോണുകളുടെ ആമസോൺ ​പ്രൈം ഡേ സെയിൽ ഓഫറുകൾ

ആമസോണിൽ ​പ്രൈം ഡേ സെയിൽ ആരംഭിച്ചിരിക്കുകയാണ്. 48 മണിക്കൂർ നീണ്ടുനിൽക്കുന്ന സെയിലിൽ ​പ്രൈം അ‌ംഗങ്ങൾക്ക് ആകർഷകമായ ഡിസ്കൗണ്ടുകളും ഓഫറുകളുമാണ് ആമസോൺ വാഗ്ദാനം ചെയ്യുന്നത്. സാംസങ് ഗാലക്സി എം34 ഉൾപ്പെടെ അ‌ടുത്തിടെ പുറത്തിറങ്ങിയ പ്രമുഖ സ്മാർട്ട്ഫോണുകളിൽ പലതിന്റെയും വിൽപ്പന നിശ്ചയിച്ചിരിക്കുന്നത് ആമസോൺ ​പ്രൈം ​ഡേ സെയിലിനോട് അ‌നുബന്ധിച്ചായിരുന്നു.

അ‌തിനാൽത്തന്നെ ​പ്രൈം ഡേ സെയിൽ ഓഫറുകൾകൊണ്ട് മാത്രമല്ല, പുത്തൻ സ്മാർട്ട്ഫോണുകളുടെ വരവുകൊണ്ടും ​പ്രൈം ഡേ സെയിൽ ഏറെ പ്രാധാന്യം നേടിയിരിക്കുന്നു. വൺപ്ലസ് നോർഡ് 3ജി, റിയൽമി നാർസോ 60 5ജി, ഐക്യൂ നിയോ 7 പ്രോ തുടങ്ങിയ പുത്തൻ സ്മാർട്ട്ഫോണുകളെല്ലാം ഇപ്പോൾ മികച്ച ഓഫറുകളോടെ സ്വന്തമാക്കാം.

സാംസങ് ഗാലക്സി എം34: അ‌ടുത്തിടെയായി തുടർച്ചയായി പുത്തൻ ഫോണുകൾ വിപണിയിൽ എത്തിക്കുന്ന സാംസങ് ഏറ്റവുമൊടുവിൽ ലോഞ്ച് ചെയ്ത സ്മാർട്ട്ഫോൺ ആണ് ഗാലക്സി എം34. ​പ്രൈം ഡേ സെയിലിനോട് അ‌നുബന്ധിച്ച് വിൽപ്പന ആരംഭിക്കുന്നതിനാൽ M34 5G യുടെ 6GB+128GB അടിസ്ഥാന വേരിയന്റിന് വേരിയന്റിന് 16,999 രൂപയാണ് വില നിശ്ചയിച്ചിരിക്കുന്നത്.

എം 34 ന്റെ 8 ജിബി റാം, 128 ജിബി സ്റ്റോറേജ് മോഡൽ 18,999 വിലയിലും ലഭ്യമാകും. വിൽപ്പന ആരംഭിക്കുന്നതിനോട് അ‌നുബന്ധിച്ചാണ് ഈ വിലയിൽ ലഭിക്കുക എന്നാണ് റിപ്പോർട്ട്. അ‌തിനാൽ ഇപ്പോൾ വാങ്ങിയാൽ കുറഞ്ഞ വിലയ്ക്കൊപ്പം ​പ്രൈം ഡേ സെയിലിന്റെ ബാങ്ക് ഓഫറുകളും പ്രയോജനപ്പെടുത്തി ഈ സ്മാർട്ട്ഫോൺ വാങ്ങാം.

എക്സിനോസ് 1280 ചിപ്സെറ്റ് ആണ് ഗാലക്സി M34 5Gക്ക് കരുത്ത് പകരുന്നത്. M34 ന്റെ കുറഞ്ഞ വേരിയന്റിൽ 6ജിബി റാം + 128ജിബി സ്റ്റോറേജും ഉയർന്ന വേരിയന്റിൽ 8ജിബി റാം + 128ജിബി ഇന്റേണൽ സ്‌റ്റോറേജും നൽകിയിരിക്കുന്നു. 50 മെഗാപിക്സൽ ഇമേജ് സെൻസർ നയിക്കുന്ന ട്രിപ്പിൾ റിയർ ക്യാമറ സജ്ജീകരണമാണ് ഇതിലുള്ളത്.

വൺപ്ലസ് 10 ആർ: 38,999 രൂപ വിലയുള്ള ഈ സ്മാർട്ട്ഫോൺ 36,999 രൂപയ്ക്ക് ലഭ്യമാണ്. ഡെബിറ്റ് കാർഡുപയോഗിച്ചാൽ 2,250 രൂപ ഡിസ്കൗണ്ടും ലഭിക്കും!
റിയൽമീ നാർസോ 60 5ജി: 17,999 രൂപയുടെ ഈ സ്മാർട്ട്ഫോൺ ഇപ്പോൾ ആമസോണിൽ മികച്ച ഡീലിൽ ലഭിക്കും. 90Hz സൂപ്പർ അമോലെഡ് ഡിസ്‌പ്ലേയും 64എംപി സ്ട്രീറ്റ് ഫോട്ടോഗ്രാഫി ഫീച്ചറും ഇതിലുണ്ട്.

വൺപ്ലസ് നോർഡ് 3 5ജി: 256GB സ്റ്റോറേജ്, 5000mAH ബാറ്ററി, 16MP പിൻ ക്യാമറ എന്നിങ്ങനെ മികച്ച ഫീച്ചറുകളുമായാണ് ഈ സ്മാർട്ട്ഫോൺ ലോഞ്ച് ചെയ്തത്. 33,999 രൂപ വിലയിലാണ് ഈ സ്മാർട്ട്ഫോൺ വിൽപ്പനയ്ക്ക് എത്തുന്നത്. സോണി IMX890 കരുത്തുള്ള 50 എംപി ക്യാമറയാണ് നോർഡ് സിഇ 3യുടെ റിയർ ക്യാമറ വിഭാഗത്തെ നയിക്കുന്നത്.

ഐടെൽ എ60ഐ: വളരെ കുറഞ്ഞ വിലയിൽ മികച്ചൊരു ഫോൺ അ‌ന്വേഷിക്കുന്നവർക്ക് ഐടെൽ എ60ഐ പരിഗണിക്കാം. വെറും 6,299 രൂപ വിലയിൽ ഈ ഫോൺ ലഭിക്കും. 64 ജിബി സ്റ്റോറേജ്, 5000 എംഎഎച്ച് ബാറ്ററി, 8 എംപി ഡ്യുവൽ റിയർ ക്യാമറ എന്നിവയുമായി വരുന്ന ഈ ഐടെൽ ഫോൺ കുറഞ്ഞ വിലയ്ക്ക് ലഭിക്കുന്ന നല്ലൊരു ഓപ്ഷനാണ്.